又來日式放題 - 三木日本料理

一排無食日式放題, 早前便去了位於尖沙咀三木日本料理食放題.

這裡的放題款式繁多, 有日式沙律, 刺身, 壽司, 反卷, 手卷, 串題, 炸物, 一品料理, 鐵板燒, 天婦羅, 日式小食, 甜品.

朋友點了刺身, 我不食魚生, 就點了軟殼蟹手卷, 鰻魚雙壓和加州反卷.

手卷的紫菜好脆, 軟殼蟹肉質也不錯, 若軟殼蟹再大件些, 口感更佳.

鰻魚雙壓幾特別, 味道也不錯. 平日也較少這裡食, 愛食鰻魚可以點這個.

愛食牛的我, 一口氣點了厚切牛舌, 黑椒牛仔骨燒, 蒜香一口牛柳粒和牛肉壽喜鍋.

三款不同整法的牛, 全部都夠惹味, 牛柳粒細細粒較易入口, 肉質也夠稔. 而牛仔骨相對就較有咬口, 口感較為豐富.

而我自己就最愛食牛舌. 牛舌較厚身, 而且不會過硬, 肉質幾稔身, 味道又夠濃, 啱晒我口味.

牛肉壽喜鍋材料算豐富, 而且份量也不少.

內裡除了肥牛外, 仲有不少的菜和雜菌. 食了咁多肉, 食些蔬菜中和一下.

天婦羅當然不少得, 我地點晒六款款式, 包括珍寶天婦羅蝦, 紫菜天婦羅蝦, 冬菇天婦羅, 温室南瓜天婦羅, 番薯天婦羅和茄子天婦羅.

上枱時已聞到香噴噴. 天婦羅炸漿略為厚身少許, 但勝在夠鬆化和脆, 所以可以接受.

當中紫菜天婦羅蝦最正, 因為加入紫菜的炸漿, 會多了一份淡淡的紫菜味道.

蝦肉質幾彈牙, 而南瓜幾甜.

另外, 也點了炸物, 包括芝士年糕, 可樂餅.

我自己鍾意食芝士年糕, 但最怕外層炸得太厚, 時間掌握好重要. 這個就不錯, 外皮幾薄身, 內裡夠軟身, 有芝士流出, 若果能再一些更好.

可樂餅原來是薯餅, 炸得幾鬆化.

日式茶碗蒸蛋夠滑, 內裡仲有蝦和蟹柳添~

最後, 當然要食甜品.

我地點了北海道3.6牛乳奶凍, 木糠布甸和法式焦糖燉蛋.

奶凍和木糠布甸夠滑身, 奶味夠香濃.

雪糕我點了紫薯和柚子味. 柚子味帶點清新, 但我鍾意食紫薯味, 唔會太甜.

實在太飽, 仲有好多嘢想食未試, 留待下次吧.

款式多不勝數的任食放題 - 三木日本料理

早前又去覓食, 去咗食我最愛的日式放題, 而我是首次去位於尖沙咀的三木日本料理.

食放題的好處就是可以選擇自己想食的款式, 這裡的款式多不勝數, 即使不食生嘢的我, 也有好多種類可以選擇.

每位到來的客人, 也可以得到虎蝦和帶子刺身一份.

隻虎蝦真是好大隻, 差不多成隻碟咁大.

食放題當然要點刺身, 朋友點了三文魚, 北寄貝, 極大甜蝦, 鮑片, 八爪魚, 螺片等等.

款式真是幾多選擇, 朋友話算幾鮮味.

至於我就點了壽司和手卷, 這裡的選擇也是較其他放題為多, 有些款式較少有, 例如:柚子胡椒左口魚裙邊壽司, 蟹肉蟹膏手卷, 彩虹卷.　

我點了最愛的軟殼蟹手卷, 天婦羅蝦手卷和松葉蟹棒壽司, 加州卷. 手卷當然要一上枱就食, 否則紫菜會不脆. 這幾款味道不錯.

串燒點了鹽燒牛舌, 海蝦, 秋刀魚, 開邊雞中翼串, 雞腎串等. 而鐵板燒我點了一口牛柳粒, 厚切牛舌.

由於我鍾意食牛舌, 兩款整法也有叫. 我特別推介厚切牛舌, 因為夠厚身, 而且又鬆軟, 好正.

而蒜茸牛油青口這個幾惹味.

炸物和天婦羅一定不少得. 我地點了吉列蠔和帶子, 神戶炸蟹鉗, 一口炸芝士, 日式芝士年糕,珍寶天婦羅蝦.

當中我覺得吉列蠔夠鮮味, 而日式芝士年糕, 外脆內軟非常正, 芝士味又夠濃.

另外, 愛食牛肉的朋友, 可以點牛肉壽喜鍋, 因為佢真係送上枱才慢慢煮熟, 不但夠熱, 而且牛肉注滿了湯的味道, 夠鮮甜.

而日式茶碗蒸蛋也可一試, 夠滑, 對於我來講, 味道稍為淡了一點.

最後, 當然一定要食甜品, 點了三款不同口味的雪糕, 包括芝麻, 豆腐和柚子, 法式焦糖布甸和北海道3.6牛乳奶凍.

雪糕必要點芝麻味, 好濃郁芝麻味. 而法式焦糖布甸和北海道3.6牛乳奶凍水準也好高, 不但香滑, 奶凍的牛奶味好重, 啱晒愛食牛奶的朋友.

其實仲有好多款色想試, 但實在太飽, 唯有下次.