透心涼雪糕泡芙 @ Owl’s Choux

這排天氣相當炎熱, 對於我來講, 最佳解暑方法就是食雪糕. 早前係尖沙咀行完街, 經過一間叫 Owl’s Choux的意大利雪糕泡芙店, 被店內的貓頭鷹的擺設吸引住, 就入去望下.

這裡除了有意大利雪糕外, 仲有雪糕泡芙食, 所以我點了一款期間限定的雪糕泡芙, 叫 ‘s’mores’.

原來是朱古力泡芙加上熱溶棉花糖, 而中間的雪糕也是朱古力, 對於朱古力大愛的我, 當然好吸引.

另外, 我點了一杯熱Caffe Latte.

由於我鍾意多奶, 所以特別要求多奶.

因為雪糕泡芙即叫即整, 所以我就坐一陣先.

店員先奉上咖啡.

這裡杯墊也是用上貓頭鷹的設計.

而個杯的字也好有意思.

咖啡幾滑身, 由於我要多奶, 奶味較突出一點, 入口有淡淡的咖啡味道, 甜度適中, 啱晒我口味.

雪糕泡芙終於上枱.

賣相幾精緻.

泡芙我鍾意直接用手食, 不但較方便, 而且開心一點, 但又怕用手食又會整到雙手痴笠笠, 這店好細心, 除了有紙巾外, 仲提供濕紙巾俾客人, 非常好.

我先食泡芙, 幾香脆, 由於加入棉花糖, 入口時多了棉花糖的質感, 雙重口感.

朱古力雪糕夠香濃, 甜度適中, 又夠細滑, 食不停口.

見到這裡的法式小泡芙幾吸引, 便外賣一盒.

個盒設計幾靚, 方便拎走.

忍不住, 試食了一粒.

泡芙蛋香夠濃郁, 又夠鬆脆.

 

另附有自家制焦糖醬, 點了這個醬, 多了一份焦糖的味道, 兩者好夾, 不論單食或點醬也好味.

 

用來配咖啡一齊食, 也是不錯的選擇.

特式雪糕泡芙 @ Owl's Choux

每逄有新的特式食店, 不論網上或雜誌也會相繼報導, 見到有一間位於尖沙咀叫Owl's  Choux的新店, 主打雪糕泡芙和意式手打雪糕前幾日便去試下.

在門口已經見到貓頭鷹的掛飾.

入到店內, 四周也放了不同款式的貓頭鷹公仔或者擺設.

好奇一問, 原來店主有一次去日本九州旅行, 發現貓頭鷹在當地好夠受歡.

原來係日本, 貓頭鷹的發音音同『不苦勞』, 『福來郎』, 引申出不辛苦, 招福之意,所以佢日後開舖頭也要以貓頭鷹為名.

另外, 貓頭鷹較特別, 有與別不同的意思.

這裡有四款雪糕泡芙口味, 包括Praline Noir, Popcorn & Rocks, Red Velet和Mango Tree, 因為我愛食濃味口味, 所以我選了Popcorn & Rocks.

泡芙是即點即焗, 所以大約要等十分鐘左右.

另外, 我也試了這裡的飲品, 除了咖啡外, 仲有朱古力, 紫薯鮮奶, 我點了紫薯鮮奶.

等待食物時, 店員先奉上水.

我好鍾意佢地個杯, 外形是一盒打開了的盒裝鮮奶的盒.

雪糕泡芙上枱拉~

賣相幾吸引.

這是杏仁泡芙, 脆脆爆米花, 中間是雪糕, 口味是咖啡曲奇雪糕, 雪糕中間有海鹽焦糖漿.

店員教可以一層層食, 泡芙搽上雪糕來食, 泡芙幾脆身, 入口還有杏仁香味, 唯獨是爆谷唔夠脆身.

]

雪糕幾滑身, 充滿咖啡的香濃味道, 有點似食咖啡糖的味道, 當中混入了Oreo碎, 多了一份口感.

而雪糕中間是海鹽焦糖漿, 味道香濃.

這個雪糕泡芙幾濃味, 啱晒我的口味.

紫薯鮮奶的甜度適中, 入口多了一份紫薯的香味, 若當中有紫薯蓉就更正.

另外, 見到這裡的手工雪糕忍唔住點了其中一款.

我點了藍莓乳酪雪糕.

剛才的雪糕泡芙味道較濃, 所以雪糕點了乳酪, 中和一下.

雪糕幾滑身, 入口時帶點酸酸, 幾醒胃, 而且乳酪熱量較低.

走的時候, 見到佢地在預備食材. 一個個新鮮泡芙就是這樣即點即焗.