石燒濃厚豚骨魚介味玉沾麵 @風雲丸

早前去灣仔做嘢, 做完後, 便係附近揾野食, 見到一間叫風雲丸食日式拉麵的食店, 便入去試下.

原來這裡主要食沾麵, 正心我心意.

我點了石燒濃厚豚骨魚介味玉沾麵.

客人可以因應自己的喜好去選冷或熱, 要唔要蒽和筍, 最好是連麵要標準, 大盛或特盛也可以, 也不用額外加錢.

最後我選了熱湯底, 而麵就要標準, 保留蒽和筍.

天氣炎熱, 點了信州白桃蘇打.

呻一口冰涼的凍飲, 特別令人舒服.

石燒濃厚豚骨魚介味玉沾麵上枱.

賣相已經好吸引.

湯以石鍋承載住, 一直保持熱度.

而碗裡除了麵外, 仲有义燒, 温泉蛋.

湯底相當杰和濃郁, 而麵條偏向粗身一點, 這樣更能掛多一點醬汁，特別好味.

义燒是厚切, 較有口感, 入口完全不覺得乾和硬.

還有我最愛的温泉蛋.

一整開, 蛋黃流出, 師傅控制時間不錯, 食的時候, 口中滿滿流心蛋黃.

另外, 點多了一個小食, 就是炸雞.

我選了沙律醬.

上枱時香味撲鼻.

雞外層炸得夠香脆, 但粉漿又不會過厚. 而雞肉則嫩滑, 外脆內嫩.

下次來要選下其他款式的沾麵.