浪漫一夜 @ Cozy Corner

每次經過棉登徑這個轉角位的Cozy Corner, 總會被佢如童話般的裝修吸引住, 好想推門入去望望店內設計是怎樣. 早前終於有機會入去食飯啦.

店內的裝修果然充滿華麗, 我相信女士們一定喜歡.

由於時間尚早, 所以店內得我地一枱人, 這裡寧靜帶昏暗的氣氛和店外完全不同, 感覺浪漫, 好適合情侶來這裡.

這裡的晚餐, 主菜選擇也有不少.

最後我點了意大利茄汁中蝦意粉.

另外加$88, 便有餐湯或沙律, 甜品和餐飲, 不過價錢就較為貴.

我要了餐湯 - 鷹嘴豆羅宋湯.

個湯幾清, 不會太濃味.

但這裡的餐湯卻沒有跟餐包, 感覺有點美中不足.

主菜上枱.

意大利茄汁中蝦意粉.

意粉的軟硬度好睇師傅控制時間的技巧, 我自己較喜歡食偏軟身多一點的意大利粉.

而這裡粉的軟硬度正合我心意, 入口時, 粉吸引了部份的蕃茄汁, 但還有少許的口感,

而蝦幾爽口和彈牙, 吸收了甜甜酸酸的蕃茄汁, 特別美味, 兩者配合得很不錯.

朋友點了十安士美國安格斯特級黑毛西冷牛扒配意大利蕃茄, 蘆荀及松露燒汁, 味道是不錯.

唯一美中不足的地方是佢本身是要少過五成熟, 但出來有一半牛扒過熟, 後半手扒才正賞.

最後是甜品.

由於餐牌上寫着自家製的甜品, 未上枱都唔知係咩.

原來是雪糕, 味道是菠蘿味.

由於是自家製, 入口時, 菠蘿的味道同平日食的有所不同, 較為清新, 味道是淡淡, 少了人工香味.

食飽飲番一杯熱檸水消化一下就最適合不過.

 

雞扒沙律 @ 金記冰室

幾個月前去過金記冰室食飯後, 早前心血來潮, 又想去食一次, 便與友人搭地鐵去.

我好欣賞店內的懷舊設計.

餐牌也充滿玩味.

來這裡當然要飲這裡出名的熱奶茶.

個杯設計也好別緻.

奶茶幾香滑. 茶底也不錯. 奶茶還是熱最好飲.

雞扒沙律.

上枱已聞到淡淡香味.

雞扒好大塊呀~

雞扒外皮帶點香脆, 肉質好嫩滑, 完全不乾身, 咸香味剛剛好.

食完雞扒, 食和幾啖沙律, 可以中和一下.

另外, 點了咸牛肉三文治.

這是我愛食的三文治款式.

帶點咸味的牛肉與包是好夾. 包仲吸收了牛肉的精華.

見到其他客人的炸雞脾好吸引, 我地忍不住也點了.

這裡的炸雞脾同平日食的有點不同.

雞皮不會被炸得過厚, 只是薄薄一層, 外皮有點微脆, 雞肉卻夠嫩滑, 加上秘製的醃料, 所以味道不錯.

最後, 我地仲點了奶醬多.

煉奶與花生醬是最佳拍檔, 搽在脆脆的方包上真係不能錯過.

感受馬場氣氛 @ Hay Market 喜馬當先

住沙田的我, 極少入馬場, 上星期朋友提議入馬場的喜馬當先食Brunch, 可以一邊食飯, 一邊睇賽馬, 感受一下氣氛, 這也是不錯提議.

難得入馬場, 也要影番相留念下先.

餐廳內的裝修幾靚.

另外, 也好照顧一眾馬迷的需要, 放置了不少電視機, 用來播放賽事.

想親感受一下現場氣氛, 賽事進行時, 可以行出餐廳的露台外, 親身體驗.

Brunch當然不少得麵包, 款式也有不少, 我試了其中三款.

當中最鍾意食杏仁牛角酥, 包面放滿了原片杏仁, 幾有口感. 而牛角酥也算鬆化, 兩者也好夾.

另外, 有各式各樣的沙律. 各人可以因應自己喜歡而去選擇.

也有三款西班牙風乾火腿和生果.

這個我也試了其中兩款. 風乾火腿咸度適中, 不論單食或是配上生果一齊食, 口感有所不錯, 兩種食法也好食.

凍盤海鮮有青口, 蝦和螺.

我試了青口和蝦. 我鍾意食蝦多一點, 蝦夠爽口和幾彈牙.

其實仲有刺身, 但由於我不食生嘢, 所以我沒有試.

熱食有新鮮雞蛋和自選奄列.

可以在以下食材中選取喜愛的材料.

除了洋蒽和薯仔粒不要, 其他也要.

先炒下材料, 再加入雞蛋, 炒多一陣便可.

蛋夠滑, 切開仲有蛋汁流出, 時間控制得不錯, 味道也剛好, 奄列好好味.

這是一個半自助餐.

主菜可以在以下餐牌中選擇其中一款. 我選了龍脷柳蟹肉卷伴香煎大蝦配柚子醋汁.

這是用龍脷柳捲着蟹肉. 切開龍脷柳, 內裡全是滿滿的蟹肉, 口感十足, 對於愛食蟹肉的我, 大滿足.

而蝦肉也夠彈牙和爽身.

食完主菜, 當然是甜品時間.

最愛食朱古力的我, 一口氣試齊多款朱古力.

朱古力味夠香滑.

餐飲點了熱咖啡.

最鍾意是這裡的奶也是熱的, 這樣加入咖啡中, 仍然能夠保持咖啡的熱度, 這是好鍾意, 但不是好多餐廳這裡做.

提一提大家, 喜馬當先的半自助餐只在跑馬日才有供應.