環境舒服, 食物質素不俗 @ The Oyster House

早前好友生日, 知道佢是一位愛食生蠔之人, 所以特別挑選了位於灣仔的The Oyster House食飯. 一睇個店員就知道這裡是出名食生蠔.

店的面積不是好大, 氣氛昏暗, 幾有情調.

坐下後, 店員先奉上麵包.

友人點了weekend oyster set.

佢話個湯不錯.

Seafood platter 內有多款海鮮.

生蠔有幾款, 分別是美國, 澳洲和法國.

每款蠔口感和味道也不同, 全部也相當新鮮, 夠肥美.

主菜點了炭燒美國安格斯肉眼扒, 要了五成熟.

上枱時見到牛扒色澤好靚, 切開後, 中間是紅色.

入口嫩滑, 見佢不停密密切, 就知道佢滿意這塊牛.

認識我的朋友也知我唔食生嘢, 所以不食生蠔的朋友也可以放心, 這裡有不少其他選擇.

愛食海鮮的我, 先點了紐西蘭青口, 這是新鮮運到.

青口大隻, 夠肥美, 又彈牙, 夠鮮味.

巴馬火腿生蠔卷(四件).

一見到個名以為是生, 問過店員後, 知道是熟蠔, 就即點.

上枱時賣相幾靚.

蠔煮得唔太乾, 再配埋帶點咸的火腿和清新的青瓜, 多重口感.

主菜我點了香烤加拿大天然豬鞍.

賣相幾精緻.

豬鞍的肉質夠嫩滑, 又夠肉汁, 口感不錯. 而且肉質偏瘦, 最適合鍾意食瘦肉的我.

配料有蔬菜和薯蓉, 也是不可以錯過.

甜品我點了朱古力心太軟.

上枱時已感覺到內裡是好流心, 因為感覺脹卜卜.

我自己覺得心太軟最重要是時間的控制. 若焗得太耐, 外層較乾, 內裡又不流心.

用刀切一角, 已見到朱古力源源不絶咁流出.

入口時朱古力味夠香濃, 又幼滑, 而外層又唔會焗得太過乾, 這個帶點微脆, 非常好味, 鍾意食朱古力心太軟的朋友要一試呀.

這裡環境和食物質數也好合我心意, 日後又多一間餐廳可以選擇.