薑蔥龍蝦尾意粉 @ The Pudding Nouveau

早前趁踏入新一年, 便食得好一點, 就去了我愛去的大坑食飯, 今次選了   The Pudding Nouveau食飯.

平日來這間食飯, 我多數點油封鴨脾, 今次見到有新菜式, 係我愛食的龍蝦, 決定試下.

新菜式係薑蔥龍蝦尾意粉.

中餐食薑蔥蟹, 薑蔥蝦食得多, 但配意粉, 西餐整法, 我也是首次食, 感覺幾特別.

上枱時已經香味撲鼻.

賣相精緻.

龍蝦肉肉質夠爽口彈牙.

龍蝦肉兩種食法, 部份龍蝦肉混入意粉當中, 充滿薑蔥的香味.

而龍蝦尾灑上黑胡椒, 較西式食法.

一次過食齊兩款口味, 真係不錯.

意粉軟硬適中, 啱我口味.

最後點了一杯熱的朱古加咖啡.

飲埋我最愛的咖啡, 這一餐好完美.

令人回味的晚餐 @ Warren

相隔一排, 又去大坑覓食, 今次去了我幾鍾意的食店 – Warren食飯.

店員先奉上麵包.

麵包幾脆身, 配上自家製牛油, 特別好味.

前菜選了羽衣甘藍黎麥沙律.

賣相精緻.

當中包括牛油果, 藜麥, 羽衣甘藍, 集合幾款近年受歡迎的健康食物.

牛油果與藜麥兩者好夾, 而羽衣甘藍也被我想像易入口.

法式洋蒽湯.

湯最基本要夠熱.

這裡的法式洋蒽湯係我最鍾意飲.

湯面有濃濃的芝士, 再配合煮熟晒的洋蒽, 令我每次也好回味.

主菜係波士龍蝦梳乎厘.

咸的梳乎厘整法相對較少食, 但感覺不錯, 而且內裡仲有龍蝦肉.

另一個整法就係焗, 而且仲好細心無切好一粒粒.

肉質幾爽口彈牙.

甜品不可少.

香脆焦糖芝士蛋糕.

焦糖面帶有脆身口感.

而芝士蛋糕夠幼滑, 但又不覺得太膩.

最後, 飲番一杯熱的伯爵茶.

可以起中和作用, 作為結尾好適合.

原隻波士頓龍蝦湯飯 @ 鯛魚魚湯專門店

早前去了鰂魚涌上堂, 上完堂後, 有點肚餓, 就係附近覓食, 最後就試了鯛魚魚湯專門店食嘢.

這裡的款式選擇也有不少, 可以揀烏冬, 湯飯.

我選了原隻波士頓龍蝦湯飯, 湯底就揀了我愛食的特濃蕃茄鯛魚湯.

小食點了一口芝味魚塊.

店員先奉上原隻波士頓龍蝦湯飯.

賣相相當吸引.

整整一隻龍蝦.

當中還有不少配菜, 包括黃菜絲, 木耳絲, 京蔥, 油揚絲和海草, 材料好豐富.

龍蝦蝦肉夠爽口彈牙.

再試下個湯, 香濃的蕃茄湯底, 愛食蕃茄湯的朋友可以一試.

而飯就吸收晒所以材料精華, 特別好味.

最細心的地方係唔夠湯可以叫佢加湯, 唔夠熱可以加熱.

一口芝味魚塊.

外層夠鬆脆.

一咬開, 就有芝士流出, 芝士和魚好夾, 非常好味.

香煎原隻龍蝦 @The Captain’s House

愛食海鮮的我, 早前相約愛好者去了尖沙咀的The Captain's House食飯.

我地先點了小食, 選了蟹肉釀蘑菇.

對於鍾意食芝士的朋友, 見到這個一定好開心.

蘑菇面滿滿芝士醬.

入口的芝士味道相當濃郁, 蘑菇夠多汁, 完全唔乾, 加上鮮美蟹肉, 多重口感.

天氣炎熱, 飲番一杯冰涼飲品, 叫了一杯mocktail - mid summer dream.

顏色幾靚, 甜度適中, 幾好飲.

這裡最多人食海鮮袋, 今次我地想試下其他款式.

所以點了香煎原隻龍蝦.

上枱時已被整隻龍蝦所吸引.

並用薯條來墊底.

龍蝦算大隻, 而龍蝦肉夠彈牙和鮮甜.

用煎的方法整龍蝦, 能夠完全食出龍蝦的本身的鮮美, 原汁原味.

薯條是粗身, 較有薯味, 口感也較佳.

另外, 試了夏威夷芝士牛肉竹炭漢堡.

份量也不細.

牛肉肉質不錯, 即使我地要全熟, 也不會覺得太乾身和硬.

加上各款的配料, 其中最愛當中的酸瓜, 再多一點更好. 所有配搭不錯.

這一餐真係豐富.