忙裡偷閒 @ KC Café

有時我也喜歡去 Café 飲下咖啡, 食下嘢. 早前我就去了位於觀塘的KC Café食野.

這裡除了有傳統口味的咖啡外, 仲加入了創新的口味, 我相信女士見到一定好鍾意, 就是紫薯Latte.

上枱時已經被佢的顏色所吸引, 入口時不但有淡淡的紫薯香味, 而且仲會食到甜甜的紫薯, 甜度適中.

仲有凍架, 這裡有不少LINE 公仔, 其中一隻是這個, 好可愛.

另外, 除了飲品創新外, 還有食品, 就是OPPA泡菜吞拿魚三文治.

本身是唔太食得辣, 所以我是唔多食泡菜. 但將泡菜混入芝士同吞拿魚做餡, 對於我來講是接受到.

因為泡菜的辣味已經被芝士所中和, 這樣微微的辣, 幾惹味, 最重要我是食得到. 再加上吞拿魚, 多重口感.

除了創新的食品, 傳統的韓式食品一定不少得.

韓式紫菜飯卷, 內裡材料豐富, 有蟹柳, 黃蘿蔔, 午餐肉等…

賣相吸引, 色彩繽紛, 特別愛食飯卷裡帶點酸的黃蘿蔔, 十分醒胃.

韓式醬蟹當然不可缺少.

友人愛食醬蟹, 一早就已經訂咗.

這裡有兩款醬蟹, 一款是醬油蟹, 選取韓國西海特大梭子蟹品種. 另一款是辣醬蟹, 全部由韓國直接運來香港.

先來醬油蟹. 從容器中取出完隻蟹, 處理它還是揾有經驗的人幫手.

友人也試了辣醬蟹, 這個上枱時我已聞到辣味.

雖然我不食生嘢, 但現場所見, 蟹算大隻, 又肥美, 友人話肉質鮮味, 愛食醬蟹的朋友記得提早幾日致電訂購, 帶返屋企慢慢嘆.

雖然我無食醬蟹, 這裡有不少小食可以選擇, 最後我點了芝士蛋多士和秘製韓式雞翼.

多士面放滿芝士, 只要從中間切開, 蛋黃便會流出, 混入芝士, 非常好味.

再來秘製韓式雞翼.

雞翼帶點辣, 但幾惹味.

這裡環境舒服, 假日來這裡坐下也是不錯選擇.