晚餐 @ 第一郡

早前上完堂後, 去了天后的第一郡食嘢.

我選了Q1麵.

食材幾豐富, 當中包括蘿白, 魚肚, 冬菇和帶子.

個湯幾清甜, 唔會太咸.

而麵質軟硬適中, 吸收晒湯和食材的精華.

見到有滴滴咖啡, 我便點來試下.

滴滴咖啡.

慢慢一滴一滴流出來, 已聞到幾香的咖啡味.

再混入練奶, 甜度適中.

但對於我來講, 我唔太飲得好濃的咖啡, 這個稍為苦了一點.

甜品選了斑蘭綠豆糕.

入口煙煙韌韌, 加上淡淡的斑蘭香味, 非常好味, 這個真係有點驚喜.