晚餐 @ 河內大娘越南餐廳

早前相約友人去了尖沙咀河內大娘越南餐廳食晚飯.

我地先點了烤大蝦柚子沙律.

蝦肉幾爽口彈牙.

而柚子甜中帶酸, 夠醒胃, 好適合作為前菜.

小食選了越式魚餅 .

對於唔太食得辣的我, 這個魚餅, 較為辣了一點, 不過幾惹味.

越菜味道較為濃味, 所以我點了菠蘿冰中和一下, 又可以解喝.

這是用新鮮菠蘿肉製成, 所以特別清甜, 加上有菠蘿肉, 多了一份口感.

主菜點了大娘皇牌火車頭和香茅煮大蜆.

大娘皇牌火車頭.

材料豐富, 有牛根, 牛肉, 牛丸, 牛栢葉等… 最適合愛食牛的我.

自己最鍾意食牛肉.

香茅煮大蜆.

當日係馬刀貝.

比我想像中大隻, 洗得幾乾淨, 入口無沙.

肉質夠彈牙和鮮美.

晚餐 @ 第一郡

早前上完堂後, 去了天后的第一郡食嘢.

我選了Q1麵.

食材幾豐富, 當中包括蘿白, 魚肚, 冬菇和帶子.

個湯幾清甜, 唔會太咸.

而麵質軟硬適中, 吸收晒湯和食材的精華.

見到有滴滴咖啡, 我便點來試下.

滴滴咖啡.

慢慢一滴一滴流出來, 已聞到幾香的咖啡味.

再混入練奶, 甜度適中.

但對於我來講, 我唔太飲得好濃的咖啡, 這個稍為苦了一點.

甜品選了斑蘭綠豆糕.

入口煙煙韌韌, 加上淡淡的斑蘭香味, 非常好味, 這個真係有點驚喜.

招牌蝦籽撈麵 @ 火水爐冰室火鍋

早前趁星期日與A先生去了位於旺角的火水爐冰室火鍋食嘢.

店內設計以懷舊的怖置作藍本.

來到這裡, 我一定試招牌蝦籽撈麵. 因為麵是用上米之蓮的好到底的麵.

而A先生點了雲吞麵.

小食點了秘製豬手, 柱侯牛腩和蝦籽蘿白.

招牌蝦籽撈麵(碟).

我選了碟, 份量較多.

麵質較有彈性, 又唔會太硬身.

簡單加上蝦籽已經好味道, 若蝦籽份量再多一點, 味道會更出.

柱侯牛腩.

牛腩夠稔身, 而且調教味道剛好.

我最怕整的時間不足夠, 變得好硬, 好難咬開.

最啱與麵一齊食.

秘製豬手.

豬手同樣要整得夠稔身先好味道. 食的時候, 豬手皮帶有豐富的膠質, 係我鍾意的口感.

蝦籽蘿白.

蘿白本身無乜味道, 灑上蝦籽, 即時多了蝦籽的味道, 更能帶出蘿白的鮮美.

而且食了不是肉, 這個可以起中和作用.