豐富大餐 - U Food x 香港黃金海岸酒店仲夏海鮮薈國際自助試食晚餐

喜歡食自助餐的我, 好開心可以出席『U Food x 香港黃金海岸酒店仲夏海鮮薈國際自助試食晚餐』.

每位顧客可尊享波士頓龍蝦1隻. 啱晒愛食海鮮的我, 隻龍蝦肉質彈牙, 好味道, 而且仲好大隻添…

 

自助餐的種類多不勝數, 當然少不了冷盤, 前菜, 熱食等.

最引起我注意是佢地係一個露天的地方不停整各式各樣的燒烤, 例如: 燒鵝, 牛肋骨, 羊架, 雞翼, 香腸….仲有小炒, 湯河, 燒生果等, 好豐富.

而且係戶外進行燒烤, 餐廳裡就較少聞到這些燒烤味, 這樣就唔會令到件衫都有味~我就好鍾意這樣的安排.

甜品也是我好留意的地方, 甜品的款式也不少, 不但精緻, 而且仲擺放得好靚~真係好想每一款都食, 但實在太多, 不能全部試晒~

我鍾意食海鮮, 所以第一時間就拎咗香草大蝦串和炸軟殼蟹南瓜配柚子沙律.

 

大蝦肉質彈牙, 同香草醬好夾, 而且蝦上仲放上黑魚子.

 

軟殼蟹和南瓜都炸得好鬆脆, 唔會過多麵粉. 而柚子沙律酸酸甜甜, 好配合和醒胃.

 

之後, 就食燒牛肋骨, 雞串, 燒鵝脾, 好入味.


我初時以為燒鵝只是俾 一兩 件, 但原來每碟分量都好多, 剛巧我拎時是一隻燒鵝脾~

來到甜品時間啦~

款式太多, 眼花撩亂, 一口氣拎左一大碟~

最後, 要食我愛的雪糕和馬卡龍, 這款芒果雪糕是其他BLOGGER推介, 話好味道, 必定要食, 我是第一次食, 真係幾好味, 而且仲有芒果肉, 只要你愛食芒果, 必要一試~

 

食飽飽, 黎番一張大合照先, 多謝晒U Food, 希望日後有機會再飲飲食食~

想知道更多U Food的最新消息, 可以登入以下網址

https://www.facebook.com/ufoodfans

想知道更多酒店的消息和優惠, 可以登入以下網址

https://www.facebook.com/GoldCoastHotel

繼續食食食(二) - U Food x 博藝會『陽澄金黃蟹宴』

上星期五好開心能夠出席U Food x博藝會的「陽澄金黃蟹宴」, 而舉行地點是黃埔花園博藝會, 這是我首次去這裡食飯.

到達時, 遠遠已經見到門口放滿大閘蟹, 非常吸引.

本身自己較少食大閘蟹, 這次更是今年首次食添....

蟹粉小籠包

這個小籠包真係夠料, 係外面已經見到淡淡的黃色, 咬下一口, 就見到裡面的湯汁湧出.

陽澄湖大閘蟹( 4.5兩 - 兩隻)

今的主角出場. 由於熱辣辣, 所以特別好味, 蟹膏味算濃郁, 若果再多一點蟹膏更好.

本身少食大閘蟹, 所以食起來有點手忙腳亂, 真係好佩服那些食完後仍然可以砌番一隻蟹出來.

太史五蛇羮

本身唔食蛇, 所以只係飲咗幾啖, 試下味道, 當中有好重的胡椒味, 這樣可以蓋過腥味.

老虎斑：XO白玉蒸球、椒鹽腩肉

今晚有兩個餸特別鍾意, 第一個是這個. 老虎斑除了啖啖肉, 肉質彈牙, 加上豆腐, 味道較淡, 而椒鹽腩肉味道濃郁, 兩者互相中和.

生拆蟹粉玉簪：鳳凰卷、蝦球

另一個鍾意的餸就是這個, 賣相精緻, 蝦球彈牙, 而鳳凰卷內裡是洋蔥和芋頭, 較少食這個配搭, 味道很夾.

濃湯肉丸津白

之前一口氣食咗咁多蟹粉, 係時候食番一些菜中和, 而且個湯吸收晒精華,所以好鮮甜.

堂做蟹粉炆烏冬

大廚即場示範這個餸, 現場即時充滿蟹膏味道, 烏冬口感也算煙韌, 吸收晒蟹粉的咪道.

薑茶湯丸和蘆薈紫米糕

食完大閘蟹, 當然要飲番一碗薑茶, 若果湯丸多幾粒或大一點會更好. 蘆薈配紫米糕, 兩種口感, 幾特別.

 

U Food定期也會舉辦不同的活動, 想知道佢地最新消息, 可以登入以下網址

https://www.facebook.com/ufoodfans

博藝會網址:

http://www.spotlightclub.com.hk/

又食又拎又玩仲得埋獎的開心一夜 - U Food x 鴻星集團『先拆後嚐 蟹王盛宴』

農曆九月和十月係食大閘蟹最佳時機, 上星期四好開心參加咗U Food和鴻星集團合辦的『先拆後嚐 蟹王盛宴』, 地點係灣仔瑞安中心的鴻星.

到達時, U Food的職員先安排我就坐, 除咗能夠食到一餐豐富的大閘蟹宴外, 仲有一個好特別的環節, 就是拆蟹比賽. 平日食蟹就食得多, 但究竟怎樣拆蟹才是最正宗呢~

活動開始, 先由今晚的司儀Alex同大家簡單講吓程序, 我地先進行拆蟹比賽, 之後就開始大閘蟹宴~

比賽開始前, 先由鴻星酒家的何寶龍師傅親自示範怎樣拆大閘蟹, 師傅手法純熟, 好快就拆好一隻大閘蟹, 何師傅特別提到, 大閘蟹的六角型心是好寒涼, 一定要清除咗它.

睇完示範, 接着到我地親手拆蟹, 心情都有點緊張, 因為怕手忙腳亂, 12位參賽者係限時15分鐘內鬥快拆一隻蟹, 除咗鬥快外, 仲會計算整潔, 賣相, 蟹肉完整性等. 由鴻星和U Food一共三位代表做評判選出冠亞季, 各可得到鴻星餐飲券~

比賽完畢, 當然就是大閘蟹宴開始, 今次的晚宴好豐富呢~

重點當然是大閘蟹啦~ 今次我地會食一皇和一后~ 大閘蟹要趁熱食, 真係好好味~

食完大閘蟹, 就先停一停, 宣佈拆蟹比賽結果, 估唔到我會得到亞軍, 真係喜出望外~多謝晒呀~ 也恭喜另外兩位得獎者~

開心的時間過得特別快, 大閘蟹宴就完結啦, 每位出席者仲可以得到鴻星的原味鴛鴦臘腸一盒.

今次真係有得玩, 有得食, 又有得拎, 多謝晒U Food 和鴻星集團.

U Food會不定期舉行各種活動俾讀者, 記得要留意佢地的網址

http://www.ufood.com.hk/

想知道有關鴻星集團的最新消息, 就要留意佢地Facebook

https://www.facebook.com/#!/SuperStarGroup