保濕必備 - Phyris 透明質酸保濕面膜和3重透明質酸保濕精華

早前, 我出席咗Phyris <汎姿>舉行全新Hydro Active 透明質酸保濕系列發佈會, 而且, 仲收到大會俾我透明質酸保濕面膜和3重透明質酸保濕精華回家試用. 現在可以同大家分享吓這兩款產品.

3重透明質酸保濕精華可迅速為表層到深層肌膚保濕, 平衡水油分泌, 建立24小時水分屏障, 角鯊稀可滋潤皮膚, 在皮膚表面形成保護膜以抵擋外來致害物和防止水分流失, 預防乾紋出現, 助乾涸萎縮細胞回復水潤飽滿, 也可作化妝底霜, 用後肌膚清爽, 水嫩亮澤.

主要成分:

透明質酸(生物科技培植), 透明質酸(白木耳抽取), 極緻透明質酸, 角鯊稀

適合乾燥缺水, 水油失衡皮膚使用

使用方法

搖勻後噴於面, 頸上直到完全被皮膚吸收, 需要加強護理, 可再塗上面面霜, 使用時避免直接噴於眼部四周.

這款保濕精華是用噴的方式, 所以非常方便.

 

未噴保濕精華前, 水份和細緻度只有1, 而油份有5. 較嚴重的水油不平衡, 噴咗保濕精華, 水份和細緻度即時提升到3, 而油份保持係5, 皮膚飽滿咗, 這樣水油較為平衡.

對於本身混合性肌膚的我, 這款保濕精華有點潤, 較適合秋冬天使用.

透明質酸保濕面膜質地輕薄, 清新, 為肌膚提供即時而持久的保濕效果, 令肌膚迅速水嫩飽滿而潤澤. 有效回復肌膚天然防護功能, 增加肌膚彈性和緊緻度, 減淡乾紋.

主要成分:

透明質酸(生物科技培植), 透明質酸(白木耳抽取), 沙漠植物精華

適合任何需特效保濕護理的肌膚使用

使用方法:

潔面後, 將產品均勻搽於面和頸上, 大約敷5-10分鐘, 輕輕按摩將剩下面膜滲透皮膚或直接用清水洗淨, 最後搽上面霜.

這款面膜的質地是GEL, 搽上面時感覺有點涼涼地, 非常舒服. 敷完後, 即時覺得皮膚滑咗, 充滿彈性和水份. 第二朝起身, 面頰無咁乾, 上妝時, 粉底也較貼服.

未敷面膜前, 水份和細緻度是2, 而油份是5, 而敷完面膜後, 水份和細緻度提升到5, 而油份減到3.

想了解更多有關Phyris的產品, 可以到以下網址

https://www.facebook.com/Phyris.HongKong?sk=info

現場報導 - Phyris 全新Hydro Active 透明質酸保濕系列發佈會

上星期五好開心能夠出席Phyris <汎姿>係旺角帝京酒店舉行全新Hydro Active 透明質酸保濕系列發佈會, 當日大約十二點左右到達會場.

接着, 工作人員安排我地入去就在, 一入到宴會廳, 已經見到四周的怖置好靚和放滿Phyris各系列的產品, 而且每一枱都有一串的氣球, 非常有心思.

發怖會開始前, 每一位朋友也會收到一張遊戲卡, 上面有6條問題, 當答完所有問題就可以交俾工作人員, 佢地會先選出答對朋友, 再在當中抽選3位朋友得到Phyris一係列產品作為禮物.

好啦~ 發怖會正式開始. 首先由Phyris的代表徐先生為我們簡單介紹下Phyris的背景. 跟住, Phyris邀請咗社會醫學專科醫生Dr. Ali Mahommd Bim籨醫學角度講解一下透明質酸的特點, 功效和於皮膚抗衰老範疇所扮演的功能角色.

第2位嘉賓係Phyris of cosmetics education – Mrs. Micheala Schuller 專程由德國來分享有關佢參與產品研發工作的經驗, 也介紹新產品系列中4種高科技透明質酸配方如何全方位為肌膚保濕, 防護和預防早衰.

從三個不同範疇鑽研4種不同透明質酸配方包括:

(1) 即是保濕

配方I：透明質酸 - 生物科技培植(Classic Hyaluronic Acid)

從寄居於植物上sugar bacteria抽取, 再以先進生物培植技術提煉而成. 即時為肌膚保濕並持久鎖水, 有效回復肌膚天然防護功能.

配方II：透明質酸 - 由白木耳抽取(Hyaluron of the Tremella)

Phyris是首個護膚品牌從天然植物 - 源自中國的白木耳抽取天然透明質酸,其水分含量極高, 可迅速滲透並提高肌膚水分含量, 速效修護乾燥缺水而致的各種問題.

(2) 分階段持續釋放水分, 持續保濕

配方III：透明質酸 - 洋蔥式滲透科技(Depot Hyaluronic Acid)

用高科技將活躍成分以類似洋蔥的分層結構排列, 令活躍成分可如洋蔥瓣般逐瓣打開, 分階段釋放水分予表層肌膚, 令肌膚持續得到水分補充, 並能持久鎖水, 有效回復肌膚天然防護功能.

 (3) 從肌膚底層『由下而上』保濕鎖水

配方IV：極緻透明質酸(Filler Hyaluronic Acid)

以先進科技將透明質酸本身帶有的水分全部抽走, 令其份子結構變得極度微細, 可通過各層皮膚中非常狹窄的管道, 直至深入滲透到肌膚底層, 再吸收水分和膨脹, 形成強效鎖水防護層, 由內至外保濕, 有助底層乾涸細胞注入水分以回復水嫩飽滿, 迅速減褪乾紋.

接着, 大會邀請到韓毓霞當主禮嘉賓, 簡單而隆重的送舊迎新儀式.

最後是午膳時間, 大會好細心請酒店寫了一個『白木耳宴』的菜式, 突出Phyris新透明質酸系列中, 首個從天然白木耳抽支透明質酸作為護膚品活躍成分的突破.

 

當日的菜式好豐富和好味道.

最後, 大會仲送咗透明質酸保濕精華和透明質酸保濕面膜俾每位到場的朋友試用, 真係多謝晒Phyris, 稍後再同各位分享.

想了解更多有關Phyris的產品, 可以到以下網址

https://www.facebook.com/Phyris.HongKong?sk=info

服務態度好, 價錢又合理和好味的自助餐 - 香港萬麗海景酒店

我本身都鍾意食自助餐, 所以間唔中就會去食, 今次選擇咗香港萬麗海景酒店, 這是我首次去這間酒店食自助餐.

自助餐在六點半開始至十點, 鍾意佢無分兩輪時間, 可以慢慢食, 再傾吓計. 我到達後, 職員先帶我去就坐, 然後問我飲甚麼, 有橙汁, 百事, 7喜選擇, 我揀咗橙汁, 飲品是任飲.

跟住, 我第一時間出去睇吓D嘢食怎樣, 多唔多選擇呢? 我的視線俾甜品吸引住, 有好多款不同的蛋糕, 三色杏人餅, 七彩的朱古力豆, 曲奇餅, 奶凍, Haagen Dazs雪糕等…

冷盤: 當然唔少得海鮮, 有翡翠螺, 長腳蟹, 生蠔, 龍蝦仔, 龍蝦, 蟹鉗, 蝦, 青口等, 佢地會不停添加, 唔駛咁心急去拎.

另外, 也有幾款芝士配餅乾, 各式麵包, 仲有成12款的前菜任君選擇, 加上不同款式的生果, 一定有一款啱你食.

 

至於熱盤, 除咗湯外, 仲有麵檔, 各式各樣的中式菜, 咖哩…自助餐當然唔少得魚生和壽司, 可惜我唔食魚生, 我朋友話魚生和壽司款式不是太多, 但新鮮和甜, 尤其是和牛壽司, 不可以不食.

也要係度稱讚一下服務員的服務態度, 當我和朋友出去拎嘢食時, 佢地幫我地摺好條餐巾再放係枱面上, 見到我杯熱水飲咗一半, 又會不時為我添加, 笑容仲好好添.

係時候睇吓我地拎咗D乜嘢食先…

前菜方面, 我最愛食生果海鮮沙律, 雜腸, 因為蜜瓜好甜. 由於我最鍾意飲湯, 所以飲咗3款, 包括煙肉大蒜薯仔湯, 海鮮濃湯和花膠冬瓜燉三寶湯, 我最鍾意冬瓜湯好清, 好甜.

另外, 當然唔少得冷盤啦, 每一款都不錯, 由於我唔食生野, 所以無食生蠔, 朋友話生蠔雖然只得一款, 但都算肥味, 唔太重海水味. 而我最愛食長腳蟹和蟹鉗, 長腳蟹較甜, 但肉質就無蟹鉗咁硬身. 所以兩款啱我口味.

熱盤方面, 我就食咗酥皮豬手, 葡汁焗蜆, 由於我唔食生野, 若果能夠有多些芝士焗蠔, 芝士長腳蟹等的其他煮海鮮的品種就更正.

到我最愛的甜品, 我第一時間食咗杏仁餅, 最愛朱古力味, 也食咗曲奇, 我覺得花生醬餅幾特別, 蛋糕我愛梨子焦糖慕絲蛋糕, 出面較少有得食. 焦糖和梨子慕絲好夾. 最後, 當然唔少得雪糕, 有5種味道選擇, 我就食咗曲奇.

 

今次的自助餐好滿意, 而且價錢又唔算太貴, $398加一, 依加有匯豐白金咭仲有8折添.

想知道多一點這間酒店, 可以去以下網址

http://www.marriott.com/hotels/travel/hkghv-renaissance-hong-kong-harbour-view-hotel/

 

初接觸 Skin Revolution O8注氧精華液

眾所周知, 皮膚的膠原蛋白在25歲開始流失, 皮膚會出現唔同的肌膚問題. 今次試用Skin Revolution O8注氧精華液, 先講吓這產品的一些資料.

Skin Revolution O8注氧液蘊含瑞士北部稀有蘋果「Uttwiler Spätlauber」中的幹細胞, 此美肌成分於Incosmetics 2008中獲得BSB最具創新天然活性成分的創新大獎.

經皮膚學家證實1%蘋果幹細胞精華, 能激活80%細胞再生. 幹細胞有效身體修復自身系統, 比骨膠原、透明質酸更有效改善皮膚. 加上蘋果幹細胞組織密度與人體細胞極為近似, 活性成分易被肌底細胞溶和吸收, 擁有極致抗氧化效果.

另外, 蘋果幹細胞精華屬植物精華, 不似動物幹細胞如羊胎素等具激素, 容易刺激肌膚引起過敏, 可激活幹細胞再生, 修復深層受損細胞, 即時刺激幼肌重生. 同時, 針對性追擊皺紋, 發揮顯著的抗皺效果, 強效緊緻臉龐, 提升肌膚緊密度.

採用注射式直入肌底細胞真正吸收

採用PhytoCellTecTM創新細胞培植技術, 把精華液微米分離至0.001毫米份子, 養份極致幼細直接穿透毛孔, 注射式直接輸送至肌底, 精華養份能100%注入皮膚底層(一般護膚品只有10-20%進入皮膚底層), 滲透力比一般護膚品強4.8倍, 令細胞真正吸收.

使用方法

早晚潔面後, 取約1粒珍珠大小的精華, 均勻塗抹及輕柔按摩至完全吸收, 再塗上日間或夜間面霜.

值得注意:

產品開封後, 需冷藏於雪櫃以保持成份新鮮, 讓幹細胞成分保持活躍.

適合有以下肌膚問題人士

Ø         嚴重色斑

Ø         皮膚暗啞

Ø         乾燥乏水

Ø         毛孔粗大

Ø         缺乏彈性

Ø         眼角幼紋

首先, 我覺得針筒式的包裝幾特別, 每次只需按一下, 就能按出精華素, 非常衛生. 由於這款產品開封後要放入雪櫃, 所以搽上面時覺得好舒服, 適合夏天使用.

佢的質地是透明GEL狀, 應該會清爽, 但初次搽上面時, 比我想像中杰身, 有點痴, 幸好搽完後, 被皮膚吸收後, 就沒有痴的感覺.

另外, 係包裝盒上有列明產品到期日子, 咁就可以安心使用.


未試用產品前, 水份和細緻度徘徊係2, 而油份就有5. 搽完精華後, 水份和細緻度提升到5, 而油份就減到去2.

連續使用一星期, 雖然沒有好明顯見到皮膚改善, 但皮膚的保濕度高咗, 減少脫皮的現象, 彈性也相對提升咗.

銷售點：萬寧

售價：$699

容量：12ml

Skin Revolution美肌專線：8108 0800

想了解多些有關佢地的產品, 可以去以下網址

官方網頁：http://www.skinrevolution.jp/

Handybio離子美容器延續篇 - 用咗一個月啦, 暗瘡總算控制住~

時間過得好快呢~不知不覺已經用了這部Handybio離子美容器一個月. 究竟我用成點呢? 我的暗瘡情況有無改善到呢? 即刻去片~

記得我八月的時候, 右下巴附近的地方有好多又大又紅又腫的暗瘡.

我想話我的皮膚真係烏卒卒, 唔怪得成日出暗瘡啦, 一般人可能用好幾次已經無咁烏卒卒, 但我用咗成個月, 每次張棉花都係黑色, 今次真係有排搞………

經過我持續使用一個月, 每星期使用兩次, 情況雖然未有明顯的改善, 不過暗瘡總算控制住, 沒有突然出幾粒, 但也有間中出一兩粒, 這是因為使用咗部美容器, 刺激咗佢, 所以活躍咗.

另外, 本身又紅又大又腫的暗瘡, 已經平咗大部份, 不過D暗瘡印仍然好紅, 希望處理好暗瘡後, 再處理埋D暗瘡印…

由於這部美容器可以導出和導入, 為咗想快D見到效果, 我決定自己買一支淨痘控油精華來做導入.

等我簡單講吓這支精華, 特點是抑制和消減粉刺配方, 舒緩暗瘡炎症, 分解過剩油脂, 具控油功能, 改善黑頭粉刺, 令肌膚清爽潔淨.

使用方法

潔面後, 取適量搽在問題部位. 另外, 每星期2次配合美容器(+)極導入5分鐘.

做完第一次導入後, 當下一次再做導出時, 棉花真係無咁烏卒卒, 由於我有些暗瘡有傷口, 全因為我手多吱它…. 所以會有少許的吉吉地, 但精華好快就被我的皮膚吸收, 所以做一次導入, 要加幾次的精華.

對於這支精華, 初步感覺都唔錯, 希望持續和Deep Clear EX一齊使用, 效果會更快見效, 遲些再同大家分享.