素食一餐 @ 功德林上海素食

平日食飯也是多食肉為主, 偶然食餐素食也是不錯選擇, 早前我就去了位於尖沙咀的功德林上海素食食飯.

在店員介紹下, 先點了一個野羊肚菌竹笙燉百合盅.

湯入口幾清甜, 材料以各款菌為主.

但以一個百多蚊的價錢來講, 份量和用料唔算多, 完全不值這個價錢, 唔會再有下次.

小菜點了花菇素雞粟子煲, 砂窩獅子頭和芙蓉炒桂花翅,.

花菇素雞粟子煲.

以麵根, 冬菇和粟子為主.

麵根吸收晒精華, 特別好味. 三款材料幾夾, 調味適中.

砂窩獅子頭.

賣相與肉的獅子頭好相似.

原來是以猴頭菇, 素肉和馬蹄整成丸子, 配上素魚翅和素上湯而成.

質感幾鬆軟, 唔會太乾身和硬, 加上混入馬蹄粒, 多了一份爽口感, 雙重口感.

芙蓉炒桂花翅.

一口氣食了兩款較濃味的菜式. 點了一款較清淡的菜, 用來起中和作用.

蛋白尚算炒得幾滑身, 當中混入了爽身的芽菜., 清新一點.

唯一需要改善是服務, 當晚人流唔算好多, 但仍然留單, 希望這方面可以改善一下.

抵食二人餐 @ 東海滬

早前去了美孚探朋友, 並在佢介紹下去了附近的東海滬食飯.

這裡除了單點外, 仲有套餐.

我地覺得套餐抵食, 便點了一個二人餐.

江南涼菜三選一, 我地選了揚州肴肉.

湯羮三選一, 我地選了宋嫂魚羮.

小菜有成二十款, 選二個, 我地選了葱爆牛肉和雪菜毛豆百頁.

點心兩選一, 我地選了素花蒸餃.

揚州肴肉是我最愛的前菜.

肴肉面是一層像啫喱口感, 內裡的肉帶有咸香.

宋嫂魚羮.

湯最基本夠熱, 這個啱晒我. 材料也相當豐富, 口感十足.

葱爆牛肉.

上枱香味撲鼻.

牛肉夠稔身, 入口有淡淡葱的香味.

這個菜式較為惹味, 與飯一齊食係最好不過.

雪菜毛豆百頁.

點了一點濃味菜式, 點番一款較清淡的菜式.

百頁本身帶有豆香味, 味道偏淡, 配上較重味的雪菜, 味道剛剛好.

素花蒸餃.

包得夠精緻.

味道調教適中.

這個套餐只需要$208, 真係好抵食.

最後點多了一個甜品, 就是金陵驢打滾.

入口煙煙韌韌, 饀料甜度適中, 非常好味.

宮崎牛富士熔石燒 @ 俺の割烹

早前與在中環工作的朋友食飯, 知道我鍾意食日本嘢, 帶了我去一間叫俺の割烹的食店食飯, 個名好特別, 主打宮崎食材, 平日我自己也較食.

店內環境幾昏暗, 適合放工後來食飯, 飲嘢, 傾下計.

由於我唔飲酒, 我就點了一杯叫Pink Spring. 內裡有strawberry syrup, yakult and milk.

賣相好靚.

友人點了一杯有酒精成份, 叫Zan Setsu, 當中有Homemade Coffee Shochu, Bailey’s Irish Cream, White Cacao, Fresh Cream, 幾易入口, 適合女仔飲, 而且還有淡淡的咖啡味道.

先點了串燒.

必定有我最愛的牛舌.

牛舌偏向厚身, 入口時較有口感, 而且又夠彈性, 不會太乾和硬.

宮崎牛西冷.

宮崎和牛好出名, 屬於頂級貨. 牛肉味相當濃郁, 由於油脂含量較多, 所以夠鬆軟.

宮崎雞肉配日本京葱.

雞肉的肉質夠嫩滑, 而且當中夾了京葱, 多了一份京葱香味.

原來除了牛, 宮崎豬也相當出名, 我地點了宮崎粗粒香腸.

外層帶微微脆身, 入口唔會覺得油膩, 好適合作為佐酒或小食.

愛食牛的我, 再點一款牛, 今次是宮崎牛富士熔石燒.

上枱時已經香味撲鼻.

整法是將牛西冷烤焗至半熟，然後再燒， 最後放在高溫的富士山熔岩石上，保持牛肉溫度, 對於唔食生嘢的我, 這個絶對可以放心食.

夾起其中一件牛西冷, 你會見到油脂分怖相當平均, 一層一層, 見到也令人食指大動.

入口相當稔身, 而且一咬開, 油脂濺出, 夠甘香, 令人回味無窮.

除了單食, 也可以配上蒜片一齊食, 多了一份蒜香味道.

這次一口氣試了多款宮崎的食材, 令我一試愛上.