Gorgonzola & Apple Pizza 與黑椒雞翼 @ Jacomax

早前與友人在灣仔行街, 經過一間叫Jacomax食店的櫥窗, 見到有店員在整薄餅, 令我地食指大動, 便行了入去食晚飯.

我地當然會點薄餅, 有成十多款式口味選擇, 最後我地選了Gorgonzola & Apple.

另外, 點多了Carbonara意粉, 小食點了黑椒雞翼.

店員先奉上黑椒雞翼.

剛剛整好, 所以仲熱辣辣.

雞翼夠嫩滑, 而且黑椒味道夠濃郁, 啱晒鍾意食黑椒的我, 惹味又醒胃, 非常好味.

Gorgonzola & Apple上枱.

這裡的薄餅有正常size 十二吋和大size二十吋, 我地這個是十二吋.

上枱時香味撲鼻.

材料好簡單, 只有芝士和蘋果片, 但估不到咁好夾咁好味.

薄餅的皮好薄身, 帶少許脆身. 入口時充滿芝士的香味, 也混入了蘋果的甜味, 雙重口感.

平時食薄餅我是食咸薄餅, 這次是首次食帶甜的薄餅, 比我想像中好味, 有點喜出望外.

愛食芝士的我地, 又點埋Carbonara.

相對薄餅, 這個意粉較為遜色.

我本身鐘意食偏向軟身的意粉, 這個略為硬身了一點.

芝士味道不夠, 而且煙肉太肥, 基本上我沒有食過.

這裡還是雞翼和薄餅較有水準.