牛排骨湯與炸雞 @ Dodam Chicken

早前與愛食韓國的友人去食飯, 當然由佢介紹下去了銅鑼灣的Dodam Chicken食晚飯.

愛食牛的我, 見到有牛排骨湯, 便不用考慮下點了.

另外, 炸雞當然不少得, 由於想食兩個味道, 所以點了韓式甜豉油脆雞拼香蒜脆雞.

店員先奉上牛排骨湯.

第一時試個湯.

個湯的牛味好濃郁, 又夠甜, 非常好飲.

估唔到有咁多牛排骨肉.

由於肉相對較多, 湯就每人只夠一碗, 唔夠喉.

肉質相當稔身, 完全唔會乾身和硬.

這個湯係我近期飲的牛排骨湯最好飲.

韓式甜豉油脆雞拼香蒜脆雞上枱.

香味撲鼻.

雖然淋上醬汁, 但雞的外層仍然保持脆口, 而且炸粉適中, 唔會太厚粉, 啱我口味.

而雞肉幾嫩滑.

唯獨香蒜味道唔夠, 再多一點會更惹味.