龍蝦意大利飯 @ Olive ERA

早前經友人介紹下得知黃大仙有一間西餐廳不錯, 可以去試下, 所以早前就同A先生去食晚飯.

先點一個沙律和小食.

特式香烤凱撒沙律配煙三文魚.

這個同我平日食的凱撒沙律好唔同, 因為佢係整顆菜上枱.

蔬菜幾新鮮爽脆, 而且烤過的菜有點感覺有點不同, 作為前菜最好不過.

香煎蟹餅配刁草芥末醬.

蟹餅外層帶點脆身, 而饀裡全是蟹肉, 入口蟹肉味道香濃, 這樣真材實料, 食得特別滿足.

龍蝦濃湯.

個湯味道調教不錯, 也有蝦肉, 唯獨係唔夠杰身, 稀咗一點.

A先生選了香煎1855肉眼扒, 青胡椒汁和五成熟.

而我就選了龍蝦意大利飯.

香煎1855肉眼扒上枱.

份量都幾大份, 配上薯條.

五成熟的要求, 算係達標.

肉質幾稔身, 尚算不錯, 唯一係脂肪多了一點, 所以有部份不能食.

粗身薯條啱晒我口味.

龍蝦意大利飯.

賣相相當吸引.

龍蝦殼已整開, 只需要用义一吉開便食得, 非常方便.

龍蝦肉夠爽口彈牙, 而且啖啖肉.

意大利飯軟硬適中, 個汁被每一粒飯吸收晒, 所以好啱晒.

這個飯係甘多個菜式中我覺得最好味, 鍾意食意大利飯的朋友一定不要錯過.