海鮮鐵板餐 @ Bovini Steakhouse & Bar

一排無去大坑食飯, 早前便去了Bovini Steakhouse & Bar食飯.

見到新推出的鐵板餐餐牌，當中包括湯, 主菜和甜品, 主菜六選一, 配菜四選一, 甜品二選一, 價錢由$498- $698. 我便決定試下.

店員先奉上餐包.

這是法國包, 好脆身, 非常好味.

接着係湯 - New England Clam Chowder.

賣相相當精緻, 以包裝着湯.

湯面上放了一隻大蜆.

隻蜆夠鮮甜.

對於我來講, 湯最基本要夠熱, 湯的稀杰度非常啱我口味.

最後, 也要食部份包, 非常脆身, 加上牛油就更正.

主菜出場.

鍾意食海鮮的我, 選了Mixed Seafood Pan Grill (Lobster, Fish, Scallop).

以鐵板上枱.

扇貝好大隻, 平日甚少食到.

肉質幾爽身, 唔會太乾身.

龍蝦用义幾易起出來, 肉質夠彈牙, 仲要啖啖肉.

最後就係魚.

魚肉夠雪白.

配菜選了Salted Mushroom.

食了幾款肉, 蘑菇可以中和一下.

最後就係甜品, Strawberry Cheesecake Sundae.

芝士蛋糕的質感幾幼滑, 入口有幾濃的芝士味, 但又不會令人感覺太肥膩.

這一餐相當豐富.

家常便飯 @ 金記冰室

平日間中做facial前也會去金記冰室食飯, 但自從不在港島區返工後, 就少咗去, 直到知道金記冰室係黃大仙開咗分店, 九龍區終於有, 我就放工後約了友人去了.

出地鐡站後, 一踏入商場便見到, 非常方便.

坐下後, 我先點了一個鮮牛肉雞蛋三文治.

平日多數食咸牛肉, 較少見到鮮牛肉, 怎樣也要試下.

牛肉幾大塊, 而且肉質夠嫩滑, 完全不覺得乾和硬, 與蛋好夾, 味道調教不錯.

見到附近的食客點了一個香噴噴的鐵板餐, 我地也被吸引住.

最後, 我地決定點鐵板美式雜扒配白飯.

也可以選擇配意粉.

醬汁可以選洋蒽汁, 黑椒汁和照燒汁, 最後揀了黑椒汁.

美式雜扒上枱.

份量都幾多, 當中有煙肉、腸仔、牛扒、豬扒、雞扒.

店員會在客人面前淋上醬汁.

淋上黑椒汁後, 香味撲鼻.

三款扒的肉質也算稔身, 當中我自己最鍾意食雞扒.

再配上黑椒汁, 特別惹味和醒胃.

另外, 跟餐加錢配了金記特飲 – 熱生薑鮮檸茶.

食完咁多肉類, 要飲番一杯含有檸檬的飲品中和一下.

入口除了有薑味外, 檸檬味十足, 幫助消化.