田園火雞肉三文治甜點套餐 @ 圓方京林屋

唔講唔知, 原來圓方也有京林屋, 這樣不用去港島區也可以食, 所以早前趁有時間便去了嘢.

這裡同港島區的店有點不同, 以外賣為主, 但也有提供座位俾客人坐低食.

這裡有些款式係圓方店限定, 所以我就點了田園火雞肉三文治甜點套餐和草莓金粟窩夫.

田園火雞肉三文治甜點套餐.

估唔到京林屋也有三文治食, 由於即叫即整, 大約需要十五分鐘左右.

上枱時香味撲鼻.

這個套餐好豐富, 除了三文治外, 仲有沙律和甜品.

由於即叫即整, 麵包夠鬆脆.

火雞肉健康又好味, 加上各款配料, 如牛油果, 蕃茄, 生菜, 芝士等, 口感十足.

沙律菜夠新鮮爽脆.

套餐的甜品同樣吸引.

白玉夠煙韌, 紅豆夠大粒, 甜度適中.

對於鍾意食甜品的我, 細細一杯唔夠喉, 所以再點了一個草莓金粟窩夫.

賣相相當精緻.

抹茶軟雪糕夠幼滑, 入口有香濃的抹茶味道.

中間仲有一粒大粟米.

而且仲有啫喱, 紅豆, 白玉等, 材料豐富.

夏天天氣炎熱, 食番一杯甜點, 心情也特別開懷.

晚餐 @ 京林屋

我自己鍾意去京林屋食嘢, 相隔一些日子便會去, 早前趁上完堂後, 係銅鑼灣食嘢.

我先點了京式鰻魚飯.

鰻魚相當肥美.

我本身食得較濃味, 雖然飯已經混入了醬汁, 但我想再多汁一點, 所以叫了店員另外俾醬汁我. 即時美味提升.

另外, 我點了玉露.

店員先奉上教飲茶的程序俾我, 跟着做便可以.

入口茶味幾濃郁, 令人感覺舒服.

這個玉露最特別之處, 係飲完後, 連茶葉也可以食.

只需要加入柚子醬便可, 我也是首次食茶葉.

口感有點似食嫩口的菜葉, 入口帶有甘香, 幾特別.

又到賞櫻花季節，去吾到日本睇花，就食番一個期間限定甜品 - 櫻花抹茶卷蛋.

甜度適中, 忌廉夠滑身.

加上香濃的抹茶雪糕, 與紅豆和白玉非常夾.

這一餐非常豐富.

鯖魚定食和抹茶紅豆白玉金磚 @ 京林屋

我本身愛食甜品, 而京林屋係我其中一間最常去的店舖之一, 早前便去了位於太古城的分店.

來這裡除了食我最愛的甜品外, 咸點也不要錯過.

佢地會定期推出新款式, 今次我就試了鯖魚定食.

鯖魚都幾大條, 味道調教不錯.

而飯帶少許黏, 係我鍾意的口感.

飲品點了熱焙茶牛奶忌廉.

一見到滿滿的忌廉我就好開心.

忌廉又香又滑, 完全唔會覺得膩.

而且甜度適中, 入口有淡淡的焙茶香味.

每次來京林屋, 我必食甜品，今次試了新推出甜品  - 抹茶紅豆白玉金磚.

這個要等大約二十分鐘, 終於等到甜品上枱.

吐司上放了抺茶味的軟雪糕.

而配料有白玉和紅豆.

吐司幾脆身.

而抹茶雪糕夠幼滑, 抹茶味道也算香濃.

當然不能錯過白玉和紅豆, 混合雪糕或吐司一齊食, 多重口感.

食完甜品, 感覺十分滿足.