日與夜 @ Townhouse

中環蘭桂芳一帶酒吧, 餐廳林立, 上星期六便去了其中一座大廈位於23樓的Townhouse食晚飯.

由於這裡居高林下, 可以眺望美麗的景色.

剛坐下, 我先點飲品, 點了Absolut Peach and Vanilla Ice Tea.

上枱已覺得杯飲品好靚, 仲有幾大杯添…

茶底幾濃味, 加上淡淡的桃味, 感覺幾清新.

飲品面仲放了兩塊桃做裝飾, 好精緻, 桃又夠甜.

小食點了Red Prawn, charred in sea salt, shrimp sambal sauce.

紅蝦整法是燒烤出來, 上枱時已香味撲鼻.

蝦幾新鮮, 肉質又彈牙, 雖然用了燒烤整法, 但肉質不會太乾身, 控制時間掌握很不錯.

由於加了少許海鹽, 更能夠帶出蝦肉的鮮味.

主菜點了Caesar salad, fried runny egg and apider jumbo soft-shell crab.

軟瞉蟹是我其中一款愛食的嘢食, 見到當然第一時間揀佢.

上枱已被賣相所吸引, 軟瞉蟹size好大隻. 剛炸起無耐, 所以特別好香噴噴.再加上一隻炸温泉蛋, 分外吸引.

軟瞉蟹外皮夠香脆, 因為夠大隻, 所以特別厚身, 有口感.

蔬菜夠新鮮, 入口爽脆, 可以中和軟瞉蟹的肥膩.

將温泉蛋切開, 中間流出蛋黃, 這真是好考大廚的技巧.

軟瞉蟹和蔬菜混入蛋黃, 多了一份蛋香.

最後, 當然不少得甜品. 我點了Banana boat, homemade palm sugar ice cream, coconut jelly.

見到這款甜品插上一把紙雨傘, 想番起以前細個回憶.

雪糕口味幾特別, 雪糕是自家製, 味道有點似焦糖, 但又有椰子味, 幾好味, 加上有脆糖, 對於愛食甜的我, 絶對啱口味.

燒過的香蕉特別甜, 加上煙煙韌韌的椰香, 口感十足.

晚上窗外的景色又是另一個景象.