飯聚 @ Casa Pennington

早前與一排無見的朋友食飯, 當然要揾個地方, 一邊食一邊慢慢傾, 最後我地選了位於銅鑼灣的Casa Pennington食飯.

愛食生蠔的友人, 見到每日有指定的生蠔買一送一, 當然忍唔住要點來食.

佢地點了三款生蠔, 包括American Pacific, Mermaid 和Ostra Regal.

雖然我唔食生蠔, 但見到生蠔夠飽滿和肥美, 加上友人的表情已話我滿意今次這幾款生蠔.

我唔食生蠔, 仲有好多菜式選擇.

我地點了New Zealand Clam, Oyster Risotto 和 Australian Barramundi Fillet.

New Zealand Clam.

愛食海鮮的我, 見到有蜆的款式, 當然想一試.

隻蜆好大隻, 肉質尚算嫩滑, 口感不俗.

Oyster Risotto.

上枱時香味撲鼻.

意大利飯的質感軟硬適中, 啱我口味.

飯吸收晒蠔的精華, 入口有淡淡蠔的味道, 食完也沒有油膩感覺.

Australian Barramundi Fillet.

賣相精緻.

魚煮的時間控制不錯, 所以保持魚肉的嫩滑, 也唔會覺得太乾身或者硬.

甜品當然不少得, 選了Tiramisu.

我自己就好鍾意食忌廉, 夠幼滑. 甜度也適中.

這一餐在愉快的氣氛下結束.

燴波士頓龍蝦意粉 @ Oyster Cove

較早前與好友去了位於尖沙咀的Oyster Cove食晚飯.

一睇個店名, 就知道這裡是食生蠔的地方, 有多款不同地方的生蠔選擇, 最後好友選了其中四款淺嚐.

生蠔上枱, 已見到生蠔幾有色澤, 又飽滿, 連不食生嘢的我也覺得吸引.

同我一樣不食生蠔的朋友不用擔心, 也有不少菜式可以選擇.

我地選了龍蝦忌廉炒蛋, 燴波士頓龍蝦意粉和焗西班牙黑毛豬扒.

龍蝦忌廉炒蛋.

除了炒蛋外, 仲有蒜蓉包和沙律.

炒蛋裡混入一些龍蝦肉, 肉質夠彈牙.

調味適中, 即使單食也可以, 炒蛋若滑身一點更好味.

蒜蓉包外層帶脆身, 內裡鬆軟.

燴波士頓龍蝦意粉.

上枱時已香味撲鼻.

意粉有細份或是標準, 我這個是細份, 足夠兩個人食.

龍蝦的份量也有不少, 肉質相當鮮美, 又夠爽口和彈牙, 啖啖肉食得夠方便.

意粉是扁意粉, 醬汁掛在意粉上, 加上吸引晒龍蝦的精華, 相當好味道, 來這裡必點這個.

焗西班牙黑毛豬扒.

豬扒夠瘦, 肉質尚算嫩身.

對於我來講, 味道稍為淡了一點.

而豬扒下放滿了蔬菜.

蔬菜夠新鮮爽脆, 仲起中和作用.

最後, 飲番一杯熱的伯爵茶, 消化一下.