假日午餐 @ Espuma

平日工作忙碌, 一到星期六日, 當然要悠閒地過, 早前便去了位於中環的Espuma食飯.

坐下後, 我先點飲品, 我選了熱的薄荷朱古力咖啡.

入口有淡淡的薄荷味道, 好啱唔飲得太濃咖啡的我, 甜度又適中.

友人則點了這裡的招牌水果茶.

茶底不錯, 又有各式各樣的水果, 好啱夏天飲用.

主菜點了煙燻烤安格斯肉眼牛扒和自家製炸蟹鉗墨魚汁會飯.

自家製炸蟹鉗墨魚汁會飯.

上枱時已被賣相所吸引.

蟹鉗炸到金黃色, 外層好脆身, 炸粉不會過於厚身, 入口時又不會覺得好油膩.

而蟹鉗肉質尚算嫩滑, 時間控制適中, 味道調教不錯.

飯的軟硬度適中, 對於鍾情意大利飯的我, 這個口感好適合我.

煙燻烤安格斯肉眼牛扒.

這是以一個盒上枱.

來到客人面前才打開, 由於店員開得太快, 未能影得切打開一幕.

一打開, 盒內放出煙, 四周的食客也被吸引住, 聞到幾強烈的煙燻味道.

牛扒的份量也相當大.

旁邊伴有蔬菜.

牛扒肉質尚算嫩滑, 牛肉味道幾濃郁.

烤過的蔬菜也幾鮮甜, 起中和作用.

 

抵食二人晚餐 @ Espuma

早前在尖沙咀行完街後, 就在附近揾地方食晚飯, 厚福街食店林立, 最後我地選了Espuma食飯.

見到有新推出的二人晚餐, 當中包括小食拼盤, 湯, 主菜, 甜品和飲品, 價錢也只是$468, 若想轉為海鮮西班牙炒飯加$38, 轉特飲加$15, 我地豪不猶疑就選擇這個.

小食拼盤包括西班牙黑毛豬火腿, 焦糖單骨雞翼和西班牙黑毛豬火腿薯蓉.

火腿帶咸香, 配埋蔬菜一齊食, 起中和作用.

雞翼外層幾脆身, 入口多一份焦糖味道, 單骨雞翼, 進食方便.

薯蓉整成一個波, 一口一啖, 味道調教不錯.

湯有雜菌湯和南瓜忌廉湯選擇, 我選了前者.

個湯幾杰身, 濃濃的雜菌味道, 非常美味.

主菜有温泉蛋卡邦尼意大利麵, 黑松露醬炒鮮雜菌寬條麵, 西班牙黑毛豬薄餅和羅勒野菌薄餅, 四選二, 我選了第二和第三款.

黑松露醬炒鮮雜菌寬條麵.

上枱己聞到好香的黑松露醬味道.

我自己較鍾意食寬條麵, 因為口感較佳, 麵質軟硬適中.

再配上黑松露醬和雜菌, 簡單的材料, 味道卻不錯.

西班牙黑毛豬薄餅.

賣相吸引.

薄餅是薄底, 薄餅面全是黑毛豬, 味道適中, 不會過咸, 啱我口味.

飲品點了熱咖啡.

甜品可以選擇每日精選甜品或窩夫. 我選了後者.

上枱時已被窩夫賣相所吸引.

一邊是心型窩夫, 另一邊是雪糕.

窩夫面是Oreo布朗尼, 朱古力味幾濃郁, 而窩夫外層微微脆, 內裡鬆軟.

另一邊是甜筒, 並配有雪芭, 旁邊有一些配料, 如棉花糖, 醬, 朱古力碎, 客人可以因應自己鍾意而DIY.

悠閒半天 @ Espuma Afternoon Tea Set

難得放假, 最好就是相約好友嘆番一個High Tea, 輕輕鬆鬆渡過一個愉快下午. 較早前得悉Espuma推出了下午茶, 我地便去試下.

這個下午茶價錢是$228兩位, 另收加一服務.

下午茶包每人一杯飲品, 額外加$15, 可以改為特色飲品.

Tea Set上枱拉~

賣相都幾靚.

雞尾酒蝦沙律.

蝦幾爽口, 而個醬汁帶點酸酸, 幾醒胃.

野菌酥盒.

酥皮幾鬆化, 同野菌好夾.

鮮果蛋沙律.

這個無甚麼特別, 味道正常可以.

綠茶布丁.

入口有淡淡的綠茶味, 而質感夠幼滑.

紫薯泡芙.

近排紫薯真係大熱, 不少甜品也推出紫薯款式. 幾特別, 但我自己較鍾意忌廉泡芙.

君度忌廉紅莓朱古力脆餅.

紅莓帶點酸酸地, 幾醒胃, 好適合依加天氣食.

歌劇院蛋糕.

提子鬆餅配奶油忌廉和果醬.

鬆餅尚算夠鬆.

我自己鍾意配奶油一齊食.

最後飲品點了熱檸檬水, 清一清喉嚨, 可以起中和作用.