即使在沙田住了多年,
我也甚少入去沙田馬場, 上星期友人想試下馬場的餐廳自助餐, 並睇下賽馬, 但去了喜馬當先食.
這裡環境算幾寛闊, 中間有一個吧台.
四周也放滿了電視, 方便客人一邊食嘢, 一邊睇賽馬.
這裡的自助餐可以話是半自助餐, 冷盤, 刺身, 麵包和甜品是自助形式. 而主菜就從以下選取一款.
我先食麵包, 一共有多款不同的自家制麵包.
我選了其中兩款, 我自己特別愛食杏仁酥.
刺身和冷盤.
牛角酥上放滿了杏仁片,
杏仁不但脆身, 還帶少許甜, 而牛角酥也夠鬆化, 非常好食.
風乾火腿有三款, 不同咸度和質感, 我自己鍾意夾蜜瓜一齊食.
帶甜的蜜瓜可以中和咸味的火腿.
飲品選擇有蘋果汁, 橙汁和西柚汁, 直到一點半也是任飲.
主菜我點了.
主菜還未到, 我就出去看台睇賽馬.
另一面也有蛋奄列提供.
客人可以自己選擇鍾意的配料, 即叫即整.
主菜可以在五款中選揀其中一款. 而當中有部份款式要額外加錢.
我點了香煎皇帝蝦及帶子伴海皇湯米型粉, 這個要額外加 $100.
香煎皇帝蝦及帶子伴海皇湯米型粉上枱啦.
皇帝蝦幾大隻, 而且蝦身已剝殼, 食的時候就方便好多.
蝦肉肉質幾彈牙, 味道調教也適中.
雖然帶子較為細粒, 但尚算爽口.
我自己較少食這款湯米型粉, 有點似珍珠米, 但較為扁身, 帶小許咬口, 我覺得這個質感幾特別, 我自己幾鍾意食.
飲品我點了熱咖啡.
食完主菜嘆番杯咖啡是最好不過的事.
一點半後, 就會推出甜品.
有各款的甜品, 朱古力和曲奇, 每款都好精緻.
還有不同口味的Haagen-Dazs雪糕, 我揀了曲奇口味.
我本身最愛食朱古力, 所以特別鍾意佢地細細粒的朱古力, 入口幾香滑.
而蘋果批也好好味, 中間有厚厚的果肉, 而且甜度適中.
惠顧自助餐的客人, 可以參加賽馬新手班.
了解一下賽馬資料和馬匹的小知識.
接着, 仲可以去沙圈睇下馬, 馬匹出賽前會在沙圈行個圈俾投注的人睇下馬匹的狀態.
之後, 當然去現場感受一下賽馬的氣氛.
我地被安排在最近終點的地方, 真係幾刺激.
再睇埋冠軍騎師和練馬師, 馬主各人的大合照情況.
在這裡食自助餐, 可以一邊食嘢, 又可以現場睇賽馬, 幾賞心樂事.
