抵食午餐 @ 壹級日本料理

住在沙田的我，若在沙田食飯，多選擇新城市廣場，今次決定改一改，去了大圍壹級日本料理食午餐.

這裡推出自選配搭午餐，價錢由$35起，跟餐支裝汽水加$5，包裝飲品加$3. 估不到連星期六、日及公眾假期也有得食. 

我點了東京叉燒豬骨濃湯手打烏冬，加$8可以配小食，我選了餃子, 飲品點了汽水.

夏天天氣炎熱, 最啱飲番一支冰涼的樽裝汽水, 實在透心涼.

餃子一共有兩隻餃子.

外層帶點脆身, 味道調教尚算不錯.

東京叉燒豬骨濃湯手打烏冬上枱.

叉燒是薄身, 肥瘦幾平均.

而烏冬幾彈牙, 口感不錯.

另外點了小食忌廉蟹肉薯餅.

這個蟹肉薯餅外層夠脆身, 一咬開, 饀料湧出, 外層內軟, 雙重口感.

蕃茄水瓜榴焗深海鱸魚 @ JL Cafe.Kitchen

自從在炮台山返工, 才知道天后炮台山一帶有不少嘢食, 早前發現係天后清風街開了一間新店, 叫JL Cafe.Kitchen.

店內怖置以簡約為主, 俾人舒服的感覺.

 

午餐選擇有七款，配以餐湯或沙律，再加飲品, 有黑咖啡，拿鐵，檸檬茶或是日特飲，餐牌內其他飲品加$20.

今日我選了蕃茄水瓜榴焗深海鱸魚, 估不到午餐也有得食. 餐湯是南瓜湯, 飲品選了熱水果茶.

店員先奉上水果茶.

以玻璃壺承載着, 並點着小蠟燭, 以保持水果茶的熱度.

對於我來講, 茶最基本是夠熱.

當中的水果材料也幾豐富, 茶味也幾突出, 再配上淡淡的水果味道, 整體味道也夠濃郁, 感覺不錯.

南瓜湯.

加入了忌廉, 所以特別滑身, 南瓜味也不俗.

蕃茄水瓜榴焗深海鱸魚終於上枱.

上枱時用錫紙包着, 再在客人面前界開, 不會熱辣辣, 仲香噴噴.

鱸魚煮的時間控制得宜, 所以魚肉夠滑身，完全不覺得腥, 味道調教不錯.

並以薯仔和豆角墊底, 配菜吸收晒魚的精華, 特別鮮美.

午餐可以加錢配甜品.

本來想食窩夫, 但比較大份量, 所以選了黑芝麻芭菲.

始終要食埋甜品才是最完滿.

在天后一帶返工的朋友日後又多一間餐廳選擇.

忌廉汁意大利鵝肝雲吞配雜菜 @ Hami Harmony

早前放了半日假期, 去了位於太子的Hami Harmony食午餐.

一踏入店內, 裝修簡約為主, 俾人一種放鬆的感覺, 最適合悠閒地食個午餐.

午餐套餐有七款選擇, 可以配餐湯或加$13配沙律, 熱檸檬水加或茶加$5, 凍檸檬茶或水加$8.

我選了忌廉汁意大利鵝肝雲吞配雜菜, 同是日餐湯.

飲品點了熱朱古力.

店員先奉上飲品.

朱古力幾香滑, 甜度調教適中, 若朱古力味再濃郁一點, 就更加好飲.

個餐湯幼滑, 入口味道也不錯.

忌廉汁意大利鵝肝雲吞配雜菜.

平日我食意大利雲吞的饀料多以蔬菜為主, 這個以鵝肝作為餡料, 感覺幾特別.

意大利雲吞的皮與平日食的廣東雲吞有點不同, 較為厚身一點, 對於我來講, 厚薄適中.

一咬開後, 見到饀裡有鵝肝, 入口時多了一份鵝肝的甘香, 估不到兩者幾夾.

雲吞配上忌廉汁, 初時也怕會太膩, 但食的時候沒有這感覺. 最重要是配上雜菜, 這樣起了中和作用.

最後, 甜品點了甜菊紅桑子乳酪慕斯配荔枝果凍.

甜品賣相精緻.

店員教乳酪慕斯和果凍交換食.

我先食一口乳酪慕斯.

慕斯好滑, 加上甜甜酸酸的紅桑子, 特別醒胃, 雙重口感.

而果凍基本上無乜味道, 比較清淡. 這樣能清一清喉嚨. 接着, 再食乳酪慕斯時, 更能食出乳酪慕斯的味道.

午餐款式選擇多,食物質素不錯 @ No.5 Italian

試過在銅鑼灣返工的朋友, 大多認同食店多, 甚麼種類的菜式也可選擇, 早前趁去上堂前, 相約在銅鑼灣工作的朋友食午飯, 佢地帶我去了位於世貿中心的No.5 Italian食嘢.

這裡的午餐選擇也有不少, 每一款可以配上沙律或湯, 或者兩樣也要.

最後, 我地選了其中幾款, 包括香煎石斑配蘆荀薯蓉, 意式煙肉及野菌燴意大利飯和烤牛肉沙律伴紅桑子黑醋汁配蒜蓉多士.

而我沙律和餐湯兩樣也要.

是日餐湯是薯仔忌廉湯.

個湯夠滑身, 入口時薯仔味幾濃郁, 而湯杰度也適中.

田園沙律.

估唔到份量咁大份, 蔬菜夠新鮮爽脆.

主菜陸續上枱.

香煎石斑配蘆荀薯蓉. 

魚肉幾滑，不會煮得太乾身，魚的外皮帶有微微煎香感覺，又不致於太熱氣.

平日只食一般薯蓉，蘆筍薯蓉首次食，感覺幾特別.

意式煙肉及野菌燴意大利飯.

我本身鍾意食意大利飯，飯的軟硬度啱我口味,.

而質感有點帶黏的感覺， 入口仲有淡淡野菌香味.烤牛肉沙律伴紅桑子黑醋汁配蒜蓉多士.

烤牛肉沙律伴紅桑子黑醋汁配蒜蓉多士.

之前兩款的菜式偏向濃味，所以點了一個沙律.蔬菜入口夠爽脆，當中混入黑醋汁，帶點甜甜酸酸，幾開胃.

牛肉算腍身，而蒜蓉多士幾香脆.

這裡的午餐相當豐富，選擇又多.