白湯蜆松露鹽味拉麵 @ Strike Noodles

認識我的朋友一定知道我鍾意食拉麵, 知有有一間來自大阪梅田的拉麵店係尖沙咀開店, 我當然要去試下, 上星期便與A先生去了Strike Noodles.

我點了白湯蜆松露鹽味拉麵.

A先生點了白湯野菜醬油拉麵.

我地另外加了炸雞, 炒野菜和叉燒.

白湯蜆松露鹽味拉麵.

平日食拉麵, 多數以豬骨湯底為主, 這個係雞湯, 所以味道相對較為淡一點.

材料有雞肉, 蜆, 蛋.

我食拉麵一定要食蛋, 這個蛋整得幾好味.

雞肉肉質尚算可以, 唔會太乾身.

加入蜆肉, 所以多了一份鮮味.

雖然麵質無得選擇軟硬度, 但麵質軟硬度適中.

A先生選的白湯野菜醬油拉麵.

材料有义燒, 野菜, 蛋和紫菜

湯底相對較為濃味一點.

單點义燒.

一碟有兩塊.

估唔到一塊咁大又厚身, 而且仲係偏瘦, 啱晒我的口味.

炸雞.

一碟有四大件.

外層帶點脆身, 炸粉唔會太過多, 味道較濃味.

而內裡的雞肉夠嫩滑.

來這裡食嘢, 這個必點來一試.

一口氣食了咁多肉類, 當然要點碟菜中和一下.

下次要試下這裡的沾麵.

Maru 秘製青口鍋 @ Pizza Maru

早前與愛食韓國嘢的友人食飯, 佢提議去位於尖沙咀的Pizza Maru食嘢.

我地先點了一個叫蜜糖柚子花園的沙律.

蔬菜幾新鮮爽脆.

唯獨就其他配料, 如菠蘿, 車厘茄較少, 感覺就係齋食菜咁.

釀車打蝦焗波特菇.

個菇夠多汁.

而且內裡釀了車打蝦, 入口有淡淡的芝士味, 非常好味.

Maru 秘製青口鍋.

份量幾多.

上枱時已香味撲鼻.

青口幾飽滿, 而且這個係韓式整法, 所以有微微辣, 對於唔食得辣的我也能接受, 仲幾惹味.

蜂蜜牛油秘製炸雞.

炸雞不能少, 款式也有不少.

最後選了這款蜂蜜牛油.

外皮幾脆身, 灑上帶甜的粉, 多一份味道.

雞肉尚算嫩滑, 若味道再濃一點, 更好味.

重拾炸雞味道 @ 繼光香香雞

每次去台灣旅行, 必定去繼光香香雞走一趟.  較早前繼光香香雞終於係炮台山開了分店, 早前去了食.

選了SPA雞排, 香香炸雞和海苔墨魚甜不辣.

開幕優惠, 由即日到10月31日, 買任何食品, 加$5配水果冰茶或桂香酸梅湯一杯. 我選了水果冰茶.

由於係即叫即整, 所以要等一等.

SPA雞排.

一打紙袋, 已經香味撲鼻.

雞排上灑滿了胡椒粉, 特別惹味.

全部都係肉, 最啱邊行邊食.

炸粉夠薄身, 唔會過厚, 而肉質幾嫩滑, 調教味道適中.

不得不試香香炸雞.

一共有三個不同SIZE選擇, 我這個是最細.

而且雞的辣度可以選由正常(特製胡椒粉, 不辣), 微辣, 小辣, 中辣和大辣.

我唔食辣, 所以選了正常.

這個就食得方便.

海苔墨魚甜不辣.

入口帶點煙煙韌韌, 幾好口感, 仲有一份海苔味道, 雙重口感.

水果冰茶.

一口氣食了多款炸嘢, 飲番一杯冰凍的冰茶啱晒, 我最鍾意佢無冰, 唔會整淡味道, 甜度適中, 又能解喝.