與友相聚 @ Café Paradise

早前同朋友去了位於太子的Café Paradise食晚餐.

店子不是太大間, 但座位與座位之間不是太迫.

這裡的晚餐價錢合理, 包餐湯, 沙律, 主菜, 甜品和餐茶. 可以加$15轉特飲或$加25轉花茶.

我點了香脆豬手配燒汁.

飲品我轉了花茶. 點了藍莓花茶.

先奉上餐湯, 今日是羅宋湯. 我是愛濃味一點, 所以對於我來講, 湯比較淡.

田園沙律的蔬菜幾新鮮, 配上醬汁, 餐前食, 幾醒胃.

也點了小食 – 香脆炸生蠔.

雖然我不食魚生, 但愛食熟蠔.

這個炸生蠔, 外皮夠脆, 內裡蠔夠嫩滑, 蠔味也夠濃, 若能大隻一點更好.

接着, 主菜出場.

香脆豬手配燒汁上枱時已聞到香噴噴, 賣相仲相當吸引.

份量都幾大件, 豬手上枱時是原隻上.

豬手皮炸得好靚, 我當然第一時間食皮, 外皮好香脆, 感覺有點似食薯片.

而肉質幾稔身, 入口口感不錯. 味道適中, 不會太淡或太咸. 鍾意食豬手的朋友要來一試.

配菜也不要錯過, 有翠肉瓜, 紅蘿蔔, 西蘭花, 食得太多肉, 可以用來中和一下.

甜品我點了士多啤梨Pancake.

上枱時賣相幾靚.

Pancake軟硬度尚算適中, 但蛋味不夠香濃, 中間夾了士多啤梨, 酸酸甜甜也不錯, 不過一個要$68, 價錢略為貴咗一點.

初嘗招牌燒豬手@燒味家族

星期日剪完頭髮後, 順便去燒味家族斬料, 晚飯可以加餸.

這裡除了平日常食的燒味外, 也有幾款較為特別的款式, 包括芝士拉义燒, 招牌燒豬手和脆皮燒腩仔配蜜糖芥茉醬.

由於我鍾意食豬手, 所以外賣這款返屋企. 你可以選擇原隻豬手, 但我就叫佢切埋.

返到屋企, 我就試下. 豬手都算大隻, 份量都幾多.

隨盒附有醬料, 包括芥末醬和蜜糖芥末醬兩款.

因為我屋企沒有焗爐, 返到屋企豬手皮已無乜脆. 若想豬手皮鬆脆, 可以放入焗爐焗10分鐘, 這樣食外皮夠脆.

雖然外皮不是太脆, 但豬手較瘦的位置幾嫩滑和咸香, 啱晒我的口味. 若然豬味再多一點會更美味.

我特別鍾意佢的蜜糖芥末醬, 芥末醬幾突出, 點上豬手, 一咸一辣雙重味覺.

另外, 我會用豬手配烏冬一齊食, 因為烏冬我只放了少許雞粉, 配上較濃味的豬手味道就剛剛好.

 而剩下的豬手骨也不會浪費, 滾菜湯時可以加入去一齊滾, 令湯更鮮美.

太子尋食記 - 稚內日式創作料理居酒屋

上星期去了位於太子稚內日式創作料理居酒屋食晚飯.

所有餐具也是用上同一系列的圖案, 我自己覺得幾靚.

雖然我不食魚生, 但來到居酒屋, 友人當然要試試這裡的刺身.

所以點了極上刺身盛, 當中有帶子, 蝦, 三文魚等… 雖然我唔食, 見到上枱時的賣相, 也覺得吸引.

飲品我點了黑加侖子特飲, 賣相幾靚.

不少人覺得不食魚生, 食日本野少咗選擇, 其實仲有好多食物可以選擇, 其中一樣就是拉麵, 這是我喜愛的日本野食之一.

今次我點了义燒烏冬.

义燒肥瘦均勻, 但我自己較愛食瘦的义燒. 我鍾意佢個烏冬, 夠彈牙和煙韌.

友人點了三文魚他他, 原來是將三文魚整碎成一個餅, 客人自行搽在麵上, 這食法幾特別.

三文魚煮法也可以熟食, 就點了三文魚柳伴山葵泡沫.

好多人怕三文魚煮後, 肉質變得比較硬身, 但這個肉質仍然保持嫩滑, 配上這個醬料, 幾夾, 味道也不錯.

來到居酒屋, 小食是不可缺少, 點了燒魷魚筒.

魷魚筒是原隻上碟, 幾有口感和惹味.

接着上枱是法國舂雞和西冷牛扒配砵酒泡沫.

法國舂雞是完隻上枱, 這款雞就較平日食的雞細一點.

切開後, 發現內裡放滿了蒜頭和一些香草, 愛食蒜頭的朋友可以食埋蒜頭.

初初上枱時感覺平平無奇, 但入口雞肉夠嫩滑, 估不到雞肉已經夠味, 可以不用點醬, 但想再濃郁一點, 可以點醬, 我就兩種食法也有試.

除了雞外, 也點了西冷牛扒配砵酒泡沫.

這個菜式的配菜是雜菌, 我自己鍾意食雜菌, 雜菌吸收晒醬汁的精華. 而牛扒質感也算可以, 幾稔身, 牛扒被鎖住肉汁.

最後, 當然要點甜品.

我地點了朱古力榛子酥餅和柚子雪吧.

朱古力榛子酥餅朱古力幾濃味, 又不是太甜. 我是大愛朱古力, 所以對於我來講, 再濃一點就更正. 而個餅底脆脆地, 雙重口感.

食咗較濃味的甜品, 相反柚子雪吧非常清新, 雪糕充滿淡淡的柚子味, 帶點酸酸的感覺, 能夠產品中和的作用.