小糖鈕精選拼盤 @ 小糖鈕

早前難得放半日假, 便去了尖沙咀的小糖鈕食甜品.

這是樓上Café, 除了甜品外, 仲有咸食, 但我係為了甜品而來.

貪心的我, 想試多幾款甜品, 所以點了小糖鈕精選拼盤.

這是由廚師精選餐牌內5款甜品.

食甜品, 當然要配番一杯熱咖啡.

甜品上枱, 賣相相當精緻.

富士蘋果撻.

當中有雪糕, 所以先食這個.

內裡的蘋果粒幾甜, 切成一粒粒, 食的時候較有口感.

冰鎮玫瑰荔枝燉蛋.

要整碎玫瑰花混入燉蛋一齊食.

玫瑰花整得幾靚, 而蛋的質感尚算滑身, 甜度適中.

冰綠茶，70%朱古力(綠茶芝士冰餅，特濃朱古力).

對於鍾情黑朱古力的我, 這個70%朱古力啱晒我, 朱古力夠香濃幼滑.

配上帶凍的綠茶芝士冰餅, 雙重口感.

柚輪(蜜柚芭菲拿破輪).

食了較濃和甜味的甜品, 當然要試下這款.

5款甜品中最清新, 當中仲有柚子肉, 可以起中和作用.

而拿破侖夠脆身, 非常好味.

小糖鈕森林(意大利黑松露，白朱古力忌廉) .

帶有黑松露味道的忌廉, 感覺幾特別.

可以一次過食齊咁多款不同的甜品, 真人令人感覺愉快.

回味無窮, 雙重朱古力蛋糕 @ Express Bar by Lassana

好友真的知我心意, 知道我是大愛與朱古力有關的所有食品, 早前與友人食飯, 便收到友人送給我Express Bar by Lassana 的雙重朱古力蛋糕.

返到屋企, 第一時間打開蛋糕睇一睇, 賣相相當精緻.

整個蛋糕也是被朱古力所包圍着.

當然要試一試.

外層是類似啫喱狀朱古力, 內裡全是朱古力慕絲.

我自己鍾意食慕絲的質感多於蛋糕質感.

朱古力慕絲夠香濃幼滑, 仲有濃濃的朱古力味道, 甜而不膩.

而外層的朱古加啫喱同樣香濃, 但口感與慕絲不同, 雙重口感.

鍾意食朱古力的朋友, 一定要試下, 完全令人食不停口.

看似簡單的一個朱古力慕絲蛋糕, 要整得好味其實不容易, 再飲番一杯咖啡, 絶對是最佳拍檔.

一試難忘 - Black As Chocolate 經典朱古力蛋糕

好友知道我愛食甜品, 尤其是朱古力, 一知道銅鑼灣新開了一間叫Black As Chocolate的蛋糕店便第一時間話我知, 我當然第一時間放工過去睇下.

佢地有幾款蛋糕, 我就選了經典朱古力蛋糕.

黑色包裝盒加上紫色的絲帶, 非常奪目, 仲好靚添.

返到屋企, 急不及待打開蛋糕盒.

這是一個六吋的朱古力蛋糕, 足夠四五個人享用.

盒底已預準了膠刀, 天使羮和紙碟, 方便客人食時使用.

蛋糕面簡單以朱古力畫出玫瑰花的圖案.

一切開蛋糕, 內裡全是由朱古力漿和朱古力海綿蛋糕所整成, 對於大愛朱古力的我, 真的非常吸引.

朱古力漿非常香濃, 又夠滑, 朱古力帶微微甘味, 完全不覺得苦.

食得甜的我, 甜度對於我來講是算適中.

而海綿蛋糕質感幾軟綿綿, 同朱古力漿好夾.

這個經典朱古力蛋糕絶對適合愛食朱古力的朋友.

無法抗拒的誘惑 - AMEDEI 朱古力

鍾意食朱古力的我, 知道可以出席與朱古力有關的活動時真係超開心. 早前出席咗AMEDEI Chocolate Tasting Event.

場內擺放咗AMEDEI 各款的產品.

活動開始時, 先由AMEDEI代表簡單介紹一下AMEDEI.

AMEDEI於1990年由Cecilia所帶領的餡心巧克力工作坊開始, 經過二十多年來對於完美的追求及細節的執著, 發展至現今影響各大世界巧克力品牌、以及五年來橫掃倫敦巧克力學院所頒發的可可豆金獎等的榮譽, Cecilia更被美譽為當今唯一一位女性配稱為巧克力大師.

接着由AMEDEI始創人Ms. Cecilia Tessieri親身分享她精心製作的巧克力、AMEDEI品牌理念及她享負盛名的高超技藝.

跟住到咗我最期待的時間, 就是可以即場試食AMEDEI各款的朱古力.

Chuao 黑巧克力70%

委內瑞拉半島莊園內天然揉合的可可豆品種, 擁有天賦的特濃果香及氣味.

“9”九品精選黑巧克力75%

經過多年的發掘, Cecilia終於揀選了九款令她滿意的優質可可豆, 把它們揉合以發揮每款可可豆的香味及味道的長處, 使之平衡在完美之上, 因而灌以”9”之名.

”9”的味道較濃烈, 吃畢後仍在味蕾上久久未散. 目前為止，”9”亦是最多屆可可豆金獎的得主.

Porcelana精瓷黑巧克力70%

100%的Criollo豆是巧克力界別內的遺產了, 因著它的稀有和珍貴，被享譽為地球上的寶藏. AMEDEI每年只出產二萬片精瓷黑巧克力, 為配得它高貴的身份, 每片精緻的包裝上均載有獨有的編號, 是為它們的出生證明.

Blanco de Criollo 黑巧克力 70%

選自秘魯Criollo豆而製的2013年可可豆金獎得主, 是AMEDEI家庭內的新成員.

等我介紹下當中幾款較珍貴和得獎的朱古力.

除咗朱古力外, 仲有朱古力醬, 用來配餅乾或麵包一流, 冬天來臨, 飲杯熱朱古力就啱晒. 

一口氣試了咁多款朱古力, 朱古力醬和熱朱古力, 真係非常之滿足.

之後, 介參觀咗AMEDEI於香港尖沙咀海港城開設了其首個巧克力專櫃, 當中發售二十多款世界性奪獎項目及業內最受歡迎口味.

有興趣的朋友可以到AMEDEI的專櫃睇下~

資料由品牌提供.

AMEDEI 巧克力專櫃

九龍尖沙咀海港城3樓City’Super