蒸氣火鍋 @ 金豪酒家

踏入冬天, 我自己最鍾意食火鍋, 可以一班人圍理一齊食飯, 傾計, 非常開心, 早前我地就去了位於炮台山金豪酒家食晚飯.

這次我地來這裡是食最近好流行的蒸氣火鍋.

入到店內, 店員安排我地坐下.

我就第一時間出去睇下有咩生猛海鮮可以選擇, 種類也有不少.

會有牌列出各款海鮮的價錢, 若是以時價計算, 就要問下店員.

食火鍋也要點醬.

各式各樣的醬汁, 客人可以因應自己的喜愛而調教.

以下是我的混醬.

首先, 店員準備個湯底俾我地, 內裡有雞腳和木瓜, 不用加入任水, 因為蒸食物時, 所以精華會流入鍋底裡, 這個到最後才食.

先來韓國胭脂蚌.

不算好大隻, 但入口夠鮮美, 肉夠彈牙.

美國大石蠔.

這個真係好大隻, 蠔夠飽滿, 入口時蠔味濃郁, 因為大隻, 所以口感十足.

日本大元貝.

這個都幾大隻. 因為元貝面放了蒜蓉, 所以入口時有淡淡的蒜蓉香味, 能夠帶出元貝的鮮甜.

一口氣食了數款的海鮮, 我地也點了其他的款式.

釀鮮菇.

菇裡混入了蝦膠和少量的蟹籽, 蝦膠幾爽彈.

蒜蓉蒸勝瓜.

勝瓜吸收晒蒜蓉的香味, 雖然好簡單, 但用來中和一下是不錯選擇.

最後, 當然要飲番個湯.

這個湯相當清甜, 因為吸收晒所有海鮮的精華.

而且秋冬天, 天氣較為乾燥, 食番個靚湯滋潤一下喉嚨是最好不過.

湯裡的湯料, 我也有食, 木瓜已腍晒, 而雞腳就未夠腍身, 偏向爽口.