放工後輕鬆小聚 @ Playa de Papagayo

尖沙咀河內道有不少飲嘢的店舖, 放工後, 有不少人來這裡happy hour, 但我自己較少來這裡, 友人話這裡開咗新食店Playa de Papagayo, 就來這裡試試.

一入到店內已經感覺好放鬆, 先點飲品, 這裡有不少飲品選擇, 由於我不飲酒, 經店員介紹, 我點了Mocktail Grape Flip.

這杯飲品混合了milk, raspberry, grape juice, fresh green apple and syrup.

上枱時已覺得好靚, 味道好似飲鮮果汁咁, 幾清新, 好適合依加飲.

小食點了自家製芝士包(Homemade Cheese Bread).

個包幾軟熟, 入口仲食到芝士, 口腔充滿芝士香味, 幾好味, 這個記得要趁熱食.

另一款小食是脆炸蟹餅(Deep-fried crab cake).

上枱已聞到香噴噴.

個餅充滿蟹肉的鮮味, 啖啖肉.

再來是脆焗豬手配自家製酸椰菜(Roast pork knuckle Cut w/ Homemade Sauerkraut).

豬手外皮又薄又脆, 肉質幾腍身, 又夠味, 我自己就食不停口. 而且切得較為細塊, 方便進食.

西班牙風乾火腿薄餅(Iberico Ham Pizza).

個餅底又脆又薄, 感覺好似食薯片. 而風乾火腿配上香草和芝士, 幾夾. 材料簡單但好味道.

西班牙紅花海鮮飯- 兩人分量(Seafood Paella – for sharing).

這個海鮮飯材料幾豐富, 有大蝦, 青口和魷魚, 份量幾大, 足夠兩個人食有餘.

海鮮幾新鮮, 蝦肉夠彈牙. 而我自己也愛這個飯的質感, 軟硬適中.

這一餐好豐富呢~