松葉蟹肉蒸籠飯 @ Teru Teru Bozu

早前與係港島區工作的友人食飯, 今次我地選了食日本嘢, 友人帶我去了位於銅鑼灣的Teru Teru Bozu食飯.

我地點了鰻魚玉子燒, 味噌煮牛筋, 紅酒煮厚切牛舌和松葉蟹肉蒸籠飯.

鰻魚玉子燒.

玉子幾滑身, 而蛋中間就加入了鰻魚粒, 雙重口感.

味噌煮牛筋.

牛筋煮得相當稔身, 而且好入味, 對於愛食濃味的我就啱.

但友人唔食得咁濃味, 佢就覺得偏向咸了一點.

喜歡飲酒的朋友, 這個用來佐酒係不錯選擇.

紅酒煮厚切牛舌.

我自己好鍾意食牛舌, 一見到有相關的菜式, 就必定點來試下.

牛舌切得夠厚身, 入口時特別有咬口.

肉質夠鬆軟, 入口有淡淡的紅酒香味, 這個的味道較為適中.

松葉蟹肉蒸籠飯.

一口氣食了好幾款較濃味的菜式, 就食番一個清淡一點的蒸籠飯.

飯以一個木盒上枱.

打開後, 賣相夠精緻.

飯面放滿了蟹肉, 蛋絲, 三文魚籽.

蟹肉夠鮮美, 入口有三文魚籽卜卜聲, 多重口感.

飯軟硬度適中, 好啱我口味.

下次再來時, 要試下其他口味的蒸籠飯.