自助晚餐 @ The Farmhouse

係炮台山工作也有一段日子, 附近一帶的酒店不多, 最近係北角終於開了一間新的酒店, 叫Hotel VIC on the Harbour, 今次去了佢地的餐廳The Farmhouse食自助晚餐.

這裡其中一樣吸引我是海鮮.

一踏入餐廳已見到龍蝦, 蟹, 青口, 翡翠螺等的冷盤海鮮. 雖然這裡沒有生蠔供應, 但對於唔食生蠔的我就完全無影響.

還有各式各樣的熱食和甜品.

而最特別一定係這部旋轉自助雪糕機, 放滿不同牌子的雪糕和雪條, 真係令人眼花撩亂.

我習慣先飲湯.

這個燉湯幾鮮甜和滋潤.

再來就食我最愛的龍蝦.

蝦肉夠新鮮, 又爽口彈牙.

海鮮受歡迎, 好快被清晒, 職員也會定時睇下情況再補.

A先生食了佢至愛的刺身.

我就食壽司.

再來就是意粉, 我選了我愛食的闊條麵, 因應自己喜愛選擇配料.

而且旁邊有一個原個芝士, 加上新鮮的芝士碎, 特別好味.

還有即整生果汁.

我這杯哈蜜瓜和梨, 飲完好清新.

也有一些懷舊食品, 如豬紅, 牛腩等.

熱食選擇也有不少, 我最鍾意食龍蝦鉗和鵝肝.

其實已經好飽, 但甜品怎樣也食一點點.

我幾鍾意這裡自家製的曲奇餅.

最後食番一杯雪糕.

再飲一杯熱咖啡.

這一餐非常滿足.