北海道香煎帶子青番茄意大利麵 @ Texas Burger

早前相約友人去了位於旺角的Texas Burger食飯.

一睇這間店名, 就知道主打食漢堡包.

友人就點了漢堡包餐.

我見到有意大利麵, 我反而想試一試.

最後, 我點了北海道香煎帶子青番茄意大利麵.

飲品點了軟雪糕奶昔 - 雜莓奶昔.

奶昔賣相相當精緻.

質感夠滑身, 入口有濃濃的雜莓味道.

感覺有點似溶咗的雪糕, 甜度適中, 非常好飲.

意大利麵上枱.

帶子夠大隻, 整的時間剛好, 唔會太乾或者硬身.

麵質軟硬度適中, 啱我口味.

來這裡除了漢堡包外, 意大利麵也可以一試.

未來素食漢堡 @ Texas Burger

平日返工多數帶返的我, 偶然也會出街食,, 今次去了公司附近的Texas Burger食嘢.

來這裡當然係漢堡包, 剛巧見到餐牌介紹一款新推出的包, 叫未來素食漢堡, 見到個名咁特別.

細問下, 原來漢堡以植物原料製成的漢堡扒, 主要成份為豌豆蛋白, 特別加入紅菜頭汁和椰子油, 不論口感或是味道均媲美真牛肉.

所以我決定試下.

另外, 也點了一個粟米湯.

個湯夠熱, 這是最基本. 質地偏向杰身, 而且有不少粟米, 啱我口味.

未來素食漢堡上枱.

個包仲有芝士, 蕃茄和生菜做配料.

如果唔講塊漢堡以植物原料製成, 不論外表或是口感和真牛肉基本上無分別.

味道相對不錯, 而且又夠健康, 最適量注意健康的朋友食.

最後, 就點了青檸芝士蛋糕配雪糕.

個芝士蛋糕入口有清香的青檸味道, 感覺清新, 可以起中和作用.

而蛋糕甜度也適中.

素食的朋友也可以來這裡試下素食漢堡包.

美味漢堡 @ Texas Burger

近年越來越多人來天后一帶覓食, 所以這裡的食店也越開越多, 選擇的種類也多了, 早前便去了位於天后的Texas Burger食lunch.

這裡的lunch set有五款, 最後我選了最愛的Beef Burger, 客人可以因應自己喜愛選擇配沙律或薯條, 我自己揀了薯條.

另外, 午餐奉送飲品, 湯加$12, 甜品加$18.

知道今日的餐湯是忌廉菠菜湯, 所以加錢要埋.

首先, 店員先奉上餐湯.

對於我來講, 最基本個湯要夠熱, 這個就合格啦.

個湯好滑身, 菠菜味道幾濃郁.

而且個湯質感適中, 不會太稀, 味道調教不錯.

接着, 漢堡包上枱.

上枱已經香味四濺.

份量都幾大, 牛肉有成六安士, 還有其他配料, 包括蛋, 咸肉, 芝士和生菜, 材料相當豐富.

牛肉肉汁尚算不錯, 不會太乾身, 而且牛肉味道幾重.

加上配有其他材料一齊食, 多重口感.

除了漢堡包外, 薯條當然不能忽略.

我自己愛食粗身薯條, 因為薯味相對較濃郁.

而且薯條仍然是熱辣辣, 外脆內嫩, 特別好味.

食完這個漢堡包套餐已經好飽, 飲品點了熱檸茶幫助消化.

見到隔離枱的意粉賣相幾吸引, 下次有機會要試下.