本身住係沙田, 選擇係沙田食飯的話, 第一時間諗起新市場廣場一帶的食店, 但原來還有其他不錯的選擇, 就係火炭, 早前係朋友的帶領下, 去了位於火炭的Drink 氣鍋食晚飯.
見到個店名, 食蒸氣鍋, 以為係一間酒家, 估唔到與我想像中完全不同, 格調更似一間精緻的Café.
店內仲設有完善的音響設備供客人唱歌, 好適合一班朋友包場.
由於友人已經來過這裡食飯, 除了點套餐外, 也單點一些菜式, 這晚全由友人發辦.
先來兩款小食, 韓式炸雞件伴芥末八爪魚刺身.
岩鹽板炙燒和牛肋條, 最啱用來佐酒.
這店食材採用食用花, 有機蔬菜, 西班牙橡果黑豚和本地農場走地雞.
主角出場, 海鮮蒸氣石鍋.
養生粥底選了德國母忘我食用花, 杞子和走地雞.
海鮮不少得.
鱸魚件.
貴妃蚌和番薯蜆.
櫻花蝦黑豚肉大磨菇.
大扇貝.
所有的食材都相當新鮮, 海鮮又夠大隻, 又鮮甜.
不用點任何醬, 就咁食也好好味.
食完海鮮, 當然要食埋個養生粥, 這可以說是我食蒸氣石鍋不可忽略的一刻.
個粥完全吸收晒所有海鮮的精華.
粥底不但煮得夠綿身, 而且夠鮮甜.
最後當然係甜品時間.
我選了特濃心太軟配豆腐雪糕.
朱古力心太軟食得多, 但係蒸的心太軟我係首次食.
外層係軟身，質感有點似蛋糕，而內裡係軟心朱古力，朱古力味道相當濃郁，這樣食法別有一番風味.
這間隱世小店日後要再來.
