南瓜芝士焗海鮮翠翠天使麵 @ 串燒咖啡

朋友知道我要在油麻地工作, 一早就介紹我去位於恆威商業大廈的串燒咖啡食午飯, 因為這一邊相對無咁多人.

由於首次去, 恆威商業大廈的入口比較難揾, 原來入口是在裕華國貨和金太郎中間行入去便見到.

店舖不是好太, 但座位幾寬闊.

這裡款式選擇也幾多, 各式的焗飯, 串燒, 飲品有咖啡, 水果茶, 特飲等...

我選了焗類, 這裡除了有焗飯和意粉外, 也可以選擇天使麵. 所以點了南瓜芝士焗海鮮翠翠天使麵.

由於是即叫即焗, 所需要時間較長, 大約二十分鐘.

上枱時已聞到好香. 由於是剛剛焗出來, 所以特別熱辣辣.

份量都幾大, 海鮮都幾豐材, 青口和魷魚放在面, 加上滿滿的芝士.

內裡的天使麵混入蝦和蟹柳粒.

由於這個芝士是混入南瓜, 所以完全不會感覺肥膩, 而且更加滑身和香.

天使麵軟硬適中, 沾滿了芝士, 非常好味道.

而各款海鮮也夠新鮮, 尤其魷魚夠彈牙.

唔怪得旁邊的客人都有點焗類啦~

飲品我點了玫瑰朱古力咖啡.

這杯咖啡賣相幾精緻, 咖啡面真的放了幾片玫瑰.

入口有濃濃的朱古力味, 又夠滑身, 混入少許的咖啡味和淡淡的玫瑰清香, 多重口感.

這杯咖啡甜度調教適中, 我不用特別再加糖.

順帶一提, 這裡的大廚好有心, 好多事也親力親為, 佢整好會直接拎出去俾客人享用.