越式全日早餐 @ Le Viet

早前約了星期六做療程, 療程我前, 我先去附近食嘢先, 今次去了位於旺角的Le Viet食嘢.

我自己也鍾意食全日早餐, 西式食得多, 估唔到越式也有全日早餐, 見到餐牌好吸引, 決定試下.

全日早餐上枱.

賣相精緻, 仲好豐富.

當中包括:

越南鮮雞粥
菜脯煎雞蛋
厚烘多士

越式蒸粉包
越式柚子大蝦沙律
鮮什果杯
豬肉鬆

焦糖燉蛋
橙汁
咖啡

越式柚子大蝦沙律.

酸酸甜甜的柚子令人特別醒胃.

菜脯煎蛋.

雞蛋加入菜脯, 多了一份口感.

若蛋再滑身一點會更好味.

有唔同的配料俾客人因應自己鍾意而加.

我將煉奶和牛油搽係厚多士上.

話明係越式, 當然不少得我鍾意食的越式蒸粉包.

味道有點惹味, 啱我口味.

最吸引我當然係雞粥.

份量夠大碗.

我加蔥花於粥裡, 更加香.

雞肉相當嫩滑, 味道調教不錯.

而粥底夠棉身, 唔會太稀身.

一口氣食了多款食品後.

可以食番一杯什果杯.

這個可以起中和作用.

甜品係焦糖燉蛋.

這個就有點令我失望.

太稀身, 完全唔似燉蛋質感.

飲品有兩杯, 一熱一凍.

食完這個全日早餐, 令人相當滿足.

openrice:

https://www.openrice.com/zh/hongkong/review/%E8%B6%8A%E5%BC%8F%E5%85%A8%E6%97%A5%E6%97%A9%E9%A4%90-le-viet-e3202830

地址: 旺角彌敦道636號銀行中心1樓101-106,108-109號舖

電話: 25216322

越式拼盤 @ Le Viet

友人愛食越南嘢, 早前便相約去了位於尖沙咀的Le Viet食飯.

第一個俾我的感覺是好色彩繽紛, 不論椅或是枱上餐具也是不同顏色.

這裡除了有一般座位外, 也有一些高身椅坐.

好多款小食我地也想試, 所以就點了一個越式拼盤, 可以一次過試齊蝦餅, 扎肉蒸粉包, 春卷和豬頸肉.

蝦肉的肉質幾彈牙, 味道調教不錯.

扎肉蒸粉包. 粉包的皮厚薄適中, 內裡的饀幾豐富, 入口帶微微辣, 幾醒胃.

春卷外皮少許脆身, 幾香口.

豬頸肉肉質幾鬆軟, 不會覺得硬和乾身.

跟拼盤附有醬汁, 但我覺得單食也夠味, 所以無乜點醬汁.

另外加多一款我愛食的牛油雞翼.

上枱時已經香味撲鼻.

因為雞翼上放滿了蒜蓉.

雞翼外皮幾脆身, 入口時充滿蒜蓉的香味, 而雞肉夠嫩滑, 雙重口感.

這個菜式本身較為濃味, 但食完不會覺得好油膩.

主菜就是大蝦菠蘿飯.

賣相幾精緻.

蝦肉幾新鮮爽口. 而飯味道是偏向淡少少, 這樣配小食一齊食就好啱.

餐廳唯一需要留意的地方是出菜次序, 這裡的出菜次序有點奇怪, 不是小食上枱先, 反而是飯, 我本身是想以飯來配各款小食, 我為了這樣, 只是食了小許, 等到小食送上枱時, 飯己經凍咗.

越式特級牛頸脊湯粉 @ Le Viet

前幾日去尖沙咀睇戲前, 先去了位於The One 的Le Viet食野.

這裡的裝修好色彩繽紛, 令人感覺夠醒神.

我地點了越式特級牛頸脊湯粉.

上枱時牛頸脊未完全熟晒, 在熱辣辣的湯中慢慢浸到剛剛熟, 連不食生野的我, 也可以放心食.

牛頸脊脂肪分怖平均, 色澤靚.

入口時牛頸脊也算嫩滑, 簡單配個湯底已經夠鮮味.

而河粉也幾滑身, 若河粉無咁碎會更好味.

愛食海鮮的我, 點了原隻牛油焗大頭蝦.

上枱時已被賣相所吸引.

由牛油焗出來的大頭蝦, 多了一份淡淡的牛油香味.

大頭蝦就是蝦頭夠大, 不過膏就一般. 而蝦肉夠爽身又彈牙, 但肉不算多.

若換上大虎蝦, 對於我來講就更加吸引.

始終用牛油焗較為油膩, 所以碟邊以蕃茄伴碟, 可以用來中和一下.

另外, 仲有配料薯仔, 薯仔吸收晒精華, 所以夠味又好食.

食了較濃味的食物, 我就點了椰青來解渴.

椰青算大個, 又夠水.

入口清甜, 最適合食完濃味食物後飲.

最後也點了甜品, 今次點了拉椰糕.

賣相有點似千層糕, 兩者同樣是煙煙韌韌..

入口帶有淡淡椰子的香味, 對於愛食椰子食品的我, 好啱我口味.