白湯蜆松露鹽味拉麵 @ Strike Noodles

認識我的朋友一定知道我鍾意食拉麵, 知有有一間來自大阪梅田的拉麵店係尖沙咀開店, 我當然要去試下, 上星期便與A先生去了Strike Noodles.

我點了白湯蜆松露鹽味拉麵.

A先生點了白湯野菜醬油拉麵.

我地另外加了炸雞, 炒野菜和叉燒.

白湯蜆松露鹽味拉麵.

平日食拉麵, 多數以豬骨湯底為主, 這個係雞湯, 所以味道相對較為淡一點.

材料有雞肉, 蜆, 蛋.

我食拉麵一定要食蛋, 這個蛋整得幾好味.

雞肉肉質尚算可以, 唔會太乾身.

加入蜆肉, 所以多了一份鮮味.

雖然麵質無得選擇軟硬度, 但麵質軟硬度適中.

A先生選的白湯野菜醬油拉麵.

材料有义燒, 野菜, 蛋和紫菜

湯底相對較為濃味一點.

單點义燒.

一碟有兩塊.

估唔到一塊咁大又厚身, 而且仲係偏瘦, 啱晒我的口味.

炸雞.

一碟有四大件.

外層帶點脆身, 炸粉唔會太過多, 味道較濃味.

而內裡的雞肉夠嫩滑.

來這裡食嘢, 這個必點來一試.

一口氣食了咁多肉類, 當然要點碟菜中和一下.

下次要試下這裡的沾麵.

雞白湯沾麵 @ 金鶴拉麵

我自己鍾意食拉麵, 平日會定期去食, 通常去拉麵店也是快食為主, 較少一邊慢慢食, 一邊傾計, 但早前去了位於佐敦的金鶴拉麵食飯.

到達門口, 已被設計所吸引.

而入到店內, 見到一幅掛畫, 由金箔整成, 相當名貴.

這裡最靚係洗手間.

行入洗手間的地方整成一片石春路.

係洗手間裡更放了一部大電視機, 真係好豪華.

參觀完洗水間, 係時候點嘢食.

這裡最出名就係雞白湯底.

由於我愛食沾麵, 所以點了一個雞白湯沾麵.

當中包括黑豚，溏心蛋和慢煮赤雞.

小食點了唐揚. 炸赤雞.

沾麵食得多，但雞白湯底卻首次食.

店內所有的水, 即使係洗手間, 也係使用有認證的水, 大家可以安心飲用.

沾麵上枱.

賣相精緻.

湯以火爐承載住, 保持湯的熱度.

而麵用凍水過冷河, 麵質更為彈牙.

湯夠杰, 入口有香濃的雞味, 較平日食的沾麵淡身一點. 又夠滋補，啱曬女士.

掛湯情況不錯, 幾好味.

黑豚肥瘦均勻, 肉質夠鬆軟. 而雞肉相當嫩滑, 完全唔覺得乾和硬.

溏心蛋不可缺少. 味道調教不錯.

食完後, 可以同店員講, 佢地會送上高湯, 將湯加上雞白湯中, 可以中和咸度, 飲番幾啖湯, 相當不錯.

炸赤雞.

炸粉薄身, 唔會成口粉漿. 雞肉夠嫩滑.

由於這裡設計係俾客人慢慢食, 就算同友人來傾話食飯, 這樣也係不錯選擇, 日後多了一個地方選擇.

黑豚拉麵 @ 金田家

愛食日本拉麵的我, 相隔一段日子便會去食, 今試去了位於紅磡的金田家.

我選了黑豚拉麵, 麵要軟身.

另外加了溏心蛋和粟米.

小食點了男爵薯餅.

飲品選了可爾必思走冰.

店員先奉上黑豚拉麵.

這個拉麵相當豐富, 义燒圍係整個碗邊, 一共有六片.

义燒係我鍾意的瘦身為主, 肉質夠稔身.

溏心蛋基本上食拉麵必點.

蛋尚算流心.

我自己鍾意食軟身麵條, 因為更能吸收湯的精華, 特別好味.

其他配料也不錯.

男爵薯餅.

一共有紫薯粟子和蕃薯牛肉兩款.

外層炸得夠鬆化, 口感不俗. 若牛肉和粟子份量多一點會更好味.

可以一次過試晒兩款口味, 最啱貪心的我.