2015年10月31日星期六

柯士甸覓食 @ 金撈老鴨湯刺身火鍋專門店

依加去食火鍋, 發覺火鍋的湯底選擇越來越多, 而不同店舖也推出一些特式火鍋湯底作為招來. 今次去了位於柯士甸站附近的金撈老鴨湯刺身火鍋專門店食飯.

我幾欣賞這店在牆上掛了鈎, 方便人掛上袋, 這方面幾細心.


店員奉上醬料, 俾客人自己混醬.


這是我的混醬.


來到這裡, 當然要一試金撈富貴老鴨湯半隻. 當中更加入一些藥膳的配料, 如蟲草花, 杞子.


上枱時已被這個鍋所吸引, 原來份量也不少.

店員話當個鍋滾起, 就可以先飲湯和食鴨. 最後先加入清湯再打邊爐.


我自己是好鍾意飲湯, 所以啱晒我.

雖然加了杞子和蟲草花, 基本上唔覺有中藥味, 湯入口清甜, 飲的時候帶有鴨的肉香味, 仲有微微的酸味, 怎樣會這樣? 原來湯中仲加入了醃製的蘿蔔所致.


除了飲湯, 也要試下鴨肉.

鴨肉用筷子一夾開便鬆開, 非常腍身, 味道不會太濃, 所以另有一碟醬料用來點鴨. 點了後, 能提升鴨的鮮味.



打邊爐前, 我地點了一款小食, 就是麻香辣鴨掌拼卥水鴨腎.


我自己不是太食得辣, 初時擔心太辣食不到, 但估不到這個麻辣味可以接受, 而且仲好香.

鴨掌夠腍身, 而鴨腎就夠口感, 這款小食用來佐酒一流, 但不飲酒, 當前菜也夠醒胃.


火鍋料點了幾款, 包括花膠筒拼海參, 鴨紅和元貝滑.

花膠筒拼海參.


這兩款食材我也好鍾意食, 用來打邊爐, 夠滋補.

花膠筒好大件, 而本身花膠無乜味道, 這樣便能吸收晒鴨湯的精華, 變得好鮮味.

花膠是一款充滿膠原的食材, 好適合女士食用.

入口不會過於腍身, 食的時候帶點黏的感覺, 我自己鍾意這口感.

海參同樣是滋補養顔的食物, 無膽固醇, 好有益.

我自己鍾意食偏向腍身一點, 所以我就煮耐一點.


我本身唔太食豬紅這類的食物, 但朋友鍾意食, 而且我又無試過食鴨紅, 就點了來試下.


鴨紅的外表和平日食的豬紅無太大的分別, 但質感完全不同.

鴨紅是較為挺身, 無豬紅咁易整爛.

入口帶點硬硬地, 對於我來講口感都幾特別, 也可以接受. 我的朋友就非常欣賞這個鴨紅.


最後, 點了元貝滑.


由於當中加入了瑤柱絲, 所以入口時多了一份瑤柱的香味,

而且元貝滑也夠彈牙, 打邊爐時, 我自己就鍾意加入各款丸類.



整括來講, 我自己就好鍾意飲這個金撈富貴老鴨湯, 來這裡食飯必點, 而其他的款式也不錯, 佢地還有不少菜式選擇, 大家可以因應自己的喜好而點.


2015年10月30日星期五

嘆個下午茶 @ 樓下冰室

上星期六趁放假, 入了荃灣探朋友, 並跟了佢去路德圍的樓下冰室食番個TEA.


我點了個套餐. 當中配搭也有不少選擇.


朋友話這裡最出名就是蕃茄濃湯粉和瑞士雞翼或雞脾.

所以我點了蕃茄濃湯螺絲粉配牛乳炒蛋, 瑞士雞翼, 飲紅豆冰.

首先, 店員送上瑞士雞翼.


原來是全翼來, 一共兩隻, 而且都幾大隻.


瑞士雞翼最重要是醬汁調教, 這裡瑞士汁甜度適中, 不會太淡或太甜.

而雞翼不會外皮有味, 連肉也入了味, 所以會好味好多.


蕃茄湯螺絲粉配牛乳炒蛋.


上枱已聞到蕃茄味道.

湯底幾香濃, 充滿蕃加味, 即使飲多幾啖, 也不會覺得口渴.

當中牛乳炒蛋是重點所在.

由於蛋中加入牛乳, 入口時夠滑身外, 就是多了一份牛奶味, 所以較平日食的滑蛋有點不同.


而螺絲粉吸收晒湯的精華, 特別好味.


來到冰室, 怎樣也會點一些經典飲品, 紅豆冰對我來講是其中一款.


紅豆冰我較鍾意多紅豆, 這裡的紅豆還可以.

而紅豆軟硬適中, 飲的時候, 可以趙下紅豆, 雙重口感.





2015年10月29日星期四

天然漢方護膚品 - ATOCLASSIC 漢方鎮靜抗炎面膜和漢方抗炎修護乳液

每到進入轉季的時期, 我的肌膚也會受到影響, 肌膚容易出現敏感或是痕癢的情況. 今次試了ATOCLASSICSoothing Mask Pack 漢方鎮靜抗炎面膜和Family Lotion 漢方抗炎修護乳液


ATOCLASSIC始創是由歷經三代傳承, 累積100年豐富醫學知識及漢方皮膚治療經驗的又甫韓醫院所創立. 醫院以位於韓國中心的首爾江南狎鷗亭總部為中心, 為國內治療人數最高的皮膚醫院.

嚴格挑選天然漢方藥材及植物為主要成份, 不論是新生兒, 孕婦或皮膚疾病患者都可以安心使用, 是韓國最高水平的天然漢方護膚品.

ATOCLASSIC遵從5無原則 (無色素、無防腐劑、無對羥基苯甲酸酯、無人工香料、無類固醇) , 以天然原料作主導, 嚴選親膚的植物性原料作為天然漢方藥材, 絕對無添加、低刺激, 嚴格排除會刺激皮膚的化學原料及對皮膚有害成分, 讓敏感不安定的異位性皮膚炎患者也能夠安心使用的護膚品.

Soothing Mask Pack 漢方鎮靜抗炎面膜($175/5pcs)
漢方鎮靜抗炎面膜源自又甫的漢方秘方【解毒湯】, 有效鎮靜肌膚細胞活動所產生的熱毒. 黃蓮可快速鎮靜肌膚壓力, 消炎, 抗菌, 令炎症得到紓解. 連翹則有解毒, 去除 濕熱, 鎮静壓力的功效, 為敏感肌膚舒緩壓力. 面膜特用超薄桉樹天絲膜料, 為敏感肌膚減低刺激.


主要漢方成份:
黃蓮、黃芩、黃栢、連翹

一盒有五塊面膜.


我鍾意這面膜的剪裁, 好啱我面型, 又夠貼面.



敷完面膜後, 面上的帶紅的暗瘡或暗瘡印, 感覺稍為得到舒緩, 而且肌膚都幾水潤.


Family Lotion 漢方抗炎修護乳液($398/(400ml)
15 種漢方成分提煉而成, 當中的古方紫蓮膏是被廣泛應用於皮膚疾病患者的漢方軟膏, 擁有皮膚再生、緩解炎症與瘙癢症等效果. 配上神經醯胺全效防止面部及身體肌膚水分流失, 四種植物精油(澳大利亞堅果籽、繡線菊籽、葡萄籽、薰衣 草), 可強化皮膚自身防禦系統, 維持皮膚免疫力.


主要漢方成份:
紫草、當歸、黃蓮、馬齒莧、積雪草、陳皮、榆根皮

修護乳液質地算清爽.


由於踏入秋季, 身體肌膚較為乾, 有時仲會感覺痕癢, 所以我也會多搽身體乳液.

這款修護乳液成份有多種漢方成分, 但香味也不會有好濃烈的中藥味.

乳液易推開, 搽上身體上, 好快被肌膚吸收. 用後, 肌膚不但無咁乾, 而且減少咗痕癢感覺, 特別適合秋冬季使用.


產品及有關資料由品牌提供.

想知道佢地更多資料和最新消息, 可以登入以下網址:



踏入秋季, 火鍋好時機 @ 壹火鍋

踏入初秋, 又是火鍋的最佳時刻. 上星期便相約好友去了兆萬中心的壹火鍋食飯.


這裡不同時段收費也不同, 雞煲海鮮火鍋由$119, 刺身海鮮火鍋由$149.

我地見極尚松葉蟹海鮮鍋做湯底只需要每位額外加$10, 所以我地點了這裡.

而火鍋的醬料款式也有不少選擇, 可以因應自己的喜好而混醬.


而飲品也是自助形式, 除了汽水外, 仲有韓國樂天飲品和自製夏枯草, 總有一款適合你飲.

上枱時, 鍋內的材料相當豐富, 有松葉蟹, , 青口, 蝦和雜菜.


火鍋材料未到, 我地先食鍋內海鮮.

, 青口, 蝦和松葉蟹不是好大隻, 但勝在夠新鮮, 所以好鮮甜, 入口肉質也彈牙.


食咗鍋內的海鮮, 係時候開始打邊爐.

這裡的火鍋材料選擇也不少.

我地點了雪花肥牛肉, 滋補花膠, 是日海鮮是生蠔.

牛肉脂肪分怖平均, 色澤不錯.


由於夠薄身, 好快就熟, 肉質幾腍身, 牛肉味也不錯.


生蠔好大隻.


整熟後, 蠔仍然肥美, 蠔味也算重, 非常好味. 平日唔食生蠔的我, 可以暢快食番夠本.


打邊鍋丸類是我必點的食品之一. 這裡有不少丸類可以選擇. 我點了其中幾款.


當中包括蟹粉包心丸, 魚豆腐, 黃金麻吉燒, 鮮蝦滑等.

蟹粉包心丸一咬開後, 蟹粉流出, 口感十足.

黃金麻吉燒打邊爐較少見到, 所以點來試下, 原來這裡食也不錯.



整體來講,這裡款式選擇也算多, 食物上枱時間也算快, 沒有出現漏單的情況, 以這個價錢來講, 的確是多一個打邊鍋地點選擇.

2015年10月27日星期二

銅鑼灣食通天新蒲點 @ GREENHOUSE

銅鑼灣時代廣場食通天有不少食店, 間中我也會去覓食. 上星期上去時, 發現有新的食店, 所以決定試下這間GREENHOUSE.


 

一入店內一邊是酒吧.


而我鍾意店內的設計, 好別緻, 帶有田園氣息, 令人感覺舒服.




小食點了烤波多黎各菇配韓式泡菜芝士.


這個菇肉夠厚身, 而且燒完後, 不會乾身, 又夠汁, 口感一流.

再配上我最愛的芝士,入口時不但有芝士味, 仲食到微辣, 原來是混入了泡菜, 這樣仲好醒胃.

半溶芝士, 再加上多汁的大菇, 令我食完想再添食.


飲品點了Cherry Blossom & Kyoho Soda.


飲品賣相精緻.

飲品當中有一個圓形的大冰, 當中有士多啤梨, 直到飲完杯飲品也未完全溶掉.


初初飲的時候, 入口時帶有巨峰提子的味道, 但越飲味道越淡, 若少冰一點會更好, 可以保持味道長一點時間.

主菜點了酥炸『富貴鴨』配森巴醬與薯仔沙律.


鴨的份量都幾大, 而且附有森巴醬和沙律.


這個炸鴨, 外皮被炸到金黃色, 夠脆卜卜, 入口完全不覺得肥膩.



可能炸得香脆, 鴨肉較為乾身, 但不會太過硬身.


味道幾濃郁, 不點醬汁也可以.

森巴醬, 帶點微辣, 與鴨幾夾, 能帶起食肉的味道, 而且增加食慾感.


甜品點了法式香蕉焦糖燉蛋配黑咖啡.

上枱後, 店員會即時在客人面前在燉蛋上淋酒, 即時起火, 過一陣便會熄.


燉蛋面上的香蕉焦糖便會有微微燒過的痕跡.


香蕉加上帶點硬身的焦糖, 非常好味.

燉蛋好滑, 甜度又適中.

而隨燉蛋的黑咖啡是用來點來食, 店員提我不要直接將黑咖啡加入燉蛋中, 這會太濕, 變得不好食.



我也試了加入黑咖啡的感覺, 多了一份咖啡的香味, 基本上不加已經好好味.

'Sponsored Video: SK-II presents 'Unlimited'