粉絲蟹煲 @ Lemon Grass Thai & BBQ

自從觀塘一帶多了食店後, 我也多了去那邊食飯, 今次由朋友帶路下, 去了觀塘附近, 牛頭角食泰國菜, 不是友人帶我去, 我也不知道那邊也有一些食店. 今次我地去了Lemon Grass Thai & BBQ食晚飯.

店內的怖置幾靚.

這裡的款式也有不少, 例如串燒, 季節限定的火鍋, 小菜等, 由於我地唔係好肚餓, 愛食海鮮的我地, 點了泰式焗蠔和粉絲蟹煲.

泰式焗蠔.

我自己好鍾意食蠔, 由於我唔食生嘢, 所以多數選擇焗的煮法. 但泰式整法我就較少食.

蠔幾大肥美, 又大隻.

味道帶少少的辣, 我唔食得辣, 但這個辣度可以接受.

蠔的烹調時間控制不錯, 口感不會覺得乾身和硬, 入口多了一份辣味, 幾惹味.

粉絲蟹煲.

上枱已經香味撲鼻.

蟹尚算幾大隻, 但肉質幾彈牙, 而且味道調教不俗.

對於我來講, 重點是在粉絲度.

因為粉絲吸收晒蟹和汁的精華, 夠入味, 令我不停食, 而且粉絲軟硬適中.

下次有機會要試下其他的菜式.

天后覓食 @ 浜滝

早前相約同樣在港島區工作的友人去天后食飯, 我地也愛食日本嘢, 所以去了浜滝食飯.

店內的裝修充滿日本風格, 牆上壁畫好吸睛.

小食點了芥末牛油果蝦和酒煮廣島蠔.

芥末牛油果蝦.

原來是整成醬, 再搽在餅乾一齊食, 幾特別.

這款雞味的餅乾, 好耐無食過啦, 配上芥末牛油果蝦, 兩者幾夾, 若芥末再勁一點, 更好味.

酒煮廣島蠔.

友人試飲了個湯, 估不到酒味都幾勁, 而蠔就夠滑身, 也算飽滿, 不會覺得乾身.

見到每日限量供應的制霸拉麵, 決定一試.

拉麵上枱.

碗面上的义燒好大塊, 而且仲好厚身.

湯底是豬骨湯, 加入香草, 不過味道不算好突出.

這裡拉麵最特別的地方是湯內放了熱石, 所以上枱時, 湯還在滾着.

對於我來講, 拉麵的湯最基本要夠熱, 這個完全啱晒我的口味.

义燒幾腍身, 肥瘦適中, 夠厚身, 所以口感較佳.

溏心蛋食拉麵不可以缺少. 時間控制不錯, 所以蛋黃還是流心.

而麵質軟硬適中.

另外, 見到附近有人點秘制炸雞, 幾吸引, 我也點了一件試下.

炸粉不會太厚身, 又炸得夠鬆化, 而雞肉夠嫩滑, 味道調教適中, 唔怪得咁多人點這個炸雞.

晚飯 @ 越南咖啡室

早前係觀塘買野時遇見舅母, 咁都見到, 便同佢食餐飯, 佢就帶我去秀茂坪廣場的越南咖啡室食越南嘢.

飲品我點了熱的越南滴漏咖啡.

通常見到有得飲滴漏咖啡, 我也會選擇, 這個比較特別.

上枱時開始滴漏, 完成就可以直接飲用.

對於我來講, 這個甜度適中, 不用再加糖.

我鍾意佢是加入鍊奶, 味道相對較為濃味, 咖啡味也不錯.

主菜點了烤豬頸肉金邊粉, 仲有檬粉, 河粉, 米粉, 唯獨金邊粉要加$4.

豬頸肉和粉是分開上枱.

碗粉相當大碗.

金邊粉較幼細, 軟硬適中, 啱我口味.

而豬頸肉就切得較薄身, 方便進食, 豬頸肉不算好乾身, 味道調教還可以.

最後點了蒜蓉炒時菜, 菜是由廚房揀.

上枱時才知道是芥蘭.

份量同樣偏向大碟.

我自己覺得用蒜蓉炒是最好味.

軟殼蟹墨魚汁麵 @ Greyhound Café

不經不覺, 聖誕假期已經進入第三日, 今日相約一排無見的好友食午飯, 見到沙田新城市Greyhound Café開了, 之前我試過佢地其他分店, 所以就決定試下這間.

我地點了泰式炸蝦, 魚餅球.

這個小食好精緻.

整成一粒粒, 蝦和魚餅肉質也幾彈牙.

底層放了青瓜, 不但夠爽脆, 可以用來清下喉嚨, 起中和的作用.

兩者中我較愛食蝦球.

唯獨是份量不多, 價錢較貴.

我點了軟殼蟹墨魚汁麵.

上枱時已被原隻的軟殼蟹所吸引住.

軟殼蟹完全不覺得乾身和硬, 保持肉汁.

這個麵的汁煮到乾身, 同我想像中有點不到, 但同樣好味, 而且帶辣, 多了一份惹味, 夠醒胃.

墨魚汁麵幾有口感.

友人點了泰式燴牛肉和牛丸撈米粉.

一共有四款醬汁俾客人食粉時用.

友人話味道不錯, 而且米粉是好幼身, 同平日的米粉有點不同.

日式放題 @ 殿大喜屋日本料理

有時和朋友外出食飯, 諗唔到食甚麼, 就會食放題或火鍋, 因為有好多選擇. 早前我地便去了位於尖沙咀的殿大喜屋日本料理食飯.

一直以來也想試下這間, 之前只試過佢地大喜屋.

款式選擇也有不少.

尤其是飲品款式特別多, 除了一般凍罐裝飲品, 熱茶咖啡外, 仲有日本清酒, 最貼心是熱的紙包飲品, 天氣寒冷時飲就最好不過.

當然不少得各式各樣的甜品, 仲有Movepick, Haagan-Daze和Milktop雪糕任食.

由於我唔食魚生, 我就重點食熟食.

我先點了椰子燉雞湯.

個湯不但夠熱, 而且幾清甜, 能夠滋潤喉嚨.

炸物當然不少得, 點了自家製吉列蠔, 芝士年糕, 榴槤炸彈和紫心香芋丸.

我特別愛食紫心香芋丸和榴槤炸彈.

紫心香芋丸層炸得夠香脆, 內裡帶點煙韌.

榴槤炸彈真係幾特別, 一咬開, 滿口榴槤, 味道幾重.

黑椒蜜汁一口牛.

牛肉夠腍身, 入口帶有黑椒香味, 特別惹味.

芝士玉子和鰻魚玉子.

玉子幾滑身, 我自己較鍾意食芝士玉子, 溶溶地的芝士配蛋, 特別夾, 但這個一定要趁熱食, 否則芝士夠會硬咗.

蒜麵鼓炒虎蝦配啤酒啫喱.

最吸引當然是虎蝦, 蝦幾大隻, 而且夠彈牙和爽口.

 

北海道燒帆立貝.

上枱已香味撲鼻, 味道調教不錯.

Movepick, Haagan-Daze和Milktop雪糕我也各食了一杯.

當中我特別推介Milktop的沖繩海鹽雪糕一試難忘, 奶味夠濃郁, 雪糕質感又夠幼滑.

由於有不少款式, 我也未能一一試齊, 下次有機會要再來一試其他嘢食.

效果不錯, 價錢又大眾化 - NIVEA Aqua Sensation 24 小時補濕晶華和Q10 Plus 抗皺修護系列

隨着年紀越來越大, 選擇護膚品也有所不同, 會揀一些針對性的產品, 早前便試了Nivea的日霜, 晚霜和眼霜三款產品.

24小時補濕晶華(Aqua Sensation Invigorating Day Cream)

專利補濕因子Hydra IQ, 為肌膚細胞製造更多水漾 管道, 讓肌膚得到24小時的深層補濕.

而UVA及UVB配方, 有效抵禦因外在環境影響肌膚 及提早老化問題.

質地是偏向薄身的Cream 狀.

搽上面後, 幾易推開, 質地較我想像中清爽, 啱晒我混合性肌膚使用.

始終早上所使用的護膚品, 我也較鍾意輕身一點.

用後, 感覺肌膚無咁乾, 尤其面頰位置. 接着搽粉底也較貼服, 減少脫妝的情況出現.

Q10 Plus 抗皺修護晚霜(Q10 Plus Anti-Wrinkle Night Cream)

特有天輔酵素Q10, 於晚間皮膚更新最佳時機, 對抗皺紋同時收細毛孔

有效防止及減淡皺紋出現, 保持肌膚緊緻 和有彈性.

於夜間啓動肌膚再生,重拾緊緻. 為肌膚補充養份, 促進肌膚再生.

質地是Cream 狀, 較日霜厚身.

由於相對較為滋潤, 所以我使用的分量也稍為少一點.

我會在額頭上的乾紋, 虎紋搽多一點, 加強效果.

第二朝起身, 肌膚感覺多了一層保護膜, 變得水潤.

Q10 Plus 眼部抗皺修護霜(Q10 Plus Anti-Wrinkle Eye Cream)

當中  蘊含天然輔酵素Q10, 有效促進眼部肌膚新陳 代謝, 減少幼紋增長及減淡黑眼圈, 緊緻亮眼

而且不含香料, 適合配戴隱形眼鏡人仕使用.

質地是乳液狀.

取適量份量搽在眼部四周的肌膚, 再加以按壓, 幫助吸收.

使用後, 眼部四周的肌膚相對無咁暗啞.

Nivea的產品效果不錯, 而且價錢又夠親民.

產品和資料由品牌提供.

想知道更多品牌的最新消息和資料, 可以登入以下網址:

https://www.facebook.com/nivea.hk/