限定IFC窩夫新地 @ 辻利茶舖

上個月知道辻利茶舖在香港開店, 我就好想去試下, 較早前終於趁放工後去試.

難得來一趟, 我就選了限定IFC窩夫新地, 雪糕口味可以自選抹茶, 牛奶或扭紋, 我就選了扭紋.

雪糕幾滑身, 若奶味再濃一點更好味. 而抺茶味幾濃, 但又不覺得苦.

配料有白玉, 卷蛋糕, 抹茶啫喱和紅豆蓉.

當中最愛白玉, 白玉夠煙韌. 卷蛋糕的忌廉再多一點就更好.

紅豆蓉甜度適中, 而且質感不錯.

日式涮涮鍋 @ 牛氣

踏入秋冬天, 我就鍾意去食涮涮鍋, 給我一種暖笠笠的感覺, 早前趁天氣稍涼一點, 便去了位於尖沙咀的牛氣食放題.

踏入秋冬季節, 我就最鍾意去食火鍋, 早前便去了位於尖沙咀的牛氣食日式涮涮鍋.

這裡是任食放題, 時間為九十分鐘. 一共有五款不同的牛可以選擇, 價錢由$178至$378. 而有八款湯底選擇, 當中有兩款要另加錢$10.

最後, 我地選了極上美國牛小排與海鮮, 這個是$288, 而湯底就選了期間限定的山葵湯底, 從未試過, 所以加了$28試下.

店員會在客人面前磨新鮮的山葵, 磨的時候已聞到好香, 然後加入湯裡. 期間有需要再加山葵, 可以同店員講.

極上美國牛小排與海鮮套餐包括挪威三文魚刺身, 極上美國牛小排, 極上美國牛肩肉, 特級美國豚腩肉, 精選巴西雞腿肉, 大海蝦, 紐西蘭青口, 日本魷魚, 加拿大翡翠螺.

挪威三文魚刺身夠厚身, 又肥美, 友人話夠新鮮, 口感佳.

由於我唔食生嘢, 所以主攻我最愛的牛肉.

極上美國牛小排色澤好靚, 脂肪分怖平均, 切得又夠薄身.

由於我要食全熟, 滾的時間較長, 但肉質仍然保持腍身, 完全不覺得硬和乾身, 牛肉味頗重.

靚的牛肉, 只需要簡單整熟, 不用點任何醬料已經好味道.

加上牛肉配上山葵湯底, 更加能突出牛的鮮美, 湯底真是無選錯.

接着, 就要食海鮮.

每款都好新鮮. 當中我特別鍾意食蝦和翡翠螺.

蝦夠大隻, 肉質彈牙和爽口.

翡翠螺好易整出來, 口感不錯.

由於我主力食牛, 所以只試了少許豚腩肉和雞腿肉.

兩者味道也不錯, 但對於愛食牛的我, 也是先選擇牛.

出面有不同蔬菜, 丸類, 飲品, 熟食俾客人選擇.

 

一口氣食了多款肉, 我也食了一些蔬菜和丸類.

最驚喜是有棉花糖食, 食埋就完滿.

 

美祿恐龍雪糕新地 @ Home's Favourite

自從在炮台山返工後, 發現附近不停有新的食店開張, 對於愛食的我, 真是非常方便. 早前知道天后開了一間主打新加城手造曲奇叫Home's Favourite, 放工後會行去試下.

店內曲奇口味一共有十多款, 真是令人好難選擇, 除了售賣曲奇, 仲有雪糕和咖啡, 而且可以加錢換曲奇.

我先點了美祿恐龍雪糕新地.

牛奶雪糕相當幼滑, 最重要是奶味夠重, 啱晒我的口味.

雪糕面灑滿了美祿粉, 並放了一塊香草咖啡曲奇.

曲奇夠香脆, 入口時有好香的咖啡味道.

這令我好想飲咖啡.

我點了熱玫瑰花泡沫咖啡.

咖啡面放了玫瑰花瓣作為點綴, 泡沫幾滑.

咖啡味好濃郁, 但又易入口.

最後, 我也忍不住買了其中一款口味返屋企, 就是新加坡喇沙.

本身唔食得辣, 所以甚少食喇沙, 但這個辣度只是微微, 我可以接受.

而且我從未試過這樣特別的曲奇口味.

曲奇用真空包裝, 保持新鮮.

曲奇夠鬆脆, 入口時充滿喇沙的味道, 令人食不停口.

細細件, 一啖一口, 好方便.

九龍城覓食記 @ 牛石料理

一提起九龍城美食, 好自然會想起泰國菜, 但原來除了泰國菜, 現在開了好多不同種類的食店, 早前便在友人的介紹下去了牛石料理食飯.

來這裡, 當然要試下牛.

我地點了牛石精選盛盒.

一共有八款不同款式, 包括日本佐賀和牛, 澳洲霜降和牛, 澳洲霜降和牛牛舌, 美國頂級牛小排, 美國頂級牛仔骨, 鹿兒島咲雞, 熊本產白豚和熊本產豚腩.

店員並除上三款醬汁.

我地第一時間燒牛.

牛舌偏向厚身一點, 幾有彈性.

牛小排帶有少許咬口.

澳洲霜降和牛肉質幾腍身.

佐賀和牛脂肪分怖較多, 入口較澳洲霜降和牛鬆軟, 但不會感覺好油膩.

這幾款牛對於我來講較為淡口, 相對下, 我自己就鍾意點醬汁一齊食, 更能帶出牛的味道.

另外, 雞肉夠嫩滑, 雞味不錯, 這個有點喜出望外.

對於我來講, 熊本產豚腩較為肥.

我地也點了兩款串燒試下.

雞翼串.

燒得外層夠香脆, 初時見到以為好乾身, 但估不到內裡的雞肉保持嫩滑, 外脆內嫩, 燒得好味道.

雞腎串.

雞腎完全不覺得乾和硬, 入口時仍有少許爽身, 師傳控制時間和火喉技巧相當不錯.

最後, 還送上啫喱, 清新的味道, 感覺舒服.

這裡還有刺身和壽司, 但由於我唔食生嘢, 所以無食.

掃走灰甲 - MYCOSAN 美甲生

原來平日在公眾浴室或泳池中走動, 共用毛巾或指甲鉗, 也會有機會受到真菌感染, 所謂灰甲, 而且會傳染到其他指甲或其他人, 唔可以輕視, 早前便試了Mycosan美甲生.

Mycosan美甲生

功效:

²  Flextip掃頭全面接觸患處, 迅速滲透甲床, 抑制真菌生存和繁殖.

²  臨床證實100%殺滅灰甲真菌, 兩星期見效, 能改善甲床結構, 修復和還原指甲自然健康狀態.

²  建立保護屏障, 避免感染擴散到其他指甲, 一分鐘乾透, 無須銼甲.

²  不含漂白劑或醋酸成分, 安全可靠.

掃頭設計, 使用時更方便.

直接搽在患處, 好快便乾透.

而且在盒內附有治療時間表和速度監察樣板, 方便用來記低使用後的進展和日子.

盒底有到期日子, 用得放心.

產品在萬寧獨家發售.

產品和資料由品牌提供.

想知道更多品牌的最新消息和資料, 可以登入以下網址:

https://www.facebook.com/Mycosan-%E7%BE%8E%E7%94%B2%E7%94%9F-1148957751814447/