午餐 @ Pati by Lassana

新年前當然要買新衫, 早前就去了荔枝角的香工走一趟, 睇下買不買到抵嘢, shopping 前, 先去附近的foodcourt食飯.

入到去, 我就選定了Pati by Lassana, 因為我見到佢地的套餐都幾抵食.

套餐可以在主菜、配菜和沙律中各選一款, 連飲品.

主菜可以在以下的三文治或主菜六款中挑選一款.

最後我選了炸蟹餅.

配菜有以下幾款.

我選了炒雜菌.

而沙律以下幾款中, 我選了凱撒沙律.

飲品我點了熱薑檸茶.

我第一時間試了炸蟹餅.

蟹餅外層幾薄和脆身.

內裡充滿蟹肉, 食的時候, 口感夠豐富.

而且我好鍾意淋在蟹餅上的醬汁, 與蟹餅非常夾.

而炒雜菌調教味道不錯, 唔會過咸.

我估唔到份量不少.

最後是凱撒沙律.

蔬菜夠爽脆, 也算新鮮, 食了蟹餅後, 食番這個沙律, 可以起中和作用.

食完後, 買了我最愛的焦糖芝士蛋糕番屋企食.

這個蛋糕我之前已經食過, 覺得好好味, 再買來食.

蛋糕面是薄薄的焦糖, 但略為少咗些. 食的時候, 焦糖味不太足夠, 再多一點更合我心意.

中間是芝士蛋糕, 芝士相當香濃, 而且蛋糕質感好滑身. 

雖然是芝士蛋糕, 但食的時候不會覺得太過肥膩,

而最底層的餅底帶點硬身, 和中間的芝士是兩個不同的質感.

這次食和上次一樣咁好味, 水準仍然保持到.

焦糖芝士蛋糕 @ Pati by Lassana

認識我的朋友也知道我鍾意食蛋糕. 早前便收到朋友送俾我的Pati by Lassana焦糖芝士蛋糕.

焦糖和芝士也是我鍾意的其中兩個元素, 佢真是知道我的心意.

這個蛋糕是用木盒承載着, 與其他的餅店傳統用紙盒感覺完全不同.

一打開後, 見到蛋糕面上的焦糖.

蛋糕不算好大個, 但足夠兩三個朋友食.

蛋糕好易切開, 切的時候, 已感覺蛋糕好軟身.

蛋糕面是薄薄的焦糖, 味道不錯, 但略為少咗些. 所以食的時候, 焦糖味不太足夠, 若焦糖厚身一點更好味.

中間是芝士蛋糕, 芝士味夠香濃, 而且蛋糕質感好滑身, 入口軟棉棉, 差不多有入口即溶的感覺.

雖然是芝士蛋糕, 但出奇地完全不覺得肥膩, 反而令我食完一啖又想繼續食, 不知不覺越食越多, 停不到口.

而最底層的餅底帶點硬身, 和軟身的芝士是兩個不同的口感.

蛋糕配上一杯熱朱古力或咖啡, 真是最佳拍檔. 

三重口感的焦糖芝士蛋糕 @ Spade by Lassana

朋友知道我愛食蛋糕甜品, 知道有野推出, 也會話我知. 知道 Spade by Lassana推出咗我喜愛的口味之一 焦糖芝士蛋糕, 早前終於找到時間去.

蛋糕是用木盒盛載着.

一打開, 已見到蛋糕面是焦糖.

愛食芝士的我, 當然第一時間切開蛋糕.

蛋糕可以分為三部份, 蛋糕面是焦糖, 因我食前先從雪櫃拎出來, 所以夠脆, 甜度適中, 好香的焦糖味.

中間芝士夠軟滑, 芝士味幾香濃, 又不會太過膩, 口感不錯.

最底層的餅底帶點脆, 同軟滑的芝士, 帶來雙重口感.

就咁食蛋糕覺得悶咗一點, 配一杯香濃咖啡, 也是不錯的選擇.

整體來講, 這個蛋糕不論口感或是味道也好啱我口味. 若果蛋糕有大一個SIZE選擇就更好.