玩味十足, 充滿時尚的眼鏡 - 齊來進入香港眼鏡展(法國館)

上星期好開心去了會展參觀眼鏡展, 這是我首次前來, 主要是睇法國館. 這次一共有十多間的法國品牌參展.

由於參展商唔少, 我就選擇咗其中兩個品牌的眼鏡作深入的了解.

第一間是OKO EYEWEAR PARIS GROUP. 這品牌在21世紀初, 由巴黎兩名法國配師所創立.

 

佢地特別注重耐用, 可靠, 樂趣, 激情, 持久, 科技和傳統. 期待每年推出更多令人驚訝的鏡架, 特別體現其特殊性, 創新性, 舒適性和質量.

佢地眼鏡款式包羅萬有, 一共有百多款, 真係令人眼光撩亂.

 

其中有一個設計是好吸引我, 就是眼鏡框兩邊可以放上USB, 唔講真係唔知呢, 這樣就一定唔會唔記得帶USB.

這個USB有4GB的容量, 除下就可以直接插入電腦, 非常方便.

也有一些款式以明星為名, 例如Lady gaga~

 

這個品牌的眼鏡已經有代理, 稍後會在香港發售. 大家密切留意.

OKO EYEWEAR PARIS GROUP的眼鏡就較玩味和創新, 而以下介紹另一間的眼鏡, 我相信女仔見到一定會鍾意. 它就是Creations Poncet – ANACOLE.

 

這品牌以手工制作各種風格的醋酸纖維素鏡架, 而且有部份的款式是加入Swarovski水晶作點綴, 令眼鏡變得不平凡.

尤其以下這款眼鏡係咪好耀眼呢~ 佢一共加咗600粒Swarovski水晶, 我相信帶出街一定引來羨慕的眼光~

這個品牌的眼鏡暫時未在香港有得發售, 希望稍後的日子能夠在香港見到啦~

經過今次的眼鏡展, 我對於法國品牌的眼鏡多咗認識, 雖然我唔帶眼鏡, 但沒有想過眼鏡也可以這麼多選擇, 我相信一定有一款適合你地.