晚餐 @ 肚餓了串燒烤焗專門店

好耐無食串燒，較早前便與友人去了尖沙咀的肚餓了串燒烤焗專門店食飯.

愛食牛舌的我, 來這裡必食的鹽燒厚切牛舌.

這裡的牛舌同其他串燒店好不同, 牛舌切得夠厚身, 又大粒, 食的時候好有口感.

牛舌又夠彈牙, 加上牛舌面放了鹽, 更能帶出牛舌的味道.

烤焗西京比目魚.

一打開已經香味撲鼻.

比目魚份量也不少.

魚肉夠雪白, 肉質好嫩滑, 好好味.

蒜蓉燒扇貝.

扇貝幾大隻, 而且每隻也放滿了蒜蓉, 愛食蒜蓉的朋友真係唔可以錯過.

入口有濃濃節蒜蓉味.

特式茄汁芝士海鮮焗飯.

海鮮飯有不少海鮮, 而飯吸收晒海鮮的精華, 特別好味.

一口你食了多款的肉和海鮮, 就點了蒜蓉燒原條茄子.

茄子的肉夠鬆軟, 而且混合蒜蓉特別惹味, 兩者好夾.

茄子更起了中和作用, 無咁油膩.

人蔘竹絲雞湯 @ 金饍韓國料理

好友終於完成一個重要的project, 日夜顛倒的生活可以回歸正常, 也可以出來食飯聚一聚, 我地想了一個環境較佳的地方食飯, 最後選了北京道一號的金饍韓國料理.

店內的坐位幾寬闊.

也可以眺望窗外的景色.

坐下後, 店員先奉上前菜.

由於我唔食辣, 好多時前菜的選擇不多, 有時甚至唔啱食.

這裡的前菜一共有六款, 除了泡菜外, 其餘五款也不辣, 啱晒我口味, 蔬菜夠新鮮, 入口爽脆, 食完仲可以添加.

我地鍾意飲湯, 所以點了人蔘竹絲雞湯和牛肋骨湯(不辣).

牛肋骨湯(不辣).

牛肋骨肉質相當鬆軟和腍身, 牛肉的味道又夠濃郁.

湯裡除了牛肋骨外, 還有蘿白.

對於我來講, 湯最基本是要夠熱, 這個牛肋骨湯唯一是唔夠熱, 所以欠了一點點的感覺.

人蔘竹絲雞湯.

平日飲的人蔘雞湯極少是用上竹絲雞, 所以我都有點期待.

這是用上一隻竹絲雞, 份量也不少.

第一時間試下個湯先, 個湯好鮮甜, 而且雞肉也不會過硬, 尚算嫩滑.

人蔘味不算太勁, 若多一點味道更佳.

而在竹絲雞內放了糯米和人蔘, 糯米已經腍身, 入口有淡淡的人蔘味.

海鮮炸醬麵.

夏天天氣較炎熱, 食這個好適合.

上枱後自己混醬.

炸醬味道調教不錯, 帶點酸酸, 好醒胃.

麵質算幾彈牙.

另外, 我地也試下這裡的燒烤, 所以點了薄切上等牛舌岩鹽燒, 龍蝦和原隻鮮鮑魚.

這裡的牛舌是薄身.

我本身是較鍾意食厚切, 因為口感相對較佳. 估不到薄身牛舌的口感也不錯, 最重要是燒完不會硬和乾, 還能保持肉汁, 牛味又夠重.

原隻龍蝦雖然不算好大隻, 但肉質幾爽口.

原隻鮮鮑魚已預先切成幾片, 方便燒烤.

鮑魚片帶點咬口, 幾有口感和鮮美, 燒完不會覺得好乾和硬身.

厚切鹽燒牛舌 @ 肚餓了串燒烤焗專門店

上星期放假係尖沙咀行完街, 便去了Hungry Bird食串燒.

這裡的串燒款式也相當多選擇, 有牛肉類, 海鮮類, 豬肉類, 蔬菜類等… 令人好難決擇.

愛食牛舌的我, 第一時間點了厚切鹽燒牛舌.

上枱時已被厚身的牛舌吸引住.

平日食的燒牛舌, 一般都較為薄身, 但這裡的牛舌就完全不同.

它非常厚身, 好有咬口, 但完全不硬和乾, 而且加了海鹽, 更能帶出牛舌的味道. 愛食牛舌的朋友必定要一試.

由於這個牛舌太好味, 我地再點多咗一次.

西班牙黑毛豬件.

份量都幾大碟. 黑毛豬色澤幾靚, 肥瘦尚算平均.

黑毛豬的肉味較平日食的豬肉為濃, 而且肉質也腍身. 入口也不會覺得太油膩.

海鮮當然不少得.

想一次過試齊不同口味的燒扇貝, 所以點了四式燒扇貝, 包括蒜蓉, 芝士, XO醬和黑松露菌香菇醬.

我選了芝士和蒜蓉味.

扇貝算大隻, 混入芝士有淡淡的芝士香味.

而蒜蓉味則和芝士味完全不同, 加入大量蒜蓉係扇貝面上, 與扇貝一齊食, 口中有濃濃的蒜蓉味. 平日我不多食蒜蓉, 但這裡整的蒜蓉卻好好味.

燒黑椒香茅18cm虎蝦.

虎蝦好大隻, 我自己甚少以黑椒配香茅燒虎蝦.

蝦肉彈牙, 雖然是黑椒, 但不算辣, 而肉中有香茅味, 估不到黑椒和香茅都幾夾.

來到這裡, 要一試佢地的招牌菜破瞉肚餓鳥, 個名好特別, 究竟是咩來呢?

上枱時見到酥皮, 切開後, 見到荷菜, 要再打開它, 就見到內裡是燒乳鴿.

對於愛食濃味的我, 乳鴿味道略淡了一點, 可以點附上的醬汁, 有點似薑醋味道, 而肉質偏向硬了一點.

而愛食酥皮的我, 酥皮幾鬆化, 配合醬汁一齊食就好啱.

食了咁多款肉類, 也要叫蔬菜中和一下.

我地點了蒜蓉燒茄子.

茄子好大條呀, 茄子面仲放滿了蒜蓉, 這裡落蒜蓉真是幾重手, 鍾意食蒜蓉的朋友不好錯過.

茄子的口感是軟棉棉, 軟硬適中. 每食一口茄子, 也充滿蒜蓉味.