輕鬆一晚 @ Channel 3 Tapas Bar & Restaurant

這排工作忙碌, 友人提議放工後鬆一鬆, 便去了位於太子的Channel 3 Tapas Bar & Restaurant 食飯.

本身唔飲酒的我, 覺得無酒精的飲品選擇好少, 而且酒吧也以小食為主, 所以有點猶疑中, 但友人話去了先再講.

入到店內, 氣氛昏暗.

坐下後, 我地先點飲品.

睇下有甚麼適合我飲先, 原來除了一般Soft Drink, Juice外, 也有差不多十款Mocktails.

最後選了Virgin Colada.

當中混入了我愛的椰子, 所以好好飲.

係酒吧, 當然不少得薯片, 一邊食嘢, 傾計, 食薯片, 真的不錯.

只係食薯片, 當然不足夠.

我地先點兩款小食, 非一般西班牙奄列和黑松露炒什菌.

非一般西班牙奄列.

估唔到這個奄列咁好味. 入口時鬆軟, 而且蛋香味不俗.

黑松露炒什菌.

上枱已聞到黑松露的香味.

愛食菇的我, 點了這款較簡單的菜式.

什菌炒的時間控制不錯, 軟硬適中, 入口時充滿黑松露香味.

對於我來講, 黑松露和菇是最佳拍檔.

主菜點了德國蜜汁燒豬手和蘋果木煙燻香煎石班柳伴什菜沙律.

德國蜜汁燒豬手.

賣相幾精緻.

豬手外皮夠薄又香脆, 食的時候, 好似食薯片咁, 咋咋聲.

豬手肉幾咸香, 也算腍身, 味道調教適中.

食完肉類, 我地點了一款魚, 蘋果木煙燻香煎石班柳伴什菜沙律.

上枱時有個蓋蓋着, 一打開就有煙放出.

石班柳幾嫩滑, 而魚皮帶點微脆, 入口時多了一份煙燻味道.

當中伴有雜菜, 蔬菜幾爽脆, 可以起中和作用.

中菜 x 酒吧 @ Fovea

在中環工作的友人相約我地幾個朋友放工後食飯，佢話同我地去一個特別，有驚喜的地方.

友人故作神秘，帶我地去到信州大廈二樓的FOVEA，一踏入店內，環境昏暗，店內怖置似酒吧格局，都不是好特別啫.

我地坐下後，友人話這裡不是酒吧，而是club. 這裡不是食西餐，而是食中菜，真是完全不能想像在club裡食中菜是怎樣.

小食點了燻蛋和張果佬肴肉.

燻蛋賣相吸引.

入口有淡淡的煙燻味道, 而蛋口感又不會過硬, 師傅時間控制得不錯.

最吸引我視線當然是金黃色的蛋黃, 帶點流心的蛋黃, 非常好味.

張果佬肴肉.

我本身鍾意食肴肉. 肴肉晶瑩剔透, 口感好似啫喱, 入口帶點軟棉棉感覺.

而肉味幾甘香, 但又不會太咸.

愛飲湯的我, 當然要點個中式湯飲, 是日靚湯是沙參玉竹湯.

我自己鍾意飲較熱的湯, 這個熱度啱晒我口味.

湯夠清甜, 又潤補, 好適合依加的天氣飲用.

主菜點了避風塘松葉蟹鉗, 百花樟茶鴨和野菌千頁豆腐.

避風塘松葉蟹鉗.

炸粉幾薄身, 唔會太過厚.

蟹鉗肉質尚算鮮美, 啖啖肉, 最啱懶剝殼的我.

若味道再惹味一點會更吸引.

百花樟茶鴨.

這個賣相和我平日食的樟茶鴨有所不同.

最特別之處, 一邊是鴨, 另一邊是蝦膠.

入口同時有兩種不同的口感, 幾特別. 而且單是食鴨較多肉, 但配合了蝦膠, 有點中和感覺.

樟茶鴨味道調教不錯.

野菌千頁豆腐.

一口氣食了兩款以肉為主的菜式, 係時候食下素食中和一下.

上枱時已被佢的賣相所吸收.

這款菜式絶對是功夫菜,能夠將豆腐切係薄薄一片, 真的好考師傅的刀功.

豆腐好滑身, 同野菌好夾.

最後就是食甜品.

我地點了貢品桃膠功夫豆腐花.

這個更加考師傅的刀功, 將豆腐切成一朵花, 但又不會散開, 可以話靚到唔捨得食.

甜品裡面仲加入桃膠, 這是我首次食, 原來是無味, 但入口帶點煙煙韌韌, 口感不錯.

這個能夠滋潤喉嚨.

輕鬆一個晚上@ Lily & Bloom

星期一趁Green Monday便相約友人去了蘭桂芳酒店的Lily & Bloom 食飯, 好好輕鬆一下, 迎接整個星期的忙碌工作.

一入到店內, 氣氛完全不同, 環境昏暗, 客人開懷地一邊飲嘢食嘢, 一邊傾計.

我也受到這裡的環境所感染, 整個人也放鬆下來.

這個環境是飲酒的最佳時機, 但我係唔飲酒, 所以點了一杯蘋果汁.

原來這裡有set dinner選擇, 見到也幾豐富, 所以我地也點了這個.

頭盤點了Bloom Caesar.

蔬菜夠新鮮, 而且品種和我平日食的有所不同.

當中最吸引我是加入温泉蛋, 唯一是蛋熟了一點. 若切開後, 蛋黃能夠流出來會更好味.

另外, 也加入了類似腩肉, 味道是偏咸, 配上新蔬菜是最佳配搭, 但對於我來講就太多肥糕, 我就只食瘦肉那部份.

主菜點了Chicken & Waffle , 配Return of The Halo Fries.

Chicken & Waffle上枱時已香味撲鼻.

而且份量仲好大份.

雞的外層的粉漿夠薄身, 入口唔會覺得粉太多, 而且仲帶點微脆.

內裡雞肉肉質夠嫩滑, 唔會過於乾身, 味道調教得夠入味.

炸雞配窩夫一齊食, 我也是首次這樣配搭, 原來都幾特別.

有炸雞, 當然不少得薯條.

我自己較鍾意粗身的薯條, 入口時薯味相對較大.

而薯條略為不夠脆身.

最後, 甜品點了The Ultimate Ice Cream Sundae.

上枱時已被佢的賣相吸引.

杯內放滿了各式各樣的甜點和雪糕, 對於想一次過想試過幾款甜點的我最適合不過.

來這裡食飯, 的確俾人一種好放鬆的心情, 下次可以選擇happy Friday和朋友歡聚.

環境和食物質素也可以, 唯獨服務有待改善, 每道菜之間上枱時間相隔太耐, 要我地再三問才上枱, 若上菜時間快一點會更好.