活燒浦燒鰻魚飯 @ 金鶴拉麵

早前係佐敦上完堂, 順便係附近覓食, 最後去了金鶴拉麵食嘢.

本來我係為了食拉麵而來, 但見到餐牌有鰻魚飯食, 所以就點了活燒浦燒鰻魚飯.

小食本想食明太子雞翼, 可惜無貨, 所以點了燒黑豚肉串.

燒黑豚肉串.

一碟有兩串.

黑豚肉肥瘦分怖平均, 肉質帶點口感, 味道調教不錯.

我期待已久的活燒浦燒鰻魚飯終於上枱.

賣相相當精緻.

鰻魚飯以盒承載着, 仲有一碗湯和前菜.

鰻魚係即叫即燒, 所以一打開盒蓋, 香味撲鼻.

鰻魚幾大塊, 仲幾厚身.

由於夠厚身, 口感較佳.

魚肉的肉質尚算嫩滑, 而且個醬汁調教好味, 兩者好夾.

我鍾意同飯一齊食, 雙重口感.

個飯附有湯, 可以清一清喉嚨.

這個鰻魚飯真係不錯, 下次再試下其他款式.

食神黯然銷魂飯配湯 @ Chop Chop食神义燒

A先生愛食燒味, 所以早前便趁星期日去位於炮台山的Chop Chop食神义燒食午餐.

來這裡, 當然要一試食神黯然銷魂飯配湯.

另外, 點了燒味雙拼 - 燒腩仔拼油雞.

飲品我點了咸檸七.

我好耐無飲咸檸七, 所以感覺不錯.

食神黯然銷魂飯配湯上枱.

义燒燒得幾靚.

這個义燒係一層肥一層瘦, 啱晒A先生, 佢食到津津有味.

而對於我鍾意食偏瘦的义燒, 這個係偏向肥, 但味道調教不錯, 而且肉質幾稔身.

個湯我鍾意飲, 食完油膩食物, 飲這個可以起中和作用.

燒腩仔拼油雞.

油雞幾滑身.

而燒腩仔塊皮再脆身一點更好味.

佢地的秘製醬汁用來點燒味很不錯.

 

晚餐 @ 冬蔭Noodle

早前係尖沙咀做療程, 療程後就係附近覓食, 今次去了冬蔭Noodle食嘢.

我點了牛船河湯底配肉類, 而麵選了金邊粉.

小食點了串燒沙嗲雞.

來食泰國野, 飲品選了泰式玫瑰奶茶試試.

泰式玫瑰奶茶.

甜度適中, 級茶入口的質感尚算滑身.

牛船河湯上枱.

材料也有不少, 包括鮮牛肉，牛丸，豬肉丸，魚蛋.

牛肉肉質夠鬆軟.

而個湯底的牛肉味道幾濃郁, 啱晒愛食牛的我.

金邊粉幾滑口, 軟硬度適中.

串燒沙嗲雞.

個醬汁調教得不錯, 與雞肉配搭剛好, 唔會過咸.

而雞肉串單食其實也夠味道, 所以兩款食法我也鍾意.

軟殼蟹黑松露意大利粉 @ double café

上星期上完堂, 便去附近覓食, 最後去了double café食飯.

我見到有午餐, 一共有十款選擇, 真的不少, 最後我選了軟殼蟹黑松露意大利粉.

我加了$18配龍蝦湯.

另外, 可以配$38飲品, 我補差價點了熱紅莓果茶.

店員先奉上龍蝦湯.

湯味道調教尚算不錯, 唯獨唔夠熱.

熱紅莓果茶.

這個天氣, 我最愛飲果茶.

入口帶點酸酸, 幾醒胃, 也感覺舒服.

軟殼蟹黑松露意大利粉上枱.

份量比我想像中多.

軟殼蟹外層帶點脆身, 內裡幾鬆化, 唔會炸得過火, 也算大隻, 較有口感.

意粉軟硬度適中, 啱我口味.

而且入口有香濃的黑松露醬, 與軟殼蟹幾夾.

下次再來的話, 要試下其他主菜.