悠閒晚餐 @ Luxury

二月頭放完新年假期, 係雞年的首個返工日, 去了尖沙咀Luxury食晚餐.

這裡的怖置以簡約為主.

坐下後, 店員先奉上日式刺身拼盤一碟, 這是惠顧晚餐送的, 但由於我唔食生嘢, 唔想浪費, 所以沒有要, 友人話幾新鮮.

再來是送上餐包, 一共有四款咁多.

每一款包也好好味, 外層夠脆身, 內裡幾鬆軟.

Starter : 我選了廣島蠔三焗, 分別是荷蘭汁菠菜, 脆煙肉芝士和芝士磨菇.

本身鍾意食蠔, 能夠一口氣試齊三款口味, 這是最好不過.

荷蘭汁菠菜.

脆煙肉芝士.

芝士磨菇.

蠔幾肥美, 熱辣辣食係最好味, 三款配搭也不錯, 我自己最鍾意荷蘭汁菠菜.

Soup: 阿拉斯加蟹肉蕃茄湯.

對於我來講, 湯最基本要夠熱. 這裡的湯就夠熱.

蕃茄湯帶點酸酸地, 幾醒胃, 而當中鮮甜的蟹肉, 非常好飲.

First main : 芝士焗黑松露野菌什菜千層.

上枱已香味撲鼻.

細細碟, 份量剛剛好.

麵裡有各式各樣的蔬菜, 色彩繽紛, 又夠健康, 加上黑松露香味, 提升食慾.

Main : 香焗鮮龍蝦伴芝士XO醬.

主對出場.

愛食海鮮的我, 見到有龍蝦, 第一時間就點了.

龍蝦不算好大隻, 色澤雪白, 肉質又夠彈牙.

再配上芝士XO醬, 更能突出龍蝦的味道.

配料也是不能錯過, 可以起中和作用.

到了甜品時間.

Dessert : 綠茶拿破崙.

拿破崙夠脆薄, 而且中間夾着香濃帶微甘的綠茶忌廉, 兩者好夾.

再配上凍凍的雲呢拿雪糕, 雙重口感.

在這店內悠閒地享受豐富而美味的一餐, 真是令人心情變得愉快.

私房菜 @ Luxury

好友生日, 朋友提議去食好一點, 佢帶我地去了位於尖沙咀一間較隱蔽的食店食私房菜, 這間叫Luxury.

唔係朋友帶路, 我相信我未必敢入到, 因為門口只有門牌, 完全沒有餐廳名, 真係私隱度甚高.

唔講唔知, 來這裡食飯, 要預先訂位, 菜式也要提早一兩日定好, 以便餐廳預備所需的食材數量.

坐下後, 店員先奉上自家制的麵包, 當中包括墨汁洋蒽, 芝士, 芝麻和香草四款口味.

麵包幾脆身, 口感不錯, 我覺得墨汁洋蒽幾特別, 這是我首次食.

套餐的價錢由$350 - $450, 以客人選擇四道菜或五道菜而有所不同.

難得來這裡, 我選了五道菜.

頭盤是日本廣島蠔三焗.

上枱已經香味撲鼻.

我本身好鍾意食焗蠔, 三款口味有磨菇, 煙肉和菠菜. 由最淡味食到最濃味.

蠔味尚算濃, 雖然不是好大隻, 但勝在夠肉汁, 唔會乾.

蠔上加了不同口味的配料, 口感變得不一樣.

三款也好味, 估唔到配菠菜都幾夾.

湯是蕃茄蟹肉忌廉湯.

個湯夠熱, 啱晒我.

湯夠鮮甜, 蟹肉味幾濃郁, 而混入蕃茄, 入口時帶少許酸酸, 特別醒胃, 蟹肉夠彈牙.

再來是北海道帶子龍蝦汁意大利飯.

飯的軟硬度適中, 飯被龍蝦汁煨了後, 入口時帶微微的黏黏地, 我鍾意這個質感,特別好味.

而帶子夠大隻, 又夠新鮮, 啖啖肉啱晒我.

由於食了意大利飯,  主菜我點了魚, 中和一下.

主菜是香煎阿特蘭大鱈魚，珍珠菜蔬配咖哩椰菜花汁.

大鱈魚魚肉夠嫩滑, 肉質又夠雪白, 大廚控制的時間剛剛好, 這個好考大廚的技巧.

我覺得咖喱椰菜花汁幾特別, 同個魚幾夾.

最後就是甜品, 我是綠茶森林, 當中包括綠茶奶凍和搽茶雪糕.

賣相精緻.

雪糕的抹茶味道幾濃郁, 對於抹茶控的朋友, 我相信會鍾意.

奶凍幾香和滑身. 我自己不是抹茶控, 味道調教也不錯, 可以起中和作用.