牛排骨湯與炸雞 @ Dodam Chicken

早前與愛食韓國的友人去食飯, 當然由佢介紹下去了銅鑼灣的Dodam Chicken食晚飯.

愛食牛的我, 見到有牛排骨湯, 便不用考慮下點了.

另外, 炸雞當然不少得, 由於想食兩個味道, 所以點了韓式甜豉油脆雞拼香蒜脆雞.

店員先奉上牛排骨湯.

第一時試個湯.

個湯的牛味好濃郁, 又夠甜, 非常好飲.

估唔到有咁多牛排骨肉.

由於肉相對較多, 湯就每人只夠一碗, 唔夠喉.

肉質相當稔身, 完全唔會乾身和硬.

這個湯係我近期飲的牛排骨湯最好飲.

韓式甜豉油脆雞拼香蒜脆雞上枱.

香味撲鼻.

雖然淋上醬汁, 但雞的外層仍然保持脆口, 而且炸粉適中, 唔會太厚粉, 啱我口味.

而雞肉幾嫩滑.

唯獨香蒜味道唔夠, 再多一點會更惹味.

重拾炸雞味道 @ 繼光香香雞

每次去台灣旅行, 必定去繼光香香雞走一趟.  較早前繼光香香雞終於係炮台山開了分店, 早前去了食.

選了SPA雞排, 香香炸雞和海苔墨魚甜不辣.

開幕優惠, 由即日到10月31日, 買任何食品, 加$5配水果冰茶或桂香酸梅湯一杯. 我選了水果冰茶.

由於係即叫即整, 所以要等一等.

SPA雞排.

一打紙袋, 已經香味撲鼻.

雞排上灑滿了胡椒粉, 特別惹味.

全部都係肉, 最啱邊行邊食.

炸粉夠薄身, 唔會過厚, 而肉質幾嫩滑, 調教味道適中.

不得不試香香炸雞.

一共有三個不同SIZE選擇, 我這個是最細.

而且雞的辣度可以選由正常(特製胡椒粉, 不辣), 微辣, 小辣, 中辣和大辣.

我唔食辣, 所以選了正常.

這個就食得方便.

海苔墨魚甜不辣.

入口帶點煙煙韌韌, 幾好口感, 仲有一份海苔味道, 雙重口感.

水果冰茶.

一口氣食了多款炸嘢, 飲番一杯冰凍的冰茶啱晒, 我最鍾意佢無冰, 唔會整淡味道, 甜度適中, 又能解喝.

晚飯 @ 浦井韓食居酒屋

早前相約好友去尖沙咀I Square睇戲, 便先食晚飯. 我地便係同商場食, 最後選了浦井韓食居酒屋.

我地選了炸雞, 一共有五款口味, 包括原味, 辣味, 芥末味, 蜜糖醬和黃金芝士.

這裡除了單併和雙併外, 仲有三併, 啱晒貪心的我地, 所以選了芥末味, 蜜糖醬和黃金芝士.

仲有半份或全份選擇, 全份大約八件雞, 不算多, 所以選了全份.

炸雞上枱.

芥末味.

蜜糖醬.

 

黃金芝士.

炸雞係得幾靚, 外層炸得夠香脆, 內裡的雞肉尚算嫩滑, 味道調教也算不錯.

但同我想像中有點出入, 因為醬汁只是淋在炸雞面, 唔太似韓式.

而且以全份八件雞, 價錢要$198, 價錢較為貴.

另外, 多點了一個海鮮野菌豆腐湯.

材料尚算豐富, 有我特別鍾意食的青口和墨魚圈, 湯也幾鮮美.

滋潤一下喉嚨, 減去食炸雞的熱氣, 起中和作用.