活燒浦燒鰻魚飯 @ 金鶴拉麵

早前係佐敦上完堂, 順便係附近覓食, 最後去了金鶴拉麵食嘢.

本來我係為了食拉麵而來, 但見到餐牌有鰻魚飯食, 所以就點了活燒浦燒鰻魚飯.

小食本想食明太子雞翼, 可惜無貨, 所以點了燒黑豚肉串.

燒黑豚肉串.

一碟有兩串.

黑豚肉肥瘦分怖平均, 肉質帶點口感, 味道調教不錯.

我期待已久的活燒浦燒鰻魚飯終於上枱.

賣相相當精緻.

鰻魚飯以盒承載着, 仲有一碗湯和前菜.

鰻魚係即叫即燒, 所以一打開盒蓋, 香味撲鼻.

鰻魚幾大塊, 仲幾厚身.

由於夠厚身, 口感較佳.

魚肉的肉質尚算嫩滑, 而且個醬汁調教好味, 兩者好夾.

我鍾意同飯一齊食, 雙重口感.

個飯附有湯, 可以清一清喉嚨.

這個鰻魚飯真係不錯, 下次再試下其他款式.