2017年6月27日星期二

海鮮餐 @ 泰海鮮

我與幾個朋友也愛食海鮮, 間中便會相約去食, 早前在友人帶領下去了屯門的泰海鮮食海鮮.

食店外有不少海鮮檔, 可以選擇後, 交俾店舖加工.

海鮮款式也有不少, 我地選了幾款, 包括白灼九節蝦, 白酒忌廉煮花甲配烏冬, 蒜蓉粉絲蒸扇貝和泰皇芝心蝦丸.

白灼九節蝦.


白灼蝦食得多, 九節蝦甚少食.


九節蝦一般不會好大隻, 但勝在夠彈牙和鮮甜, 簡單白灼最能帶出蝦的鮮美.


白酒忌廉煮花甲配烏冬.


剛才點了一個清淡的煮法, 這個以白酒忌廉煮法, 相對濃味得多.

花甲處理得夠乾淨, 入口沒有沙.

花甲肉質幾爽身, 與白酒忌廉好夾.

我地想飽肚一點, 就加了烏冬.

每條烏冬也沾滿了醬汁, 特別好味, 而且烏冬質感也不錯.


蒜蓉粉絲蒸扇貝.


上枱時已聞到蒜蓉香味.

扇貝夠大粒, 完全不覺得乾.


而粉絲吸收晒汁的精華, 特別好味.


泰皇芝心蝦丸.


上枱時真係嚇一跳, 我無諗過係咁大粒.


這個一定要趁熱食.

一咬開蝦丸, 饀裡的芝士就會流出.


蝦肉夠爽口彈牙, 再配上流心芝士, 雙重口感.


對於甚少入來屯門食嘢的我, 這餐海鮮餐真係好豐富, 朋友無介紹錯.


2017年6月25日星期日

成份天然, 卸妝零負擔 - 韓國天然漢方穀物卸妝粉

對於暗瘡肌膚的我, 卸妝和潔面係重要一環, 所以要徹底抹去面上的化妝品殘留物, 不要阻塞毛孔, 今次試了韓國天然漢方穀物卸妝粉.


韓國天然漢方穀物卸妝粉
由十二種中藥與穀物而成, 包括發酵米糠,發酵豆製品,綠茶,桑葉,川芎,桑白皮,綠豆,魚腥草,糙米,燕麥片,白伏苓,苦參. 而且無人造色素、防腐劑與人工香料, 可以安心使用.

使用方法:
1.
洗手後,取硬幣大小的量小到你的手掌,並把它變成一個稍微稀糊狀
2.
塗抹在臉上輕輕按摩一分鐘
3.
以清水沖洗乾淨

如化全妝或使用睫毛膏後,請以眼唇卸妝液卸妝再使用卸妝粉.

卸妝粉質感是幼細的粉狀.


混入適量水於卸妝粉中, 變成稀糊狀, 便可以在面上打圈, 除去面上化妝品後, 便可以用清水洗乾淨.








使用完這個卸妝粉後, 感覺肌膚乾淨, 幾清爽, 不會有繃緊緊的情況, 但我習慣再使用多一次潔面產品.






我本身是暗瘡肌膚, 尤其是下巴位置, 我會將變成稀糊狀的卸妝粉當面膜敷在爆瘡的位置.


用咗幾次後, 發覺能加快紅腫暗瘡消紅, 加快痊癒.

對於我來講, 有兩個用途.


銷售點:
Kori Mall:


產品和資料由品牌提供.

想知道更多品牌的最新消息和資料, 可以登入以下網址:

2017年6月22日星期四

新鮮螺肉鮮肉丸 @ 金撈老鴨湯刺身火鍋專門店

鍾意食火鍋的我, 一年四季也會去食, 今次我就與友人去了位於佐敦的金撈老鴨湯刺身火鍋專門店.

一見到食店的名, 就知道必點與鴨有關的嘢, 所以湯底我地選了金撈富貴老鴨湯底(半隻).

打邊鍋當然不少得混醬.

醬料有十多款.


以下是我的混醬.


湯底上枱, 材料豐富, 除了主角鴨之外, 仲有素翅, 蟲草花, 蘿白和菇.


當湯底滾起, 便可以先飲湯和食湯料, 之後才開始火鍋.


鴨肉好容易整開, 肉質又夠嫩滑, 而個湯又鮮甜, 不自覺飲完一碗又一碗, 我一共飲咗幾碗.


火鍋配料我地選了招牌本地手切牛頸, 新鮮螺肉鮮肉丸, 鮮紫淮山和響鈴.

招牌本地手切牛頸.


牛肉可以說是火鍋配料必選食材.

牛肉色澤夠粉紅, 而且脂肪分怖平均.

我本身唔食生嘢, 所以牛肉一定要全熟.

時間滾耐咗, 但牛肉仍然保持稔身, 完全不乾和硬.



新鮮螺肉鮮肉丸.


肉丸食得多, 但混入螺肉我還是首次食.

肉丸幾有彈性, 中間加入螺肉, 多了一份口感, 也估不到兩者幾夾, 味道不錯.


鮮紫淮山.


這個食材又是首次食.

入口帶點粉身, 淮山有益, 多食無防.


響鈴.



吸收晒湯中所有精華, 特別好味.




2017年6月21日星期三

環境和食物質素不俗 @ CIAK- All Day Italian

早前相約在太古工作的友人食晚飯, 我地想食得舒服一點, 選擇了在太古城中心的CIAK- All Day Italian.

店內裝修以簡約為主, 位與位之間也夠寬闊, 令人坐得較舒服.

我地點了頭盤 - 意式炸海鮮拼盤.

主菜點了自家製豬肉腸仔拼蘑菇芝士薄餅和海鮮拼盤.

點完食物後, 店員先奉上一籃麵包.


麵包還是熱, 外層夠香脆, 內裡夠鬆軟, 非常好味.


有需要仲可以添加麵包.

意式炸海鮮拼盤.


材料相當豐富, 有蝦, 白飯魚, 南瓜, 魷魚圈等.

炸漿夠薄身, 入口時不會只食到粉漿.

每款食材也幾新鮮, 當中估不到有白飯魚, 仲要幾大條.


自家製豬肉腸仔拼蘑菇芝士薄餅.


薄餅是經麵包大師GIULIANO PEDICONI處方選用五種意大利麵粉而成, 所以不得不試.

上枱時已經香味撲鼻.

切開薄餅, 見到一絲絲的芝士, 非常吸引.


餅底幾脆身, 餡料有香腸, 蘑菇和芝士, 材料簡單, 但三者好夾, 令人食不停口.


海鮮拼盤.


愛食海鮮的我, 決定再點多一款海鮮.

海鮮拼盤有虎蝦, 鱸魚柳和墨魚.

鱸魚柳幾鮮美, 味道調教適中.


虎蝦不算好大隻, 但勝在夠爽口和彈牙.


最後, 點番一杯Tiramisu Coffee.



我也是首次飲, 入口有淡淡的Tiramisu香味, 幾香滑, 甜度較平日食的甜一點, 這樣啱晒我的口味.

'Sponsored Video: SK-II presents 'Unlimited'