初嚐英國菜 @ The Leah

早前相約係港島區工作的友人食飯, 銅鑼灣係最方便大家的地區, 我地選了The Leah 食晚飯.

友人介紹來這裡食飯, 初時以為係一般西餐, 原來這裡食英國菜, 對我來講, 非常有新鮮感, 當日由友發板點菜.

等菜式上枱前, 先飲杯飲品.

我點的是Pomegranate and chamomile.

味道幾清新, 好適合依加天氣飲.

小食點了蘇格蘭流心蛋.

賣相相當精緻.

流心的溏心鴨蛋夠香.

個多士條同平日食有點不同, 原來混入香草及橄欖油煎到脆口.

兩者好夾, 又唔太覺得油膩.

香焗啤酒牛肉洋蔥餡餅.

我自己鍾意食餡餅.

這是以傳統的做法而成, 內裡的肉仍然保持多汁, 完全唔會覺得乾身和硬.

我地鍾意食牛肉, 所以主菜以牛肉為主.

美國牛肋骨配莎莎青醬伴以牛骨髓馬鈴薯丸子.

牛肋骨的肉質相當嫩滑, 味道調教適中.

另外, 也可以點醬汁一齊食, 又是另一番風味.

威靈頓牛柳.

這個要提早預訂, 好適合三五知己一齊食.

賣相相當吸收.

外層係酥皮, 內裡餡料有牛肉、蘑菇、帕爾馬火腿.

由於我只食全熟牛, 以為唔啱我食, 估唔到最外一塊是全熟.

即是全熟, 也唔會覺得硬, 而且配有多款材料, 多重口感.

這一餐好豐富.