HABA試用第九回: 傳說II - 一次過決缺水, 暗啞, 皺紋和鬆弛四大問題

隨着年紀漸大, 肌膚開始出現不同的問題, 今次試用傳說II (URUOI DENSETSU II), 等我先簡單介紹佢的功能和成份.

$320/10ML 或 $590/20ML

功能

活化皮膚細胞

含7大活性成分, 包括新抗氧化元素–白金, 有效減少肌膚受游離基的侵害, 延緩衰老. 更以高科技將稀有的「白金分子」納米化和縮小, 讓養分輕易的滲透到肌膚最底層, 修護和活化皮膚細胞, 使每項活躍成分能有效發揮其作用.

持續為肌膚補水

配合HABA皇牌成分鯊烯精華和Q10, 有效激活細胞, 促進肌膚新陣代謝,軟化膚質, 減少暗啞, 提升明亮感. 而且鯊烯精華有超強滲透力, 持續為肌膚補水, 改善乾燥 使肌膚潤澤及柔軟.

撫平皺紋

維他命A, C 和E能深層修護肌膚, 加強抗氧化功效, 為肌膚築起防禦網, 解決幼紋, 鬆弛等皮膚問題, 回復亮白. 當中也有保濕成份高的透明質酸, 有效鎖水.

適用:

任何肌膚性質,尤其適合鬆弛、皺紋及暗啞肌膚

使用方法:
1. 潔臉後, 以適當分量塗勻全臉, 再搽上G露水和鯊烯美肌清油.

2. 也可以配合ION機使用.

佢的質地好容易推開, 搽完後, 你會見到皮膚即時多咗光澤, 感覺多咗一層保護膜.

我為咗得到更佳的效果, 我今次是配合ION機使用. 使用前先準備ION機, 面膜紙, G露水和傳說II.

步聚:

1.      清潔面部

2.      將適量傳說II均勻塗於面上

3.      用HABA G露水將面膜紙濕透, 再敷於面上直到面膜紙完全緊貼面部

4.      按ION機上的ON/OFF按鈕跳到Refine

5.      按Level按鈕調校動力

6.      按着ION機雨旁的按鈕, 在面上滾動, 8分鐘後自動關閉

7.      最後按需要搽上鯊烯美肌清油

當我用完ION機後, 即是覺得肌膚明亮咗, 皮膚好滑, 又充滿彈性.

未用機前, 水份和細緻度只有2, 而油份就有5. 用完機後, 水份和細緻度提升到5, 而油份就只有2. 由於皮膚水潤咗, 相對乾紋也減少咗.

所以想有更快和更佳的效果, 除咗每天搽傳說II外, 也可以每星期用ION機導入傳說II.

健康又好味道的小食 - JOLI加州西梅~

我相信大家也清楚知道西梅的營養價值不少, 當中含有纖維素, 鉀質, 維他命 A和胡蘿蔔素. 簡單講吓佢的功效~

纖維素

主要功能是加速腸道的蠕動, 預防便秘、減慢腸道中的糖份和膽固醇進入血液的速度, 以保持血糖水平穩定.

鉀質

維持體內水份及酸鹼平衡, 有助控制血壓、維持心率正常.

維他命 A

防止患上眼疾、促進生長, 加強細胞及黏膜的保護和再生.

胡蘿蔔素

具抗氧化功能, 能抑制自由基生.

今次試食JOLI加州西梅, 一次過可以得到十包, 而每一包大約有八粒的西梅, 唔講唔知, 原來以 3 粒西梅為例, 便有 2 克纖維素、209 毫克鉀質、223IU 的維他命 A 及 112 毫克胡蘿蔔素.

平時我好少食梅, 覺得口感一般, 但這個口感唔錯, 唔會太軟, 而且酸酸地, 我最愛係下午三點幾四點時食, 那時的時間最難過, 有時又會痕, 有點肚餓想搵嘢食, 平日會食零食, 但依加食這包西梅, 不但健康而且又好醒神.

我好鍾意佢的包裝, 除咗有密實封口, 一次食唔晒可以留番第二日食, 每包也列明食用的到期日子, 食得放心.

而且每包仲附上膠棒, 真係好衛生和方便.當我食咗好幾日的西梅, 排便的情況真係好咗和暢順添.

現場直擊 - she.com x Sofina 『一夜昇華』體驗分享會

上星期六下午好開心能夠出席咗she.com x Sofina 『一夜昇華』體驗分享會~ 舉行地點位於金鐘海富中心的KAO HEALTH & BEAUTY CENTRE.

 

到達後, 職員安排我坐好後, 由於要做一個皮膚分析, 所以先去卸妝和洗面.

大會也好好咁安排咗一些小食和飲品俾我地, 也有職員示範俾我地知最新系列所不同~

好啦~ 分享會正式開始, 先由Sofina的職員講吓今日分享會的程序. 首先由關根小姐同大家分享一下秋冬護膚tips.

接着, 由市場部的同事同大家介紹吓這次最近Beaute系列三款產品, 包括化妝水, 防晒乳液和今次重點產品, 『一夜昇華』高濃度精華乳液.

大家對產品有基本的認識後, 關根小姐就教大家怎樣使用這些產品, 也請咗在現兩位朋友做示範.

當關根小姐教完大家後, 我地就可以親身試用這些產品. 而且這三款產品也有分清爽型和豐潤型, 一定有一款啱你.

最後, 大會仲送咗一套三件最新Beaute的產品俾各位, 等大家回家慢慢試, 多謝晒she.com和Sofina稍後會出試用文, 到時請黎支持啦~

集合修護, 抗皺於一身 - ORLANE高效抗皺晚間修護再生精華素

隨着年紀漸大, 肌膚相繼出現不同的問題, 為了針對唔同的肌膚問題, 需要選用重點的護膚產品. 今次同大家分享ORLANE的高效抗皺晚間修護再生精華素.

ORLANE突破性採用『時間生物學』科學技術, 發現肌膚的微環系統於晚間持續活躍和增速, 每晚11時更達至最高狀態. 同時亦提供氧氣和重要營養元素以強化不同的細胞功能. 接近凌晨1時, 細胞修復和分裂活動達至頂峰, 從而有效修補受損肌膚, 撫平皺紋. 晚間成為肌膚修護的最佳時光.

高效抗皺晚間修護再生精華素含有獨特成份海洋細胞能量因子, 有助激活肌膚細胞能量, 修補受損細胞和促進DNA的修復, 讓你一次過解決肌膚的問題, 如皺紋, 膚色不均, 浮腫暗啞. 早上起來, 肌膚柔嫩光滑, 無瑕緊緻.

使用方法:

洗完面和搽完爽膚水後, 取適量的精華素搽於面上.

用咗這款精華素一個多星期, 究竟效果點呢~

先講吓佢的質地, 佢的質地介乎精華素和面霜之間, 質地偏向杰身, 而我本身係混合性皮膚, 通常會選擇一些質地較清爽的產品, 由於這款精華素只在晚間使用, 這個質地對於我來講是啱啱好.

由於只需要每晚搽一次和每次揼一下, 非常方便, 我特別在較乾的面頰, 暗啞和有細紋的地方搽厚一點, 有一層保護膜, 第二朝起身, 皮膚沒有脫皮的現象, 多咗光澤, 返工上粉底時也會較貼服, 減少脫妝的情況.

未搽精華素前, 水份和細緻度只有1, 油份有5, 搽完精華素後, 水份和細緻度即時提升去到5, 油份也相對減到去3.

想得到有關ORLANE最新最快的資訊, 可以LIKE ORLANE 的FACEBOOK

https://www.facebook.com/pages/ORLANE/116652145040173

愛不釋手 - ANNA SUI 華麗指甲油

早前參加咗iMORE百人體驗團第二擊, 禮物當中有一支ANNA SUI 最新的指甲油, 每人的顏色都不同~ 而我就得到701的顏色.

今次ANNA SUI全新華麗甲油系列, 一共有45款炫目甲色, 讓妳由指尖開始裝扮, 完美配襯妳的不同造型. 今次分為華麗指甲油和華麗藝術指甲油.

(圖片取自官方網址)

華麗指甲油

全新的華麗指甲油包裝在ANNA SUI最優雅的華麗薔薇舞衣瓶身內等著你釋放無限創意, 妝點指尖魅力~配上被改良至更薄、更有彈性的掃, 可以輕鬆畫出色彩均勻且線條分明的每一筆.

(圖片取自官方網址)

華麗藝術指甲油

ANNA SUI華麗藝術指甲油擁有純色及閃片兩種不同質地，讓妳變成美甲彩繪達人設計鮮明又閃耀的指甲色彩！獨特較寬設計的掃，讓妳輕易創造出最漂亮的指甲色彩.

這次的包裝真係一見鍾情, 樽身是宮廷設計, 好靚和好特別~

這隻顏色淡色中帶有閃粉, 非常易襯, 即使平日返工搽上也唔會太誇張. 而且甲油有淡淡的香味, 不但有視覺享受, 連味覺都照顧埋~

最後, 當然要感謝ANNA SUI品牌提供華麗指甲油乙支作試用用途~

想知道更多更快ANNA SUI的產品消息, 可以到以下網址

http://www.annasui.com.hk/zh-hk/

好CREAM的質地 - bareMinerals的妝前底霜Prime Time Foundation Primer

今次想同大家分享bareMinerals的妝前底霜 - Prime Time Foundation Primer. 

這款底霜匯聚多種植物精華、抗氧化物、維他命C和E. 能令粧容更持久及整天保持清爽無瑕. 不含防腐劑及其他化學物, 適合任何肌膚.

它有三款俾大家選擇, 包括:

1)     ORIGINAL

揉合抗乾燥的甘草葉精華、蘆薈精華、洋甘菊精華

2)     OIL CONTROL :

適合油性肌膚人士使用

3)     BRIGHTENING

具珍珠粉末閃亮效果，令肌膚看來平滑光澤

使用方法:

於基本護膚及塗上面霜後, 及於bareMinerals SPF15純礦物粉底前使用.

以指尖, 點於額頭、鼻子、下巴及雙頰, 塗勻全面至乾透, 然後塗上bareMinerals SPF15 純礦物粉底.

而今次我試用的是有BRIGHTENING功效的妝前底霜. 初次搽上面時, 佢的質地幾特別, 好滑好CREAM, 望落去好似好油. 但慢慢推開後, 佢修飾咗我面上的粗大毛孔, 雖然仍然見到, 但毛孔就細緻咗和平滑咗.

搽完它後, 我就掃上礦物粉. 對於容易出油的我, 控油方面就一般, 因它主要功能係令肌膚有光澤和平滑, 我相信有OIL CONTROL功能那款會更適合我試用, 有機會我會試一試.

bareMinerals已於10月9日在金鐘太古廣場Harvey Nichols開設專櫃,

10月13日也會在尖沙咀海運大廈FACES開設, 大家要留意呀~

有點失望的活動 - iMORE百人體驗團第二擊~

iMORE早在幾個月前舉行過一次百人體驗團, 可惜那次未能抽中, 而iMORE在上星期日再舉行百人體驗團第二擊, 今次終於可以參加, 所以都好期待究竟是怎樣~

今次舉行的地點係灣仔德興大廈的eTECH, 我大約二點九到達, 先去登記~

過咗一陣就開始入場, 活動開始時, 司儀先同大家講幾句說話, 今次活動有五個品牌, 包括MIOGGI, iiJin, ANNA SUI, TSL謝瑞麟和iHoney.

首先, MIOGGI的代表介紹佢地的生命水和BB Cream, 我地都有即場試用BB Cream.

之後, 就係iiJin的代表, 佢地除咗推出厚底鞋, 也有其他的衫和手袋, 也請咗現在幾位朋友出來玩遊戲, 配搭外套, 手袋和鞋, 勝出者可以得到一對超閃的厚底鞋.

跟着就是ANNA SUI的代表, 這次主要介紹佢地秋冬天推出的化妝產品, 仲用最新推出的產品現場示範一個妝容. 而我地也可以係坐位上試指甲油, 這次的甲油包裝真係好靚, 令我愛不釋手.

接着就是TSL謝瑞麟代表, 佢是一位婚介大使, 佢地推出一個全新的概念, 可以幫客人安排一個令人難忘的求婚之夜, 也會在安排結婚事宜期間, 提供協助.

也邀請兩位現場朋友參與遊戲, 佢地要對着所選擇的男士示愛, 勝出者可以一到一條好靚的頸鍊, 成六千幾蚊架, 恭喜晒~

最後就是iHoney的代表, 現今科技發達, 好多人用iPAD, iPHONE上網, 所以推出咗好多網上睇的雜誌, 今次iHoney就加入咗幾個新的功能, 令睇的時候更有趣味.

最後, 大會仲請到特別嘉賓羽翹同大家分享一下佢的護膚心得添.

活動完結後, 每有都得到一份禮物. 稍後就會出試用文有關ANNA SUI的甲油和MIOGGI的生命水.

不過也想反映一下, 這次的場地唔係咁好, 由於分為兩邊, 所以好多時化妝示範, 我係唔多睇得到, 只能係螢光幕. 到咗揀朋友玩遊戲時, 司儀不一定睇到咁多人, 所以佢望到一邊, 就望唔到另一邊. 希望大會下次再舉行第三團時, 能夠有更好的安排.