忌廉汁意大利鵝肝雲吞配雜菜 @ Hami Harmony

早前放了半日假期, 去了位於太子的Hami Harmony食午餐.

一踏入店內, 裝修簡約為主, 俾人一種放鬆的感覺, 最適合悠閒地食個午餐.

午餐套餐有七款選擇, 可以配餐湯或加$13配沙律, 熱檸檬水加或茶加$5, 凍檸檬茶或水加$8.

我選了忌廉汁意大利鵝肝雲吞配雜菜, 同是日餐湯.

飲品點了熱朱古力.

店員先奉上飲品.

朱古力幾香滑, 甜度調教適中, 若朱古力味再濃郁一點, 就更加好飲.

個餐湯幼滑, 入口味道也不錯.

忌廉汁意大利鵝肝雲吞配雜菜.

平日我食意大利雲吞的饀料多以蔬菜為主, 這個以鵝肝作為餡料, 感覺幾特別.

意大利雲吞的皮與平日食的廣東雲吞有點不同, 較為厚身一點, 對於我來講, 厚薄適中.

一咬開後, 見到饀裡有鵝肝, 入口時多了一份鵝肝的甘香, 估不到兩者幾夾.

雲吞配上忌廉汁, 初時也怕會太膩, 但食的時候沒有這感覺. 最重要是配上雜菜, 這樣起了中和作用.

最後, 甜品點了甜菊紅桑子乳酪慕斯配荔枝果凍.

甜品賣相精緻.

店員教乳酪慕斯和果凍交換食.

我先食一口乳酪慕斯.

慕斯好滑, 加上甜甜酸酸的紅桑子, 特別醒胃, 雙重口感.

而果凍基本上無乜味道, 比較清淡. 這樣能清一清喉嚨. 接着, 再食乳酪慕斯時, 更能食出乳酪慕斯的味道.

悠閒下午茶 @ 白色雪花之公主

早前係尖沙咀做完身體檢查, 便去了附近的的白色雪花之公主來一個遲來午餐.

坐下後, 我先點了小食, 三式芝士焗肉丸和柚子蜜雞翼, 而飲品點了熱西柚蜜糖果茶.

店員先奉上果茶, 賣相相當精緻.

味道清新, 入口仲有淡淡的西柚味, 感覺令人舒服.

三式芝士焗肉丸.

即叫即焗, 肉丸幾多汁, 完全不覺得乾身和硬.

而且肉丸全沾滿了半溶芝士, 特別好味, 兩者也好夾.

柚子蜜雞翼.

雞翼尚算幾大隻, 幾多肉.

雞翼外皮沾滿柚子蜜, 入口多了一份柚子的清香, 同只用蜜糖有所不同, 甜度也適中. 而內裡雞肉夠嫩滑.

最後, 我也點了一個甜品, 士多啤梨杯子雪糕.

軟雪糕味道和平日食的有點不同, 原來這是芝士牛奶雪糕, 所以感覺特別香和滑身.

而雪糕面加上甜甜的士多啤梨醬和士多啤梨, 入口帶點甜甜酸酸, 夠醒胃, 雙重口感.

泰菜之夜 @ 18巷泰國餐廳

較早前相約在銅鑼灣工作的友人食飯, 銅鑼灣食店林立, 今次我地去了位於世貿中心的18巷泰國餐廳食晚飯.

坐下後, 先點個飲品.

在眾多的特式飲品中, 我選了泰式特飲.

究竟當中包含了甚麼, 原來是由新鮮芒果肉, 橙汁, 菠蘿汁, 石榴汁糖水打成的沙冰.

味道好清新和鮮甜, 打出來的沙冰好細滑, 飲的時候唔會覺得太多冰, 無味道.

主菜點了乾咖喱榴槤燴牛展, 泰式燉花膠, 泰式牛尾煲.

泰式燉花膠.

用砂鍋上枱, 所以熱度能夠保持較長時間, 對於我來講, 這是好重要, 因為要夠熱先好飲.

當中材料也豐富, 有我愛食的花膠和冬菇等.

花膠整得夠腍身, 入口帶點膠, 這是我愛食的質感, 而冬菇幾厚身, 較為咬口. 而且味道調教適中.

客人鍾意的話, 可以食的時候加入芽菜, 多一份爽口.

主菜點了泰式牛尾煲.

我鍾意食牛, 所以點了這個牛尾.

泰式整法味道幾濃郁, 啱晒鍾意食濃味的我, 個汁用來配飯食一流.

而且肉質夠嫩滑, 又多汁, 完全不覺得硬和乾身.

最後是甜品時間.

我地點了三色布甸拼盤和貓山皇榴槤糯米飯.

三色布甸拼盤賣相精緻.

三款口味包括牛奶, 芒果和奶茶.

布甸質感好幼滑, 甜度也適中, 當中最特別和有驚喜是奶茶味道. 我也是首次食這個口味的布甸, 估不到咁夾咁好食.

貓山皇榴槤糯米飯.

愛食榴槤的我地, 怎樣也點一款菜式有榴槤.

貓山皇榴槤是我最鍾意食的品種, 榴槤味相當香濃. 而糯米又夠煙煙韌韌, 兩者配搭很不錯.

集控油, 保濕和毛孔護理多效合一防曬霜 - Kakao x THE FACE SHOP天然ECO啞光水潤防曬霜

不論晴天或雨天, 防晒產品也不可以缺少, 早前便試了Kakao x THE FACE SHOP天然ECO啞光水潤防曬霜.

Kakao x THE FACE SHOP天然ECO啞光水潤防曬霜 SPF40PA+++(50ml)

當中蘊含有機認證(ECO-CERT)的葵花苗精華(內含多種維他命及礦物質)及NMF天然保濕因子，具抗氧化作用並有效阻截有害紫外線UVA和UVB，預防肌膚受到傷害。

配方另添加『棉花籽』及『奇異籽』精華成分，有助控制並吸收多餘油脂，配合水凝啫喱質地，迅速滲透肌膚，感覺清爽不黏膩，更能持續提升肌膚水分。

天然ECO啞光水潤防曬霜亦可作隔離霜或妝前底霜使用，具啞緻膚色、修護及平滑毛孔功能，絕不含對人體有害的化學合成防腐劑，Paraben(對羥基苯甲酸酯)、Phenoxyethanol(二苯氧基乙醇)合成防腐劑和動物原料等致敏致癌成分, 用得安心.

使用方法 : 

日曬15分鐘前或化妝前，取適量並均勻塗抹於全臉及頸部即可。

這是集控油, 保濕和毛孔護理於一支產品的多效合一防曬霜, 夠晒方便.

防晒霜質地是cream狀, 但幾清爽.

取適量份量的防晒霜均勻搽在全面, 幾容易推開.

用後肌膚不會有痴笠笠的感覺, 對於暗瘡肌膚的我這是好重要.

而且防晒度有SPF40PA+++, 對於在辦公室工作的我, 這個度數已經足夠.

產品在全線Colourmix發售.

產品和資料由品牌提供.

想知道更多品牌的最新消息和資料, 可以登入以下網址:

www.facebook.com/colourmix.cosmetics

豐富一餐 @ 狎鷗亭居酒屋

近年韓食越來越受歡迎, 尤其是炸雞, 反而少食韓式料理. 早前, 友人推

介一間位於尖沙咀的韓式料理, 叫狎鷗亭居酒屋, 個名幾特別, 我地便去試下.

一踏入店內, 發現店內怖置有點似日式, 除了有一般座位, 更設有榻榻米座位.

店員先奉上六款前菜, 我自己最愛食菜仔和魚仔.

另外, 店內定期做優惠, 這個用送上一碟蝦.

估唔到蝦肉幾彈牙爽口.

我見這裡的飲品好靚, 最後我點了菠蘿酒, 可以轉做沒有酒精成份.

上枱時己被佢的賣相所吸引, 以原個菠蘿上枱.

飲品用新鮮菠蘿打成, 非常清甜好飲, 又夠透心涼, 而且旁邊還放着數片菠蘿.

主菜點了紅燒牛排.

這是用砂煲上枱.

一打開蓋, 便香味撲鼻.

由於我地還有其他菜式上枱, 為了保持熱度, 店員細心為我們放在小火爐上.

牛的份量相當多, 還有白紅蘿白.

牛肉夠鬆軟, 好腍身, 味道調教適中, 牛味也相當濃郁.

而白紅蘿白就吸收晒牛的精華, 夠腍, 又入味.

愛食牛的朋友要點來試下.

另外, 點了雞肉芝士鍋.

份量都好大, 除了爐邊放滿芝士外, 中間有年糕和雞肉.

直到滾起, 便可以食.

芝士拉絲也很高.

我就將雞肉放入半溶芝士中.

雞肉幾嫩滑, 混入香滑的芝士, 雙重口感.

這餐非常豐富, 下次要再試下其他款式.