原味無添加原盅燉湯@ 蒸廬

較早前在友人介紹下, 才知道石門開了各式各樣食店，之前趁放假去了蒸廬嘆一盅兩件。

這間食店唔係好大, 所以座位也不太多.

見到茶有一款係十年新會柑普茶, 幾特別, 便點了一壺試下.

入口有淡淡的柑的清香味, 令人感覺舒服.

我地點了一個全日套餐, 主食點了雙菇雞粒籠仔飯, 燉湯點了栗子蟲草花花膠燉雞湯, 再加錢配多兩粒蝦餃.

另外, 點了幾款即叫即蒸的點心, 包括蟹籽燒賣皇, 鮮蝦豆苗餃, 客家蘿白絲湯包.

店員先奉上原盅燉湯, 賣點為原味無添加.

我自己鍾意飲湯, 這個啱晒我.

非常足料, 由於係原味無添加, 味道相對較淡, 有需要可以加入少許鹽調一調味.

我自己無加鹽, 估不到個湯幾大碗, 飲完也不覺得口渴, 而且配料也不要錯過.

鮮蝦豆苗餃.

賣相精緻.

蝦肉幾彈牙, 菜又多, 兩者好夾.

蟹籽燒賣皇.

饀料唔會太多肥肉, 偏外瘦一點, 無咁油膩, 多了蟹籽, 入口帶點卜卜聲, 雙重口感.

雙菇雞粒籠仔飯.

份量足夠兩個人食.

鼓油係另外上枱, 客人可以因應自己喜好加入飯中.

飯面加上菜粒, 與雞粒一齊食, 多一份口感, 雞肉也不會太硬身.

蝦餃.

皮的厚薄尚算適中, 蝦肉的比例也不錯, 唔會太少饀.

客家蘿白絲湯包.

平日飲茶無見過, 所以點來試下.

個湯相當清甜.

皮是糯米整成, 饀料也豐富, 加入蘿白, 特別爽口.

 

飲茶 @ 紫荊閣

忙完一個星期, 到了假日, 其中一個節目就是飲茶, 可以一邊傾計, 一邊嘆茶食點心, 較早前去了位於逸酒店的紫荊閣飲茶.

飲茶對於我來講, 重點是食點心, 這裡的點心款式不算好多, 但除了平日飲茶必有的蝦鮫, 燒賣和牛肉外, 也有一些特別款式.

我點了水晶鮮蝦餃, 山竹牛肉球, 四寶滑雞扎和三星帶子餃.

水晶鮮蝦餃.

蝦蛟皮厚薄適中.

一咬開已經見到好多蝦肉, 名符其實的蝦餃, 可以話啖啖肉.

蝦肉幾彈牙, 味道調教不錯.

山竹牛肉球.

牛肉球質感不會太實, 入口帶微微鬆軟, 口感不錯.

四寶滑雞扎.

除了有雞柳外, 仲有冬菇和魚肚.

雞柳幾嫩滑, 而我最愛食當然是魚肚, 魚肚吸收晒精華, 又夠滑身, 所以特別好味.

三星帶子餃.

這個賣相幾靚.

餃面有三粒不同顏色的青椒粒, 黃椒粒和紅蘿白粒做裝飾.

一咬開, 內裡除了帶子粒外, 估不到仲有蝦肉粒, 雙重口感, 又特別鮮美.

不是Hello Kitty迷的我也被吸引來 @ Hello Kitty 中菜軒

說真我自己不是一個Hello Kitty迷, 但在面書上見到朋友放上整成Hello Kitty樣的點心, 覺得幾得意, 加上友人想去, 我地就去一趟這間位於佐敦開了一間Hello Kitty 中菜軒.

一踏入店內, 不論茶具, 枱椅, 裝飾或是燈, 整間店也與Hello Kitty有關.

當中我自己最鍾意吊燈.

我急不及待點嘢食. 我自己最鍾意就係食點心.

一口氣點了流沙包, 馬拉糕, 蝦餃皇和义燒酥.

點心陸陸續續上枱.

每一款都是整成Hello Kitty的樣, 連不是Hello Kitty Fans的我, 見到也好開心, 整得好似. 唔捨得食添.

賣相就好吸引, 但味道如何? 等我先逐一試下.

流沙包.

每次飲茶, 這是我必點的點心之一.

包皮都幾鬆軟, 不會太厚, 內裡的奶皇算是半溶心, 若溶心多一點更好. 味道幾香滑, 甜度適中.

馬拉糕.

整得幾精緻, 軟硬度適中.

食咗兩款甜食, 試番兩款咸食.

蝦餃皇.

這個蝦餃皇也算是皮薄餡靚, 餡全是蝦, 沒有豬肉, 所以入口特別爽口和鮮味, 口感也較好.

义燒酥.

酥皮幾鬆脆, 內裡的餡幾甘香.

食完點心, 也要試下佢地的小菜.

我地點了黃金碧綠炒帶子和蟲草花龍躉蒸豆腐.

黃金碧綠炒帶子.

甜豆炒完後, 顏色仍保持翠綠, 入口夠爽脆.

而帶子色澤雪白, 入口唔會覺得太硬和乾身.

蟲草花龍躉蒸豆腐.

這個菜式就清淡一點, 可以清一清喉嚨.

龍躉的肉質算幾嫩滑, 啖啖肉, 啱晒我這些怕魚骨的人食.

而豆腐夠滑身, 吸收晒魚的精華, 所以夠鮮甜.

最後, 當然是甜品時間.

我點了鮮果牛奶燉蛋白.

對於整晚的菜式, 不論在賣相和食物質素都算幾滿意, 但估唔到甜品就飲我失望.

這個燉蛋白口感和我想像中有點落差.

蛋白是唔夠滑身, 有點老身, 相信是時間過長.

睇來這店在甜品這方面, 有頗大的改善空間.